Jɛremaya 44:14 - EBƆRƐ BE KAWƆL

¹⁴ Basa nɛ b daŋ ka a wɔ Juda be efuli so nseŋ lar m ba kaa wɔ Ijipt na be ekama maaŋ nya n shile m mɔlga mbe kumu ŋko n ji efute. Bumo to be esa koŋwule gba maaŋ bɛta n yɔ Juda, kakpa nɛ b naa yɛlga kebɛta n yɔ na. Bumo to be basa gbrɛbi ko e naŋ nya m bɛta n yɔ.”

Jɛremaya 44:14 Iomraidhean Croise

Aizaaya 10:20

Jemanɛ ko bee ba nɛ Israɛl nɛ Juda be basa nɛ baaŋ ji efute na maaŋ naŋ ta bumo be amu n deŋi efuli nɛ k daŋ ka gbrɛ nɛ k mur na so. Baaŋ ta bumo be amu n deŋi Enyɛnpe, Israɛl be Ebɔrɛ cheembi na so nna.

Aizaaya 4:2

To, jemanɛ ko bee ba nɛ Enyɛnpe Ebɔrɛ na e shin nɛ adɔjibi nɛ ndibi kikɛ e daŋ n nyalɛ a walɛ. Saŋɛ na so nɛ Israɛl be basa kama nɛ baaŋ ji efute na be ŋgbene e fuli kasawule na be adɔjibi so nɛ b baa puchi amo so.

Jɛremaya 22:10

Juda be basa men sa maŋ shu ŋkpal ewura Josaya ka wu so. Ama menyeeŋ tiŋ n shu ga ŋkpal mo pibinyɛn, ewura Jehowahaz nɛ b pɛ a yɔ efuli pɔtɛ wɔfɔ so nɛ e maaŋ naŋ bɛta m ba ŋko n wu kasawule nɛ b kurge mo kumo so na so.

Jɛremaya 42:17

Basa kama nɛ b yili kumo fanɛ baaŋ yɔ Ijipt n ya chena na beeŋ wu kena to ŋko akoŋ ŋko kulɔ beeŋ mɔ bumo. Bumo to be ekama maaŋ ji efute, ekoŋwule gba maaŋ gelge jɛrbi nɛ meeŋ bar bumo so na.’

Jɛremaya 42:22

Amoso men baa nyiŋi fanɛ menyeeŋ wu kena to ŋko akoŋ ŋko alɔ beeŋ mɔ menyi ashi Ijipt be efuli nɛ menyee sha keya chena so na so.”

Jɛremaya 44:26

Ama naniere men kaŋ asoe n nu kɔnɔ nɛ ma, Enyɛnpe Ebɔrɛ na bee nase ashi ma ketregboŋ na to a sa menyi Israɛlebi kikɛ nɛ men wɔ Ijipt na. M maaŋ naŋ shin nɛ menyi be ekama e naŋ ta ma ketre n nase kɔnɔ a kaŋɛ le: ‘M bɔ Enyɛnpetale Ebɔrɛ nɛ e bee sa ŋkpa na!’

Ezikɛl 20:38

Meeŋ lara ŋgbene kpakpaso wuraana nɛ baa lar ma kaman na ashi menyi to. Hale nɛ n lara bumo ashi efuliana nɛ b pesaŋ to n yɔ na gba m ba, b maaŋ nya m bɛta n yɔ Israɛl be kasawule so. Ndoŋ nɛ menyeeŋ pin fanɛ ma e la Enyɛnpe Ebɔrɛ na.

Ezikɛl 6:8

Ama meeŋ shin nɛ beko e ji efute nseŋ pesaŋ to n yɔ efuli pɔtɛana so.

Matiu 23:33

Awɔ ere, awɔ lubi be mbia ere, nuso nɛ menyeeŋ wora nɛ b maaŋ gberge menyi kusoe n yɛr menyi Setani be edɛ to?

Romebi 2:3

Ama fo ere dimɛdi, asheŋ nɛ fo kɔ a wu basa kulubi ere gbagba nɛ fee wora, amoso, fee tama fanɛ feeŋ nya ŋ gelge Ebɔrɛ be demuji to a?

Romebi 9:27

Le nɛ anebi Aizaaya bee kaŋɛ Israɛlebi be asheŋ awɔrso: “Nɛ Israɛlebi baa shi fanɛ teku ase be ajembubi gba, bumo to be gbrɛbi e naaŋ nya kumɔlga.

Hibruwebi 2:3

To, nɛ an baŋ kplaŋ le be kumɔlga gboŋgboŋi ere so, nuso nɛ anyeeŋ wora ŋ gelge kasogberge? Enyɛnpe gbagba e daŋ fara m bɔ kumɔlga na be kubɔya n sa basa, nɛ bumo nɛ b daŋ nu kumo mo kutɔ na malɛ ŋini anyi fanɛ k la kashenteŋ nna.