Jɛremaya 44:13 - EBƆRƐ BE KAWƆL

¹³ Kananɛ n ta kena nɛ akoŋ nɛ alɔ ŋ gberge Jerusalɛm to be basa kusoe na, aloŋ nɛ meeŋ gberge bumo nɛ b wɔ Ijipt na kusoe.

Jɛremaya 44:13 Iomraidhean Croise

Jɛremaya 11:22

Ndoŋ nna nɛ Enyɛnpe Ebɔrɛ na malɛ kaŋɛ le: “Meeŋ gberge bumo kusoe! Bumo be mbrantiɛ beeŋ wu kena to nɛ akoŋ e mɔ bumo be mbia wurbi malɛ.

Jɛremaya 21:9

Esa kama nɛ e wɔ kadegboŋ na to beeŋ wu kena to ŋko akoŋ beeŋ mɔ mo ŋko e beeŋ lɔ n wu. Ama bekama nɛ baaŋ lar n ta bumo be amu n ya bɔɔ Babilɔnebi nɛ b kulti Jerusalɛm n wɔtɔ na enɔ bre beeŋ nya bumo be amu.

Jɛremaya 24:10

Meeŋ shin nɛ kena nɛ akoŋ nɛ alɔ e ba bumo so n ya fo fanɛ bumo to be ekoŋwule gba ka maaŋ ka kasawule nɛ n ta n sa bumo nɛ bumo nananyɛnana na so.”

Jɛremaya 24:9

Meeŋ shin nɛ jɛrbi gboŋgboŋi e ba bumo so nɛ kufugboŋ e tɔr durnya to be efuli pɔtɛana be basa so nɛ b baa chicha. Basa beeŋ baa mushe nsaa wora bumo eyurto nseŋ naa ta bumo be ketre a shoduu ashi kaplɛkama nɛ baaŋ pesaŋ to n yɔ na.

Jɛremaya 42:16

kumo ere kena nɛ menyee ŋana na beeŋ ba menyi so nɛ akoŋ nɛ kumo be asheŋ bee da menyi kufu na gba e ba menyi so nɛ men ya wu ashi Ijipt to ndoŋ.

Jɛremaya 42:17

Basa kama nɛ b yili kumo fanɛ baaŋ yɔ Ijipt n ya chena na beeŋ wu kena to ŋko akoŋ ŋko kulɔ beeŋ mɔ bumo. Bumo to be ekama maaŋ ji efute, ekoŋwule gba maaŋ gelge jɛrbi nɛ meeŋ bar bumo so na.’

Jɛremaya 42:18

Ade be kaman nɛ Enyɛnpetale, Israɛl be Ebɔrɛ na naŋ kaŋɛ le: ‘Nɛ men kaŋ kini n yɔ Ijipt, kananɛ n daŋ nya agbo ga n wɔtɔ Jerusalɛm be basa nseŋ gberge bumo kusoe na nɛ meeŋ nya agbo n wɔtɔ menyi alɛ gba nseŋ gberge menyi kusoe. Menyi be asheŋ beeŋ baa chinchiŋ basa nɛ b baa ta menyi kadegboŋ na be ketre a shoduu basa. Menyi alɛ maaŋ naŋ wu kakpa ere kenishiso kikɛ.’ ”

Jɛremaya 43:11

Ewura Nebukadneeza beeŋ ba kɔ Ijipt be basa kena nseŋ mɔ bumo be basa damta. Alɔ beeŋ mɔ beko nɛ b pɛ beko malɛ ŋ gberge bumo n yɔ Babilɔn be efuli so.

Hoziya 9:6

Hale men baa shile a ŋana gba, Ijipt be efuli so nɛ menyeeŋ ya lar nɛ b puli menyi ashi bumo be kade nɛ baa tre Mɛmfis na to. Menyi be gbiti be ekpanjawu na beeŋ shir kupuŋ to nɛ afitiri e kɔr menyi be ewajɛbu to.