Jɛremaya 43:5 - EBƆRƐ BE KAWƆL

⁵ Johanan nɛ benapo be benimuana na keta basa nɛ b daŋ pesaŋ to n shile n yɔ efuli pɔtɛana so nseŋ naŋ bɛta m ba Juda be kasawule so na nna n yɔ Ijipt be efuli so.

Jɛremaya 43:5 Iomraidhean Croise

2 Bewura 25:22

Babilɔn be ewura Nebukadneeza daŋ shin nna nɛ Ahikam pibinyɛn Gedaliya nɛ mo nananyɛn daa la Shafan na ki Juda be efuli so be gomena nseŋ shin nɛ e bee keni basa gbrɛbi nɛ b ka ndoŋ na so.

Jɛremaya 40:10

Ŋ gbagba beeŋ chena Mizpa nfe, saŋɛ na so Babilɔnebi na ya ba nfe meeŋ yili menyi be katelamu ashi bumo be anishito. Menyeeŋ tiŋ m bɛta n yɔ menyi be ndeana to n ya kaa chala eyabra nɛ asɔrsoana nɛ ɔlif be ŋkuana a yili.”

Jɛremaya 41:10

Kumo be kaman, nɛ e pɛ ewura Zɛdikaya be mbichesobi nɛ basa nɛ Nebuzaradan, nɛ e la benapo nɛ baa kuŋ Babilɔn be ewura na be enimu na, daŋ yige n sa Gɛdaliya fanɛ e baa keni so na ŋ keta bumo a yɔ Ammɔn be efuli so ashi Lɔr nɛ baa tre Jɔɔdan na be kaba ndoŋ.”

Jɛremaya 41:17

a yɔ Ijipt be efuli so. B daa yɔ ndoŋ nna ŋkpal b ka daa ŋana kufu a laŋɛ kusɔ nɛ Babilɔnebi beeŋ wora nɛ b kaŋ pin fanɛ Ishmaɛl mɔ Gɛdaliya nɛ ewura Nebukadneeza daŋ lara fanɛ efuli na so be gomena na be asheŋ. B ka wɔ ekpa to a yɔ Ijipt na nɛ b ya chena kade nɛ baa tre Gɛrut Kimham nɛ k mata Bɛtlɛhɛm na n wushi.

1 Samuɛl 26:19

Yiramu, nu kusɔ nɛ mee sha nɛ ŋ kaŋɛ fo ere! Nɛ fanɛ Enyɛnpe Ebɔrɛ na e shin nɛ fee kɔ ma, kumo ere meeŋ lara sarga n sa mo nɛ e chɛrga mbe nfɛra. Nɛ fanɛ dimɛdi malɛ e naa wora loŋ, Enyɛnpe Ebɔrɛ be kɔnɔsho na e pɛ amodoŋwura. Ŋkpal manɛ so, b ju ma ashi Enyɛnpe Ebɔrɛ be kasawule so n ya lɛ nnyamase be efuli so, kakpa nɛ m maaŋ tiŋ n shuŋ Ebɔrɛ.