Jɛremaya 42:3 - EBƆRƐ BE KAWƆL

³ Amoso kule Enyɛnpe, anyi be Ebɔrɛ na nɛ e ŋini anyi kakpa nɛ anyeeŋ yɔ nɛ kusɔ nɛ anyeeŋ wora.”

Jɛremaya 42:3 Iomraidhean Croise

1 Bewura 8:36

kumo ere, Enyɛnpe Ebɔrɛ, yili esoso n nu bumo be kekule nseŋ ta fo basa Israɛlebi be alubi m paŋ bumo nseŋ ŋini bumo kusɔ nɛ k daga, n shin nɛ bɔrɛ e ba fo kasawule nɛ fo ta n sa fo basa fanɛ bumo be kapetɛ mbaanaayɔ ere so.

Ɛzra 8:21

Ahava be kabombi na ase nɛ ŋ kaŋɛ fanɛ a daga an kikɛ ka kishi nseŋ bar anyi be amu kaseto ashi Ebɔrɛ be anishito nseŋ kule mo nɛ e juŋkpar anyi nseŋ keni anyi nɛ anyi be mbia nɛ anyi be asɔ kikɛ so ashi anyi be enite to.

Nshɛ 27:11

Ŋini ma ekpa lela nɛ fee sha fanɛ m baa bɔla so, nɛ ma doŋana maaŋ nya ma.

Nshɛ 86:11

O Enyɛnpe Ebɔrɛ, ŋini ma kusɔ nɛ fee sha fanɛ n wora. Meeŋ baa nu a sa fo kashenteŋ na. Ŋini ma kananɛ meeŋ ta ma kagbene kikɛ a shuŋ fo nsaa bunyaŋ fo ketre na.

Aŋasa 3:6

Baa nyiŋi Enyɛnpe Ebɔrɛ na ashi kusɔ kama nɛ fee wora to, nɛ e baa lɔŋɛ ekpa nɛ fee bɔla so kananɛ k daga a sa fo.

Aizaaya 2:3

m ba kaŋɛ le: “Men shin nɛ an dii n yɔ Enyɛnpe Ebɔrɛ na be kebee so, n ya luri Israɛl be Ebɔrɛ na be bɔrɛlambu na to. E beeŋ ŋini anyi kusɔ nɛ e bee sha fanɛ an wora; saŋɛ na so nɛ an baa wora mbe aparsheŋ saŋkama. Ŋkpal manɛ so, Enyɛnpe Ebɔrɛ na be keŋini bee shi Jerusalɛm nna; nɛ e bee shi Zayɔn a malga a sa mbe basa.”

Jɛremaya 6:16

Ade kikɛ be kaman nɛ Enyɛnpe Ebɔrɛ naŋ kaŋɛ mbe basa le: “Men yili ŋkpancheri n to anishi ŋ keni, nseŋ bishi m pin ekpa dra nɛ men nananyɛnana daa bɔla so a wora asheŋ na nsaa bɔla kumo so wora asheŋ, saŋɛ na so nɛ men baa wɔ kayurwushi be kebaawɔtɔ to.” Ama le nɛ men daŋ kaŋɛ: “Ayai, anyi maaŋ wora loŋ!”

Maika 4:2

m ba kaŋɛ le: “Men shin nɛ an dii n yɔ Enyɛnpe Ebɔrɛ na be kebee na so, n ya luri Israɛl be Ebɔrɛ na be bɔrɛlambu na to. E beeŋ ŋini anyi kusɔ nɛ e bee sha fanɛ an wora; nɛ an baa wora mbe aparsheŋ saŋkama. Ŋkpal manɛ so, Enyɛnpe Ebɔrɛ na be keŋini bee shi Jerusalɛm nna; nɛ mo alɛ bee shi Zayɔn be kebee so a malga a sa mbe basa.”

Ditɛronɔmi 5:26

Dimɛdi ko wɔtɔ nɛ e nu Ebɔrɛ, nɛ mo nawule la Ebɔrɛ ere, ka bɔla edɛ to m malga nseŋ ji efute a?

Ditɛronɔmi 5:29

Nɛ fanɛ baaŋ baa kɔ le be nfɛra nsaa bunyaŋ ma jemanɛ kikɛ nseŋ naa wora ma mbraana kasonu, kumo ere asheŋ beeŋ nyalɛ n sa bumo nɛ bumo be kamanebi hale mbaanaayɔ.