Jɛremaya 43:10 - EBƆRƐ BE KAWƆL

¹⁰ Kumo be kaman nɛ fo kaŋɛ bumo fanɛ ma, Enyɛnpetale, Israɛl be Ebɔrɛ na beeŋ shin nɛ ma kenya, Babilɔn be ewura Nebukadneeza e ba nfe m ba ta mbe kuwurputi n nase ajembu nɛ fo puli ere so nseŋ chena kumo so n ji kuwura bumo so.

Jɛremaya 43:10 Iomraidhean Croise

1 Bewura 20:12

Saŋɛ so nɛ ewura Bɛnhadad nɛ bewura nɛ baa chɛ mo to na nɛ bejuŋkparpoana na wɔ bumo be ewajɛbu to a nuu bumo be nsa na be jemanɛ so nɛ ewura Ahab be kubɔya na tu mo. E daŋ kaŋɛ mbe benapo nna fanɛ b koso n ya kɔ kade na, nɛ bumo kikɛ wora shiriya nɛ b ya kɔ kumo.

1 Bewura 20:16

Kumo be kapiidi nɛ ewura Ahab nɛ Israɛlebi be benapo lar nɛ b ya kɔ Ewura Bɛnhadad nɛ mbe basa kena. Loŋ be jemanɛ na so nɛ ewura Bɛnhadad nɛ bewura adesa nɛ anyɔ nɛ mo nɛ bumo wora kɔnɔ na wɔ ewajɛbu to a nuu nsa.

Nshɛ 18:11

E ta tentembiri nna ŋ kulti mbe kumu, nɛ abɔrɛwɔlpa ta mo ŋ ŋana awɔlpa to.

Nshɛ 27:5

Saŋɛ na so e beeŋ baa kuŋ ma tɔrɔ be jemanɛ; a ta ma a ŋana mbe bɔrɛlambu to. E beeŋ ta ma n yili kefaltagboŋ so, nɛ n nya kekuŋ.

Nshɛ 31:20

Fee kuŋ bumo ashi basa nɛ baa kre bumo ŋkre lubi be enɔ to nna, nsaa ta bumo a gelge katege nɛ asheŋ nɛ bedoŋ bee ku a deŋi bumo.

Aizaaya 44:28

Ma e kaŋɛ Pɛshiya be efuli so be ewura Sairus le: ‘Feeŋ baa la fanɛ ma mbolpɔkpapo n juŋkpar ma basa n wora m bɔlɔ kusɔ kama nɛ mee sha kewora so. Fo e naŋ shin nɛ b naŋ lɔŋɛ Jerusalɛm be kadegboŋ na nɛ bɔrɛlambu na m pɔr.’ ”

Aizaaya 45:1

Enyɛnpe Ebɔrɛ na e ta Sairus ŋ ki Pɛshiya be efuli so be ewura! E lara mo nna nɛ e kɔ m pɔɔ efuliana so nseŋ lara bewura ashi kuwurji to. Enyɛnpe Ebɔrɛ na beeŋ bugi ndegboŋ be mbunagboŋ kikɛ n sa mo nseŋ kaŋɛ mo le:

Jɛremaya 1:15

Ŋkpal manɛ so, mee pla enɔ a tre efuli pɔtɛana be basa nɛ b wɔ kelargato be esoso be kaba so na nna fanɛ b ba. Baaŋ ba kɔ n suge Jerusalɛm nɛ Juda be ndeana kikɛ. Kumo be kaman nɛ bumo be bewuraana e nase bumo be nwɔl nɛ nwurputi ashi Jerusalɛm be mbunagboŋ ase n chena so.

Jɛremaya 43:9

“Fin ajembu nɛ a shishibi nsaa du peŋgeleŋ peŋgelembi n sulɔ amo n yɔ Ijipt be ewura Fɛɛro be ewurkpa nɛ k wɔ Taapanes be kadegboŋ na to na be kabuna n ya pulgi ebirkesi nɛ b ta m pɔr akpabi a nite so a luri ewurkpa na nseŋ kur m puli ajembu na ndoŋ. Shin nɛ Israɛlebi na be beko e wu fo nɛ fee wora loŋ.

Jɛremaya 46:13

Jemanɛ nɛ Babilɔn be ewura Nebukadneeza nɛ e ba kɔ Ijipt be efuli so kena na nɛ Enyɛnpe Ebɔrɛ na malga ma kutɔ.

Jɛremaya 49:38

Meeŋ mur bumo be bewura nɛ bejuŋkparpoana nseŋ nase ma kuwurputi ndoŋ n ji kuwura efuli na so.

Ezikɛl 5:12

Menyi to be ntuŋ asa to be katuŋ koŋwule beeŋ wu ŋkpal alɔ nɛ akoŋ so ashi Jerusalɛm to, nɛ katuŋ nyɔsopo e wu kena to. Katuŋ sasopo malɛ beeŋ pesaŋ to n sɔ kaplɛkama a shile nɛ n ta tokobi m bɛ bumo so a mɔ.

Danɛl 2:21

Fo e kɔ eleŋ a shin nɛ saŋɛ nɛ jemanɛ kikɛ bee chɛrga. Fo e naa buu nsaa gboŋi bewura. Fo koŋwule na e naa sa basa kanyiasheŋ nɛ asheŋ be kepinto.

Matiu 22:7

Ndoŋ nna nɛ ewura na nya agbo ga nseŋ shuŋi mbe benapo nɛ b ya mɔ bemɔpo na kikɛ nseŋ chɔɔ bumo be kade na.