Jɛremaya 42:20 - EBƆRƐ BE KAWƆL

²⁰ fanɛ kewora n foe gboŋgboŋi nɛ menyee shin nɛ men wora na. Menyi e kaŋɛ ma fanɛ ŋ kule Enyɛnpe, anyi be Ebɔrɛ na n sa menyi nseŋ nase kɔnɔ fanɛ kusɔ kama nɛ e kaŋɛ menyeeŋ wora kumo.

Jɛremaya 42:20 Iomraidhean Croise

Nshɛ 18:44

Efuli pɔtɛ so ebi bee jɔŋɛ ma ase nna. M baŋ yili kesheŋ n sa bumo, baa bɛ so nna.

Nshɛ 65:3

Anyi be alubi pɔɔ anyi so, nɛ fo ta anyi be aworandeso m paŋ anyi.

Jɛremaya 17:10

Ama ma, Enyɛnpe Ebɔrɛ na bee keni basa be nfɛra to nsaa wora bumo be ŋgbene a keni a nyi amo to nna. Kebaawɔtɔ nɛ ekama kɔ ŋko kusɔ nɛ e bee wora nɛ mee yili so a ka mo kukɔ.”

Jɛremaya 3:10

Ade kikɛ be kaman, Juda nɛ k la fanɛ Israɛl mo niopibi na, wora fanɛ e ka bee bɛta a ba ma kutɔ, ama k daŋ maŋ la kenishipere be kusɔ n sa mo.”

Jɛremaya 37:3

Ewura Zɛdikaya daŋ shuŋi Shelemaya pibinyɛn, Jehukal nɛ bɔrɛmatapo Zefanaiya nɛ e la Maaseia pibinyɛn na nna fanɛ b ba kaŋɛ ma fanɛ n yili mbe katelamu to ŋ kule Enyɛnpe, anyi be Ebɔrɛ na n sa mo.

Jɛremaya 38:14

Ade kikɛ be kaman, kachako nɛ Ewura Zɛdikaya shuŋi fanɛ b ya bar ma mo kutɔ ashi bɔrɛlambu na be kabuna sasopo na ase. Ndoŋ nna nɛ e kaŋɛ ma le: “Mee sha kebishi fo kusɔ ko nna. Ma alɛ bee sha fo kaŋɛ kashenteŋ nɛ k wɔ kumo to kikɛ.”

Jɛremaya 42:2

m ba kaŋɛ ma le: “Jande, wora kusɔ nɛ anyee kule fo ere n sa anyi. Kule Enyɛnpe, anyi be Ebɔrɛ na n sa anyi kikɛ nɛ an ji efute nsaa wɔ ŋkpa to ere. Jemanɛ nɛ k choŋ na an daa shi nna, ama fo gbagba beeŋ tiŋ n wu fanɛ naniere anyi basa gbrɛbi e ka.

Jɛremaya 42:5

Ndoŋ nna nɛ b kaŋɛ ma le: “Enyɛnpe Ebɔrɛ na gbagba e naaŋ baa la anyi be kashenteŋ be shɛdajipo fanɛ an nase kɔnɔ fanɛ anyeeŋ wora kusɔ kama nɛ e beeŋ bɔla fo so ŋ kaŋɛ anyi.

Jɛremaya 43:2

nɛ Hoshaya pibinyɛn, Azariya nɛ Kerii pibinyɛn, Johanan nɛ basa kpeŋso na be beko kaŋɛ ma le: “Efɛ nɛ fee ku! Enyɛnpe, anyi be Ebɔrɛ na maŋ shuŋi fo fanɛ fo ba kaŋɛ anyi fanɛ an sa maŋ ya chena Ijipt be efuli so.

Ezikɛl 33:31

Amoso ma basa bee chala nna m ba nu kusɔ nɛ fo kɔ a kaŋɛ, ama bumo alɛ maaŋ wora kusɔ nɛ fo kaŋɛ fanɛ b wora na. Kashaso nɛ baa malga a sa abar, ama kejimuni nɛ kapuni e bɔlɔ bumo be ŋgbene to.

Nɔmbɛs 16:38

ŋkpal b ka ta amo m ba Enyɛnpe Ebɔrɛ na be bɔrɛsure na ase so. Ta basa nɛ edɛ chɔ m mɔ ŋkpal bumo be alubi so ere be edɛtɔl m bɛl ebuuso a buu bɔrɛsure na so nɛ kumo be loŋ e baa la kefiɛso n sa Israɛlebi.”

Nɔmbɛs 17:3

Sibɛ Ɛɛrɔn be ketre n deŋi Livai be kanaŋ be kekpabi so, ŋkpal manɛ so, kanaŋ kama be ejuŋkparpo daga kekpabi koŋwule nna.

Matiu 22:35

Nɛ bumo to be mbraŋinipo ko ba ta kesheŋ bishiso ko n wora Yesu ŋ keni m bishi mo le:

Galeeshaebi 6:7

Men sa maŋ kaŋ fule men be amu. Esa maaŋ tiŋ n wora Ebɔrɛ eyurto. Kusɔ kama nɛ esa baŋ duu, kumo gbagba nɛ e beeŋ ba teŋi kacha ko.

Jeems 1:22

Ama men baa la benupo nɛ baa nu a wora nsaa maa nu kamalga na jiga a fule men be amu.