Jɛremaya 43:12 - EBƆRƐ BE KAWƆL

¹² Meeŋ shin nɛ Ijipt be agbirlambuana e ji edɛ nɛ Babilɔn be ewura e chɔɔ agbirana na be ako nseŋ sulɔ ako malɛ n yɔ. Kananɛ mbolpɔkpapo bee gbaŋ gbaŋ mbe piŋi to a buu nɛ shɛŋ maa nya mo n duŋ kumo to na aloŋ nɛ e beeŋ gbaŋgbaŋ Ijipt to fanɛ piŋi nseŋ lar n choŋ nɛ shɛŋ maaŋ wora mo.

Jɛremaya 43:12 Iomraidhean Croise

2 Samuɛl 5:21

Filistiebi be benapo na ka shile n yige bumo be agbir na nɛ Deevid nɛ mbe basa ta amo.

Ɛsta 6:9

nseŋ shin nɛ fo benimuana na be eko e ta esa na n chena gbaŋɛ na so ŋ keta mo ŋ kulti kade ere be abɔrbi kikɛ so a kaŋɛ awɔrso le: ‘Men keni, kananɛ ewura bee ta esa a yili bunyaŋ be eyilikpa nna!.’ ”

Job be kawɔl 40:10

Kumo ere shin nɛ ekama e wu kemaŋkura nɛ yukugboŋ nɛ fo kɔ na.

Nshɛ 104:2

nɛ kefulto kulti fo n wɔtɔ kaplɛkama. Fo e parga kuwɔlpa to n sɔ kaplɛkama fanɛ wajɛbu, a wɔ kumo to.

Nshɛ 132:16

Meeŋ nɛfa kusɔ kama nɛ bɔrɛmatapoana na beeŋ baa wora nɛ basa na malɛ e baa boŋ nshɛ kagbenefuliso.

Nshɛ 132:18

E beeŋ baa buu kuwurwuro nɛ k bee nyɛkpɛ. Ama meeŋ shin nɛ mo doŋana bre a ji anishinyɔr.”

Ɛksodɔs 12:12

Kumo be kanyɛ na meeŋ ba Ijipt be efuli so m ba mɔ ewurkoŋnyɛn kikɛ, meeŋ mɔ edimɛdi nɛ asɔbɔya kikɛ peya. Ma alɛ beeŋ gberge Ijipt be efuli so be agbirana kikɛ kusoe. Ma e la Enyɛnpe Ebɔrɛ na.

Aizaaya 19:1

Kubɔya nɛ k wɔtɔ a laŋɛ Ijipt be efuli be kaplɛa so nde. Enyɛnpe Ebɔrɛ na bɔla kuwɔlpa so nna a ba Ijipt be efuli so manaŋ manaŋ. Kufu pɛ Ijipt be agbirana nna nɛ a bee chicha mbe anishito, nɛ kumo be basa malɛ be ŋgbene jija bumo ga nɛ b paŋ kenyɛn.

Aizaaya 21:9

K maŋ chɛr ko nɛ esoji nɛ b dii egbaŋɛ m bɛ abar so kenyɔ nyɔ fara a ba. Epul na to nɛ ekenipo na ponte awɔrso n sa baru nɛ egbaŋɛ diipo na bar ŋ kaŋɛ le: “Babilɔn be basa kɔ n tɔr! Agbirana nɛ b daa shuŋ na bure kuraa m pesaŋ to a dese kasawule.”

Aizaaya 46:1

“Babilɔn be efuli so be agbirana be eleŋ fo ekar! Jemanɛ ko Babilɔn ebi daa shuŋ agbir nɛ baa tre Bɛl nɛ Nebo na nna. Ama naniere amo nɛ b bela n deŋi ekurma so, nɛ a ki esulɔ a deŋ asɔbɔya nɛ a gben be mman na.

Aizaaya 46:2

Agbirana na maaŋ tiŋ m mɔlga amo be amu. Amo nɛ bedoŋ kɔ n suge a yɔ efuli pɔtɛ so na. Babilɔn be agbirana be eleŋ fo ekar nna na!

Aizaaya 49:18

Keni ŋ kulti fo! Feeŋ wu fo basa ka bɛta a ba epe. Ma, Enyɛnpe Ebɔrɛ ka baa wɔtɔ ere bre, feeŋ baa puchi fo basa so nsaa wu fo kumu, fanɛ kananɛ kejafɔche bee ta mbe abitasɔ a mea to nsaa ji kebita a ŋini basa na.

Aizaaya 52:1

Jerusalɛm to ebi, men tiŋi edi to! Men koso n yili ŋ kpeŋ menyi be eyur to! Ebɔrɛ be kade cheembi to ebi, men ta menyi be asɔbuuso lela m buu! Nnyamase nɛ b shi efuli pɔtɛana so na maaŋ naŋ luri menyi be kadegboŋ to n tɔrɔ menyi kikɛ.

Aizaaya 59:17

E beeŋ ta keji asheŋ nɛ amo be ekpa so m buu fanɛ enapo be kebɛlso be kekpaŋkale nɛ kumɔlga malɛ gba m buu fanɛ enapo be kebɛlso be kekpaŋwuro. Mo alɛ beeŋ naŋ ta kewora asheŋ ekpa nɛ k daga so kenishipereso fanɛ kusɔbuuso m buu nseŋ sɔ basa nɛ baa ji awurfoŋ be kɔnɔ so ŋ ka kulubi kukɔ.

Aizaaya 61:10

Jerusalɛm bre bee ji eyur kagbenefuliso nna ŋkpal kusɔ nɛ Enyɛnpe Ebɔrɛ na wora so. K du fanɛ kejafɔche ka ta mbe kejafɔ to be asɔbuuso m buu mbe kejafɔachɛ na nna. Ebɔrɛ ta kumɔlga nɛ kekɔmpɔɔso m buu Jerusalɛm nna fanɛ piŋi.

Aizaaya 61:5

Enyɛnpe Ebɔrɛ na be basa beeŋ ber befɔ paa, nɛ befɔ na e baa keni bumo be mbolpɔ so, nseŋ naa dɔ bumo be adɔjibi nɛ ndibi sɔrso be adɔ to.

Jɛremaya 10:11

Fo yɛ ŋ kaŋɛ basa fanɛ, mannɛ agbirana e to ebɔrɛso nɛ kasawule; fo Enyɛnpe Ebɔrɛ na malɛ beeŋ mur kegbir kikɛ nɛ edimɛdi lɔŋɛ.

Jɛremaya 10:15

Agbirana na maŋ kɔ tɔnɔ, a daga basa e wora amo eyurto nna nseŋ kini amo n lɛ. Kachɛ na kaŋ fo, Enyɛnpe Ebɔrɛ na beeŋ mur amo kikɛ.

Jɛremaya 25:19

Mboŋ nɛ amo alɛ gba beeŋ nuu kawiebi na to be asɔ nuuso na nde: Ijipt be efuli so be ewura nɛ mbe benimu nɛ bejuŋkparpo beeŋ nuu amo; Ijipt be basa kikɛ nɛ befɔ kama nɛ b wɔ Ijipt be efuli so beeŋ nuu amo; Bewura kama nɛ b wɔ Uz be kasawule so beeŋ nuu amo; Bewura kama nɛ b wɔ ndegboŋ fanɛ Ashkɛlɔn nɛ Gaaza nɛ Ekrɔn nɛ basa kama nɛ b ka e wɔ Ashdɔd na ashi Filisti be efuli so; Basa kama nɛ b wɔ Edɔm nɛ Mowab nɛ Ammɔn be efuliana so beeŋ nuu amo; Bewura kama nɛ b wɔ Tayɛ nɛ Sidɔn be ndegboŋana to nɛ nde nɛ bumo be basa wɔ a laŋɛ Teku nɛ baa tre Mɛditerenia na ase beeŋ nuu amo; Basa nɛ b wɔ ndegboŋ nɛ baa tre Dedan nɛ Tɛma nɛ Buz na kikɛ beeŋ nuu amo; nɛ basa kama nɛ baa shɛ bumo be amu kɔlikɔli na beeŋ nuu amo; Bewura kama nɛ b wɔ Areebia be efuli so na kikɛ beeŋ nuu amo; Keshishɛrsawule so be eyiriana na be bewura kikɛ beeŋ nuu amo; Bewura kama nɛ b wɔ Zimri nɛ Elam nɛ Midia be abonfu so na beeŋ nuu amo; Bewura kama nɛ b wɔ kelargato be esoso be kaba so be mboŋ nɛ e taga to nɛ amo nɛ e wɔ kufɔ kufɔ kikɛ so na beeŋ nuu amo. Durnya to be efuli kama daŋ nuu kawiebi na to be asɔ nuuso na. Babilɔn be ewura e daa la esa nɛ e shir kaman n nuu amo.

Jɛremaya 43:13

Babilɔn be ewura beeŋ mur kegbirlambu nɛ baa shuŋ epeŋi kumo to ashi kadegboŋ nɛ baa tre Hiliopolis ashi Ijipt be efuli so na nseŋ chɔɔ Ijipt be agbirana be elambuana kikɛ.”

Jɛremaya 46:25

Kumo be kaman, nɛ Enyɛnpetale, Israɛl be Ebɔrɛ na naŋ kaŋɛ le: “Meeŋ gberge Tebes be kegbir nɛ baa tre Ammɔn na nɛ Ijipt be agbirana nɛ kumo be basa nɛ bewuraana nɛ bekama nɛ b ta bumo be yirda n deŋi Ijipt be eleŋgboŋ so na kusoe.

Jɛremaya 48:7

Mowabebi, men ta menyi be yirda nna n wɔtɔ menyi be eleŋ nɛ kedamaya to, ama naniere bedoŋ beeŋ kɔ m pɔɔ menyi so nseŋ yɛr menyi be kegbir nɛ baa tre Chemɔsh na nɛ kumo be agbirwuraana nɛ benimuana na efuli pɔtɛ wɔfɔ so.

Jɛremaya 49:27

Meeŋ nya edɛ n wɔtɔ Damaskɔs be nwu to nseŋ chɔɔ ewura Bɛnhadad be ewurkpa lempoana n lɛ. Ma, Enyɛnpe Ebɔrɛ e kaŋɛ na.”

Jɛremaya 50:2

“Bɔ baru na nseŋ ber kumo be kubomboŋ n sa efuliana na! M maŋ tuta na so nseŋ ber baru na be kubomboŋ! Sa maŋ ta kumo fanɛ ashiri be kesheŋ! Babilɔn be efuli na beeŋ kɔ n tɔr! Bumo be kegbir nɛ baa tre Maaduk na e bure to; nɛ anishinyɔr a ji bumo be agbirana kikɛ.

Jɛremaya 51:44

Meeŋ gberge Babilɔn be kegbir nɛ baa tre Maaduk na kusoe, nseŋ shin nɛ k laŋɛ asɔ nɛ k yuri na n sa amowuraana. Kumo be kaman efuli pɔtɛana be basa maaŋ naŋ bar ŋkɛ m ba bunyaŋ kumo. Nɛ Babilɔn be egbalana e bure n tɔr.”

Ezikɛl 29:11

Dimɛdi ŋko kusɔbɔya kikɛ maaŋ naŋ bɔla kasawule na so n choŋ kikɛ. Nfɛ adena nɛ shɛŋ maŋ naa wɔ kumo so.

Ezikɛl 29:19

Amoso kusɔ nɛ ma Enyɛnpetale Ebɔrɛ na bee kaŋɛ nde e la fanɛ: Meeŋ ta Ijipt be kasawule n sa ewurgboŋ Nebukadneeza nɛ e kɔ n suge bumo be asɔ nseŋ sulɔ Ijipt be efuli so be mpetɛsɔ lela n yɔ nɛ a ki mbe benapo be kakɔka.

Ezikɛl 30:13

Ade be kaman nɛ Enyɛnpetale Ebɔrɛ na naŋ kaŋɛ le: “Meeŋ mur agbirana nɛ mpɔrduliana nɛ Ijiptebi bee shuŋ ashi kadegboŋ nɛ baa tre Mɛmfis na. Esa kikɛ maaŋ naa wɔtɔ nɛ e ji Ijipt be efuli so kuwura, nɛ kufu a pɛ basa kikɛ efuli na so.

Danɛl 11:8

E beeŋ ta bumo be agbirana nɛ asɔ lela nɛ b ta shuwa nɛ gbiti n lɔŋɛ na kikɛ n yɔ Ijipt be kasawule so. Kede be kaman, baaŋ chena kagbenewushi so nfɛ damta pɔɛŋ,

Zefanaiya 2:11

Enyɛnpe Ebɔrɛ na be asheŋ beeŋ pɛ bumo kufu, jemanɛ nɛ e beeŋ mur kasawule na so be agbirana kikɛ na. Efuliana nɛ a wɔ teku ase kikɛ be basa beeŋ bunyaŋ Enyɛnpe Ebɔrɛ na ashi bumo gbagba be nsawule so.

Romebi 13:12

Kanyɛ na biri n chɛr ga, naniere a ka gbrɛ nɛ kare e chɛ. Amoso, men shin nɛ an yige tentembiri to be ashuŋ shunso n lɛ nseŋ ta akɔsɔ na a wɔ kefulto to a kɔ.

Ɛfesesebi 4:24

Men luri kapɔr popɔr nɛ Ebɔrɛ pɔr nɛ k du fanɛ mo gbagba be kapɔr a yɔ kashenteŋ be alelasheŋ nɛ kebaawɔtɔ cheembi be kaplɛa so na to.

Ɛfesesebi 6:11

Men baa ta Ebɔrɛ be akɔsɔ kikɛ nyam a buu a kre to, saŋɛ na so menyeeŋ tiŋ n yili n tu Setani na be kafulesheŋ ana.

Kɔlɔsiebi 3:12

Amoso, men baa wora le be kelela ŋkpal Ebɔrɛ ka lara menyi ŋ kɔr a sha menyi a shin nɛ men baa du cheeŋ na so. Men baa wu kuwɔr, men baa la basa, men baa kɔ bunyaŋ, men baa kɔ kushuso, men baa kɔ kanyiti.

Kɔlɔsiebi 3:14

Ade kikɛ be buushi men ta kasha n wɔtɔ men be ŋgbene to, kasha e naa sa anyi kikɛ kɔnɔkoŋwule.