Jɛremaya 42:21 - EBƆRƐ BE KAWƆL

²¹ Naniere ŋ kaŋɛ menyi kusɔ nɛ e kaŋɛ, ama menyi alɛ kini kewora kusɔ nɛ Enyɛnpe, menyi be Ebɔrɛ na shuŋi ma fanɛ m ba kaŋɛ menyi na kasonu.

Jɛremaya 42:21 Iomraidhean Croise

Nshɛ 81:12

Ŋkpal loŋ so nɛ n yige bumo n sa bumo be ŋkpensheŋ be kebaawɔtɔ nɛ b wɔtɔ a wora asheŋ nɛ baa sha.

Jɛremaya 43:1

Ŋ ka kaŋɛ basa na kusɔ kama nɛ Enyɛnpe, bumo be Ebɔrɛ na kaŋɛ na n loge,

Jɛremaya 43:4

Amoso Johanan nɛ benapo be benimuana na nɛ basa pɔtɛana na be ekama daa maŋ wora kusɔ nɛ Enyɛnpe Ebɔrɛ kaŋɛ na kasonu n chena Juda be kasawule so.

Jɛremaya 43:7

B daa maŋ wora Enyɛnpe Ebɔrɛ na kasonu nseŋ daŋ yɔ Ijipt n ya chena kadegboŋ nɛ baa tre Taapanes na.

Ezikɛl 2:7

Ma mmalga a daga fanɛ fo malga n sa bumo. Baaŋ nu ŋko b maaŋ nu, fo ere e malga n sa bumo. Baa nyiŋi fanɛ b la basa nɛ b kini ma nseŋ pal kaman n sa ma nna.

Ezikɛl 3:17

“Dimɛdi pibi, n lara fo nna nɛ fo baa keni Israɛl be basa so. Amoso nu kamalga nɛ ŋ kɔ nɛ n sa bumo ere nseŋ fɛa bumo so.

Ezikɛl 33:31

Amoso ma basa bee chala nna m ba nu kusɔ nɛ fo kɔ a kaŋɛ, ama bumo alɛ maaŋ wora kusɔ nɛ fo kaŋɛ fanɛ b wora na. Kashaso nɛ baa malga a sa abar, ama kejimuni nɛ kapuni e bɔlɔ bumo be ŋgbene to.

Ezikɛl 33:32

Kashenteŋto, bumo ere kutɔ fo la esa nɛ e kɔ ebɔl belbel so nna a laŋ jaŋjilaŋ nsaa boŋ kasha be nshɛ a deŋi bumo anishito. Baa nu asheŋ nɛ fee malga na kikɛ ama bumo alɛ maaŋ wora amo to be kukoŋwule gba.

Ashuŋ Shunso 20:20

Men nyi fanɛ saŋɛ nɛ n daŋ bɔ kubɔya na n sa menyi nseŋ ŋini menyi asheŋ basa to nɛ menyi peana na, n daa maŋ ta kusɔ kama nɛ k beeŋ chɛ menyi to ŋ ŋana menyi so kikɛ.

Ditɛronɔmi 29:19

Menyi alɛ e baa da so nɛ menyi to be esa kikɛ nɛ e wɔ nfe kabre nsaa nu kɔnɔkoŋwule be ŋkre ere be atande ere maaŋ fɛ fanɛ hale nɛ e wora mbe aparsheŋ gba, asheŋ kraa beeŋ nite nɛnɛ n sa mo. Kumo be loŋ beeŋ tiŋ m mur basa lela nɛ basa lubi kikɛ.

Ditɛronɔmi 30:15

“Kelela nɛ ŋkpa ŋko kulubi nɛ luwu nɛ mee ta a nase menyi be anishito kabre na, nɛ men keni to n lara kumo nɛ menyee sha.

Ditɛronɔmi 30:19

Ade kikɛ be kaman, luwu nɛ ŋkpa nɛ Ebɔrɛ be nɛfa nɛ mbe eshoduu nɛ n ta a nase menyi be anishito na. Ma alɛ bee ta ebɔrɛso nɛ kasawule so nna fanɛ a ji shɛda n sa amo be kumo nɛ menyeeŋ lara. Men lara ŋkpa, saŋɛ na so, menyi nɛ men be mbia beeŋ baa wɔ ŋkpa to.