Jɛremaya 45:5 - EBƆRƐ BE KAWƆL

⁵ Fo ere bee fin asheŋgboŋ nna a sa fo kumu a? Yige amo be kefin. Ŋkpal manɛ so, meeŋ shin nɛ edimɛdi kikɛ e ji jɛrbi, ama kaplɛkama nɛ fo ere yɔ, feeŋ nya n shile m mɔlga fo kumu n ji efute. Ma, Enyɛnpe Ebɔrɛ e kaŋɛ na.”

Jɛremaya 45:5 Iomraidhean Croise

Jɛnesis 6:12

Ndoŋ nna nɛ Ebɔrɛ wu fanɛ durnya jija, ŋkpal manɛ so, basa be asheŋ lubi sɔ durnya to kikɛ nyam nna nɛ dimɛdi be asheŋ woraso kikɛ ki kulubi.

1 Bewura 3:11

Nɛ Enyɛnpe Ebɔrɛ kaŋɛ ewura Sɔlɔmɔn le: “Fo kule kusɔ nɛ k walɛ. Fo maŋ kule kedamaya ŋko amansherbi ŋko fo doŋana be luwu ŋko ŋkpa tenteŋ n sa fo kumu ama kanyiasheŋ nɛ nfɛra nɛ fo kule ma nɛ fo tiŋ n ji ma basa nɛ n ta fo ŋ ki bumo be ewura na so kuwura nɛnɛ.

1 Bewura 3:9

amoso jande sa ma kanyiasheŋ nɛ nfɛra nɛ meeŋ ta a pin kulubi nɛ kelela. Saŋɛ na so meeŋ tiŋ n ji bumo so kuwura nɛnɛ; nɛ mannɛ aloŋ, nuso nɛ meeŋ tiŋ n wora n ji fo basa damta ere kikɛ so kuwura?”

2 Bewura 5:26

Nɛ Elaisha kaŋɛ le: “Saŋɛ so nɛ kanyɛn na lar mbe gbaŋɛturko to nɛ fo nɛ mo yil na, nɛ n wɔ men kutɔ kiyoyu to. Mannɛ saŋɛ nɛ k daga fo ka sɔ amansherbi nɛ ewajɛ nɛ ɔlif be ndɔ nɛ ndibi nɛ baa tre greep na be ndɔ nɛ mbolpɔ nɛ ana ŋko nyɛrbi nde!

Nshɛ 131:1

O Enyɛnpe Ebɔrɛ, n yige ma kamoowu kikɛ nseŋ lar ma keŋkenshi kikɛ nyam to. M maŋ naa ta ma kumu a wɔtɔ asheŋgboŋ to, ŋko emamachisheŋ nɛ m maaŋ tiŋ m pin to to.

Aizaaya 66:16

Edɛ nɛ tokobi nɛ Enyɛnpe Ebɔrɛ na kɔ ba nɛ e ba ji durnya to be basa kikɛ demu nɛ basa damta nɛ baaŋ ji n tɔr na e wu.

Jɛremaya 21:9

Esa kama nɛ e wɔ kadegboŋ na to beeŋ wu kena to ŋko akoŋ beeŋ mɔ mo ŋko e beeŋ lɔ n wu. Ama bekama nɛ baaŋ lar n ta bumo be amu n ya bɔɔ Babilɔnebi nɛ b kulti Jerusalɛm n wɔtɔ na enɔ bre beeŋ nya bumo be amu.

Jɛremaya 25:15

Ade be kaman nɛ Enyɛnpe, Israɛl be Ebɔrɛ na naŋ kaŋɛ ma le ashi bɔrɛdare to: “Kawiebi nɛ ma agbo bɔlɔ kumo nde. Sɔ kumo n yɔ efuliana nɛ meeŋ shuŋi fo amo so na so n ya shin nɛ b nuu kumo to.

Jɛremaya 25:16

B kaŋ nuu kumo to be asɔ n loge, baaŋ boo nsaa wora asheŋ fanɛ bumo be amu ka kilgi na, ŋkpal kena nɛ meeŋ nya agbo n shin nɛ k ku bumo to na so.”

Jɛremaya 25:31

Mbe ebɔl na beeŋ gbri n yɔ durnya be kukɔlɔbi kikɛ to. Enyɛnpe Ebɔrɛ na kɔ demu ko a ji a gbiti efuliana na. E beeŋ ji basa kikɛ demu nseŋ shin nɛ luwu e ba kumu kpakpasowuraana so. Ma, Enyɛnpe Ebɔrɛ e kaŋɛ na.’ ”

Jɛremaya 38:2

Enyɛnpe Ebɔrɛ na yɛ: “Kena ŋko akoŋ ŋko kulɔ beeŋ mɔ esa kama nɛ e kraa wɔ Jerusalɛm to. Ama bekama nɛ baŋ lar n ya ta bumo be amu m bɔɔ Babilɔnebi na enɔ bre maaŋ wu. Abaanaaworasheŋ bumo ere beeŋ ji efute.”

Jɛremaya 39:18

Meeŋ mɔlga fo nɛ b sa maŋ mɔ fo. Feeŋ nya ekpa n shile m mɔlga fo kumu ŋkpal fo ka ta fo yirda n wɔtɔ ma to so. Ma, Enyɛnpe Ebɔrɛ e kaŋɛ na.”

Zefanaiya 3:8

Menyi ere e jo a keni kachɛ nɛ meeŋ wu efuliana na kulubi nseŋ ji amo demu na. N tiŋ n yili kumo fanɛ meeŋ gama efuliana na nɛ kuwurjiana kikɛ abar so nseŋ shin nɛ ma agbo nɛ k bee suse fanɛ edɛ na e ba bumo so. Meeŋ nya agbo ga m mur durnya ere kikɛ.

Romebi 12:16

Men baa kɔ kɔnɔkoŋwule be kebaawɔtɔ a sa abar. Men sa maa maŋ menyi be amu so, ama men baa bar menyi be amu kaseto a shuli a shuŋ bebɔlpo be ashuŋ a maa fɛ fanɛ men la benyiashempo.

Hibruwebi 13:5

Men lara menyi be ŋgbeneana ashi kemansherbisha to nseŋ shin nɛ asɔ nɛ men kɔ na e baa kukwe menyi, ŋkpal manɛ so, Ebɔrɛ kaŋɛ fanɛ: “M maaŋ yige menyi kikɛ, ma alɛ maaŋ kplaŋ menyi so kikɛ.”