Jɛremaya 42:2 - EBƆRƐ BE KAWƆL

² m ba kaŋɛ ma le: “Jande, wora kusɔ nɛ anyee kule fo ere n sa anyi. Kule Enyɛnpe, anyi be Ebɔrɛ na n sa anyi kikɛ nɛ an ji efute nsaa wɔ ŋkpa to ere. Jemanɛ nɛ k choŋ na an daa shi nna, ama fo gbagba beeŋ tiŋ n wu fanɛ naniere anyi basa gbrɛbi e ka.

Jɛremaya 42:2 Iomraidhean Croise

1 Bewura 13:6

Ndoŋ nna nɛ ewura Jeroboam kaŋɛ anebi na le: “Jande kule Enyɛnpe fo Ebɔrɛ na nɛ e chɛ ma enɔ n sa ma!” Nɛ anebi na kule Ebɔrɛ nɛ mbe enɔ na nya alenfia.

Nshɛ 119:170

Nu ma kabɔrɛkule nseŋ mɔlga ma fanɛ kananɛ fo nase kɔnɔ na.

Ɛksodɔs 8:28

Ade kikɛ be kaman nɛ Fɛɛro kaŋɛ: “To, n nu, meeŋ shin nɛ men yɔ keshishɛrsawule na so ya lara sarga n sa Enyɛnpe Ebɔrɛ nɛ e la men be Ebɔrɛ na, ama men sa maŋ yɔ kufɔ ga bre. Ama pɔɛŋ nɛ men yɔ men kule Ebɔrɛ nɛ ashushombi ere e yɔ ŋ ka anyi.”

Ɛksodɔs 9:28

Amoso kule Enyɛnpe Ebɔrɛ n sa anyi, ŋkpal manɛ so, bɔrɛ na be keponte nɛ abɔrɛjembubi na wora kebanso. Naniere bre n sa menyi ekpa fanɛ men baa yɔ. A maŋ naŋ daga fanɛ men baa kraa wɔ nfe.”

Aizaaya 1:15

Nɛ menyee maŋ menyi be enɔana so ashi kabɔrɛkule to, m maaŋ gbɛ ŋ keni menyi gba. Kanaŋkama nɛ men kule ma gba, m maaŋ nu n sa menyi, ŋkpal manɛ so, men la bemɔpo nna nɛ ŋklaŋ gbiti menyi be enɔana.

Aizaaya 1:9

Nɛ Enyɛnpetale Ebɔrɛ na daŋ maŋ shin nɛ basa na be beko ji efute, ndafanɛ Jerusalɛm gba mur cheche fanɛ kananɛ nde nɛ baa tre Sodɔm nɛ Gomɔra mur na.

Aizaaya 37:4

Asiriya be ewurgboŋ shuŋi mbe benapo be ejuŋkparpo nna nɛ e ba tege Ebɔrɛ nɛ e bee sa ŋkpa na. Enyɛnpe fo Ebɔrɛ na e naaŋ nu katege ere kikɛ nseŋ gberge basa nɛ baa tege mo na kusoe. Amoso kule Ebɔrɛ n sa anyi be basa nɛ b kraa wɔ ŋkpa to na.”

Aizaaya 42:20

Fo, Israɛl, wu asɔ damta ga, ama fo alɛ be lakal maŋ wɔ amo to. Fo kɔ asoe nɛ a beeŋ tiŋ n nu asheŋ, ama fo alɛ maŋ kaŋ asoe n nu shɛŋ.”

Jɛremaya 15:11

Ndoŋ nna nɛ Enyɛnpe Ebɔrɛ na kaŋɛ ma le: “N nase kɔnɔ fanɛ meeŋ kuŋ fo jɛrbi be jemanɛ, nɛ fo doŋana gba e kule fo fanɛ fo chɛ bumo to.”

Jɛremaya 2:27

Menyi nɛ menyee tre ndibi men tutoana nɛ ajembu men nioana na beeŋ ji anishinyɔr, ŋkpal men ka kini ma n lɛ so. Ama nɛ men baa wɔ etɔrɔ to bre, menyee shu a tre ma nna fanɛ m ba mɔlga menyi.

Jɛremaya 21:2

“Jande Jɛremaya, malga Enyɛnpe Ebɔrɛ na kutɔ n sa anyi, ŋkpal manɛ so, Babilɔn be efuli so be ewura, Nebukadneeza nɛ mbe benapo e ba kulti Jerusalɛm n wɔtɔ a sha kekɔ anyi kena na. Ashere Enyɛnpe Ebɔrɛ na beeŋ wora mbe emamachisheŋ na be kuko n shin nɛ Nebukadneeza e yige anyi nseŋ bɛta n yɔ mbe efuli so.”

Jɛremaya 36:7

Ashere baaŋ kule Enyɛnpe Ebɔrɛ na ketampaŋ nseŋ lar bumo be asheŋ lubi to, ŋkpal manɛ so, Enyɛnpe Ebɔrɛ na nya agbo ga nna n wɔtɔ bumo.

Jɛremaya 37:20

To, Yiramu, naniere mee kule fo nna. Jande nu ma kekule nsaa maŋ naŋ bɛta ma n yɔ kabuti to ashi Jonatan be laŋ to. Fo baŋ bɛta ma n yɔ, meeŋ wu ndoŋ.”

Jɛremaya 37:3

Ewura Zɛdikaya daŋ shuŋi Shelemaya pibinyɛn, Jehukal nɛ bɔrɛmatapo Zefanaiya nɛ e la Maaseia pibinyɛn na nna fanɛ b ba kaŋɛ ma fanɛ n yili mbe katelamu to ŋ kule Enyɛnpe, anyi be Ebɔrɛ na n sa mo.

Jɛremaya 38:14

Ade kikɛ be kaman, kachako nɛ Ewura Zɛdikaya shuŋi fanɛ b ya bar ma mo kutɔ ashi bɔrɛlambu na be kabuna sasopo na ase. Ndoŋ nna nɛ e kaŋɛ ma le: “Mee sha kebishi fo kusɔ ko nna. Ma alɛ bee sha fo kaŋɛ kashenteŋ nɛ k wɔ kumo to kikɛ.”

Jɛremaya 40:15

Ndoŋ nna nɛ Johanan nawule yɔ Gɛdaliya kutɔ n ya kaŋɛ mo le: “Shin nɛ n ya mɔ Ishmaɛl nɛ esa kikɛ maaŋ pin esa nɛ e wora loŋ. Basa gbrɛbi ko e ka Juda be efuli so, ama fo nɛ bumo alɛ kikɛ baa keni na. Nɛ fo baŋ wu baaŋ pesaŋ to ŋko n wu gba.”

Jɛremaya 42:20

fanɛ kewora n foe gboŋgboŋi nɛ menyee shin nɛ men wora na. Menyi e kaŋɛ ma fanɛ ŋ kule Enyɛnpe, anyi be Ebɔrɛ na n sa menyi nseŋ nase kɔnɔ fanɛ kusɔ kama nɛ e kaŋɛ menyeeŋ wora kumo.

Nfabel 1:1

Jerusalɛm be kadegboŋ nɛ basa daŋ bɔlɔ kumo to na e dese fuloŋ naniere na! Kadegboŋ nɛ durnya kikɛ daa nyi kumo be asheŋ nsaa sa kumo bunyaŋ ga na e ki fanɛ ekulpoche na! Kadegboŋ nɛ efuliana kikɛ daa shuŋ a sa na, e ki somaŋji na!

Ezikɛl 12:16

Ama meeŋ shin nɛ bumo be gbrɛbi ko e ji efute ashi kena nɛ akoŋ nɛ alɔ na to, saŋɛ na so baaŋ pin kananɛ bumo be ekishisheŋ nɛ b wora na be asheŋ daŋ nu ma agbo ga, nseŋ naŋ pin fanɛ ma e la Enyɛnpe Ebɔrɛ na nseŋ shuŋ ma ashi efuli pɔtɛana na so.’ ”

Hoziya 8:10

Ama meeŋ bar menyi abar so m ba gberge menyi kusoe. Kumo alɛ maaŋ chɛr nɛ Asiriya be efuli so be ewurgboŋ na e mɛaŋ menyi ga nɛ men luri ebesa to.

Levitikɔs 26:22

Meeŋ shin nɛ asɔbɔya lubi e luri menyi to m mɔ menyi be mbia nseŋ mur menyi be asɔbɔya. Menyi be basa gbrɛbi ko e naaŋ ka, saŋɛ na so nɛ menyi be agbembi e dese fuloŋ.

Eemɔs 7:2

Elotɔr na ka ji kasawule ere so be adɔjibi kikɛ n loge na nɛ ŋ kaŋɛ le: “Enyɛnpetale, ta fo basa Israɛlebi be alubi m paŋ bumo! Nuso nɛ baaŋ wora n ji efute? B maŋ shibi bumo alɛ maŋ naa kɔ eleŋ.”

Matiu 24:22

Nɛ Ebɔrɛ malɛ daa maŋ ku nchɛ na so, esa kikɛ daa maaŋ nya kumɔlga. Ama ŋkpal mbe basa laraso so e beeŋ ku nchɛ na so.

Ashuŋ Shunso 8:24

Nɛ Saimɔn kaŋɛ Pita nɛ Jɔn: “Jande, men kule Ebɔrɛ n sa ma nɛ asheŋ nɛ men malga ere be kekama e sa maŋ wora ma.”

Ditɛronɔmi 28:62

Kananɛ men wora keshi a du fanɛ achɛkpabi ka wɔ awɔlpa so ere, nɛ men kaŋ kini kewora Enyɛnpe menyi be Ebɔrɛ na kasonu, menyi to be basa gbrɛbi e naaŋ ka a wɔ ŋkpa to.

Ditɛronɔmi 28:63

Enyɛnpe Ebɔrɛ na fuli kagbene nna n shin nɛ asheŋ bee nite nɛnɛ a sa menyi nseŋ shin nɛ men wora keshi n ti so. Ama nɛ men kini kewora mo kasonu, kumo ere e maaŋ naŋ tiŋ n wora shɛŋ, ama kemur menyi ashi kasawule nɛ menyee yɔ nɛ men ya chena so na.

Ditɛronɔmi 4:27

Enyɛnpe Ebɔrɛ na beeŋ tintiŋ menyi n lar kasawule na so nseŋ pesaŋ menyi to n sɔ efuli pɔtɛana so, mboŋ nɛ menyi to be gbrɛbi beeŋ ya ji efute.

Jeems 5:16

Amoso, men baa bugi men be alubiana to a kaŋɛ abar nsaa kule Ebɔrɛ a sa abar nɛ Ebɔrɛ e baa chɛ menyi be alɔana. Kashenteŋto, kabɔrɛkule kama nɛ k shi esa nɛ kulubi maŋ wɔ mo to, bee tiŋ a wora asheŋgboŋ ga ŋkpal eleŋ nɛ Ebɔrɛ ta n wɔtɔ kumo to so.

1 Samuɛl 12:19

Ndoŋ nna nɛ b kaŋɛ Samuɛl le: “Jande kule Enyɛnpe fo Ebɔrɛ na n sa anyi, saŋɛ na so anyi maaŋ wu. Naniere an pin fanɛ anyi be alubi nɛ an wora na kikɛ be kaman, anyi be kekaŋɛ fanɛ anyee sha ewura na gba la kulubi nna.”

1 Samuɛl 12:23

Nɛ m baŋ yige kebaakule Ebɔrɛ a sa menyi, kumo ere Enyɛnpe Ebɔrɛ na nɛ m maŋ wora kasonu na. Meeŋ ŋini menyi kusɔ nɛ k daga fanɛ men baa wora.

1 Samuɛl 7:8

Nɛ b kaŋɛ Samuɛl le: “Baa kule Enyɛnpe Ebɔrɛ na fanɛ e mɔlga anyi ashi Filistiebi ere be enɔ to.”