Jɛremaya 44:1 - EBƆRƐ BE KAWƆL

¹ Nɛ Enyɛnpe Ebɔrɛ na malga ma kutɔ a laŋɛ Israɛlebi nɛ b wɔ Ijipt be efuli so be ndegboŋana nɛ baa tre Migdɔl nɛ Taapanes nɛ Mɛmfis nɛ e wɔ efuli na be kelargato be esoso na nɛ bumo nɛ a wɔ efuli na be kelargato be kaseto be kaba so na be kaplɛa so.

Jɛremaya 44:1 Iomraidhean Croise

Jɛnesis 10:14

Misraim koŋwule na to nɛ basa nɛ baa tre Patrɔsebi nɛ Kasluhebi nɛ Kaftorebi na gba daŋ shi. Filistiebi shi Kasluhe be basa na to nna.

Ɛksodɔs 14:2

“Kaŋɛ Israɛlebi na fanɛ b bɛta kaman n ya yuu bumo be ewajɛbu Migdɔl nɛ teku na be kefɛato m mata Pihahirɔf ashi Baal Zefon be kaba ndoŋ dede.

Aizaaya 11:11

Loŋ be kachɛ na kaŋ fo, Enyɛnpe Ebɔrɛ na beeŋ naŋ bɔla mbe eleŋgboŋ so m bɛta mbe basa nɛ b ka a wɔ efuliana nɛ baa tre Asiriya nɛ Ijipt nɛ Patrɔs nɛ Itiopia nɛ Ilam nɛ Babilɔn nɛ Hamaf nɛ teku ase be nsawule nɛ kepla so na m ba.

Aizaaya 19:13

Benimuana nɛ b wɔ Zowan nɛ Mɛmfis na la bewulpo nna. Bumo e daŋ daga fanɛ b juŋkpar efuli na, ama b sa basa kasotoji lubi nɛ k shin nɛ efuli na be basa foe ekpa.

Jɛremaya 2:16

Benapo nɛ b shi Ijipt be efuli so be ndegboŋana fanɛ Mɛmfis nɛ Taapanes na e ba mur Israɛlebi be kasawule n shin nɛ b ji anishinyɔr fanɛ b ka pɛ bumo n she bumo be amu na.

Jɛremaya 24:8

Ama asɔrso nɛ e maŋ walɛ keji na malɛ yili nna n sa Juda be ewura Zedekiya nɛ mbe benimuana nɛ basa nɛ b ka kasawule na so nɛ bumo nɛ b shile n yɔ Ijipt be efuli so na nna.

Jɛremaya 43:13

Babilɔn be ewura beeŋ mur kegbirlambu nɛ baa shuŋ epeŋi kumo to ashi kadegboŋ nɛ baa tre Hiliopolis ashi Ijipt be efuli so na nseŋ chɔɔ Ijipt be agbirana be elambuana kikɛ.”

Jɛremaya 44:15

Ndoŋ nna nɛ benyɛn nɛ b nyi bumo be beche ka bee lara esarga a sa agbirana nɛ beche nɛ b daa yil ndoŋ na, n ta Israɛlebi nɛ b daa wɔ Ijipt be kelargato be kaseto be kaba so na nɛ jimaŋ damta na kikɛ boŋ to awɔrso ŋ kaŋɛ ma le:

Jɛremaya 46:14

E yɛ: “Ber kebomboŋ ashi Ijipt be ndeana to; fɔŋfɔŋ ashi Migdɔl nɛ Mɛmfis nɛ Taapanes, ŋ kaŋɛ le: ‘Men wora shiriya ŋ kɔ n suge menyi be amu; asɔ kama nɛ men kɔ na kikɛ beeŋ mur kena to!

Jɛremaya 46:19

Ijipt be basa, men bela ase n wora shiriya; bedoŋ beeŋ ba pɛ menyi n yɔ kenyaya to. Menyi be kadegboŋ nɛ baa tre Mɛmfis na beeŋ bure a dese fuloŋ nɛ esa kikɛ maaŋ naa wɔ kumo to.

Ezikɛl 29:10

fo nɛ Nail kikɛ ki n doŋ nna na. Amoso meeŋ shin nɛ Ijipt be efuli na a ki kasawule jiga nɛ shɛŋ maaŋ naa wɔ kumo so, yili kadegboŋ nɛ baa tre Migdɔl nɛ k wɔ kelargato be esoso na n ya fo kumo nɛ baa tre Aswan ashi kelargato be kaseto na, hale ŋ keta m ba choŋ menyi nɛ Kush be efuli so be egbaŋ to.

Ezikɛl 29:14

chena Ijipt be kasawule so be kelargato be kaseto, nɛ k la bumo be echenakpa gbagba na. Ama bumo alɛ beeŋ baa la basa pɔso ndoŋ nna.

Ezikɛl 30:13

Ade be kaman nɛ Enyɛnpetale Ebɔrɛ na naŋ kaŋɛ le: “Meeŋ mur agbirana nɛ mpɔrduliana nɛ Ijiptebi bee shuŋ ashi kadegboŋ nɛ baa tre Mɛmfis na. Esa kikɛ maaŋ naa wɔtɔ nɛ e ji Ijipt be efuli so kuwura, nɛ kufu a pɛ basa kikɛ efuli na so.

Ezikɛl 30:14

Meeŋ shin nɛ Ijipt be efuli na be kelargato be kaseto na be kasawule e dese fuloŋ. Meeŋ nya edɛ n wɔtɔ kadegboŋ nɛ baa tre Zowan nɛ k wɔ kelargato be esoso na n chɔɔ kumo m mur. Ma alɛ beeŋ gberge basa nɛ b wɔ Ijipt be efuli so be kadegboŋ nɛ baa tre Tɛɛbis na kusoe.

Ezikɛl 30:16

Meeŋ shin nɛ edɛ e ji Ijipt nɛ kagbenejija e tɔr basa nɛ b wɔ Pɛlusium na so. Egbal nɛ b pɔr ŋ kulti Tɛɛbis n wɔtɔ na beeŋ bure n tɔr nɛ nchu e ji kadegboŋ na; nɛ kufu a tɔr basa nɛ b wɔ Mɛmfis na so.

Ezikɛl 30:18

Jemanɛ nɛ meeŋ jija Ijipt be eleŋ nɛ baa puchi so nseŋ shin nɛ k ba ekar na, tentembiri beeŋ tɔr kadegboŋ nɛ baa tre Taapanes na so. Kuwɔlpa beeŋ buu Ijipt be efuli na so nɛ b pɛ kumo be ndegboŋ to be basa ŋ ki anya.

Hoziya 9:6

Hale men baa shile a ŋana gba, Ijipt be efuli so nɛ menyeeŋ ya lar nɛ b puli menyi ashi bumo be kade nɛ baa tre Mɛmfis na to. Menyi be gbiti be ekpanjawu na beeŋ shir kupuŋ to nɛ afitiri e kɔr menyi be ewajɛbu to.