Jɛremaya 44:19 - EBƆRƐ BE KAWƆL

¹⁹ Kede be kaman nɛ beche na naŋ kaŋɛ le: “Anyi ka daa wɔ Juda be efuli so na an daa bunyaŋ ebɔrɛso be Ewurche na nna nsaa ta yabra nɛ ebodobodo nɛ an lɔŋɛ fanɛ mbe kaduli a lara esarga a sa mo. An kulana malɛ daa nyi kusɔ nɛ an daa wora na nseŋ daa yil anyi be kaman ashi amo kikɛ to nna.”

Jɛremaya 44:19 Iomraidhean Croise

Jɛnesis 3:6

Kusɔkpaŋ na ka kaŋɛ loŋ na nɛ eche na wu fanɛ kedibi na be asɔrso walɛ kenishiso kashenteŋto nseŋ duli asɔ nɛ a beeŋ baa wɔ ebel, amo alɛ naŋ duli asɔ nɛ esa beeŋ ji nseŋ nya kanyiasheŋ. Nɛ amo be kayɛlga ba mo to nɛ e chuge kedibi na be asɔrso na n ji nseŋ ta n sa mo kul nɛ e daa wɔ mo kutɔ na nɛ mo alɛ gba ji.

1 Bewura 21:25

Esa kama daa maŋ wɔtɔ loŋ be jemanɛ na nɛ kulubi bee wora mo ebel a chɔ ewura Ahab. Mbe eche Jɛzebel malɛ e daŋ shin nɛ e ki loŋ.

2 Kronikɛls 21:6

Ŋkpal ewura Jehoram ka ta ewura Ahab pibiche so e daa kɔ kumukpakpaso nna fanɛ ewura Ahab nɛ Israɛl be bewura ko nseŋ wora alubi ŋ gbiti Enyɛnpe Ebɔrɛ,

Aŋasa 11:21

K baa dese nna geeŋ fanɛ baaŋ gberge belubiworapo kusoe, ama bekama nɛ baa wora asheŋ niŋiso bre beeŋ gelge kasogberge.

Jɛremaya 44:15

Ndoŋ nna nɛ benyɛn nɛ b nyi bumo be beche ka bee lara esarga a sa agbirana nɛ beche nɛ b daa yil ndoŋ na, n ta Israɛlebi nɛ b daa wɔ Ijipt be kelargato be kaseto be kaba so na nɛ jimaŋ damta na kikɛ boŋ to awɔrso ŋ kaŋɛ ma le:

Jɛremaya 44:20

Ndoŋ nna nɛ ma alɛ kaŋɛ jimaŋ na le:

Jɛremaya 7:18

Mbia bee kil ndibi nna nɛ benyɛn bee puga edɛ nɛ beche malɛ bee ta nyifu a to mansaŋ nɛ ekpakulo a sa kegbirche nɛ baa tre Ebɔrɛso be Ewurche na. Bumo alɛ naa ta nsa nna a to nchu a sa agbirana a shin nɛ ma kagbene bee kaa.

Nɔmbɛs 30:12

Nɛ mo kul nu kumo nseŋ ju mo fanɛ e sa maŋ wora m bɔlɔ kɔnɔ naseso na so bre, kumo ere k maŋ daga e ka wora m bɔlɔ kumo so. Enyɛnpe Ebɔrɛ malɛ beeŋ ta m paŋ mo ŋkpal mo kul ka ju mo na so.

Nɔmbɛs 30:8

Nɛ mo kul ju mo fanɛ e sa maŋ wora m bɔlɔ kɔnɔ naseso na so bre, kumo ere k maŋ naŋ daga fanɛ e wora m bɔlɔ kumo so. Enyɛnpe Ebɔrɛ malɛ beeŋ ta m paŋ mo.