Jɛremaya 42:1 - EBƆRƐ BE KAWƆL

¹ Ndoŋ nna nɛ benapo be benimuana na nɛ Kerii pibinyɛn, Johanan nɛ Hoshaya pibinyɛn, Azariya nɛ basagboŋ nɛ bebɔlpo kikɛ chala abar m ba ma, Jɛremaya kutɔ

Jɛremaya 42:1 Iomraidhean Croise

2 Bewura 25:23

Nataniya Pibinyɛn Ishmaɛl nɛ Kariya pibinyɛn Johanan nɛ Tanhumɛf pibinyɛn Sɛriya nɛ b la Juda be efuli so be benapo be benimu n shin shile ŋ ŋana a maŋ bɛ Babilɔnebi na so n yɔ na ka nu loŋ na nɛ n shi Netofa be kade to n yɔ Gedaliya kutɔ ashi Mizpa.

Aizaaya 29:13

Ade be kaman nɛ Enyɛnpe Ebɔrɛ na kaŋɛ le: “Nnɔ fuloŋ nɛ basa ere kɔ a shuŋ ma nɛ bumo be ŋgbene malɛ maŋ wɔ ma so. Edimɛdi be mbra nɛ edaŋkare nɛ b bii n wɔtɔ amu to nawule nɛ baa bɛ so a shuŋ Ebɔrɛ.

Aizaaya 48:1

Israɛl be basa, men nu nfe! Menyi nɛ men la an nananyɛn Jeekɔb be kanaŋ to ebi nseŋ shi Juda be yiri to na nɛ n de na. Menyi e naa ta Enyɛnpe Ebɔrɛ na be ketre a bɔ ntaŋ nsaa kaŋɛ fanɛ menyi ere bee shuŋ Israɛl be Ebɔrɛ na nna, ama k maŋ la kashenteŋ nɛ k shi menyi be ŋgbene to.

Jɛremaya 37:3

Ewura Zɛdikaya daŋ shuŋi Shelemaya pibinyɛn, Jehukal nɛ bɔrɛmatapo Zefanaiya nɛ e la Maaseia pibinyɛn na nna fanɛ b ba kaŋɛ ma fanɛ n yili mbe katelamu to ŋ kule Enyɛnpe, anyi be Ebɔrɛ na n sa mo.

Jɛremaya 40:13

Kede be kaman nɛ Johanan nɛ benapo nɛ b daŋ kini ketɔr kapɔŋ nsaa wɔ kupuŋ to na be benimuana na ba Gɛdaliya kutɔ ashi Mizpa

Jɛremaya 40:8

Amoso Netaniya pibinyɛn, Ishmaɛl nɛ Kariya be bibinyɛn, Johanan nɛ Jonatan nɛ Tanhumɛf pibinyɛn, Seria nɛ Efai be mbinyɛnsobi nɛ b shi Netofa na nɛ Jezaniya nɛ mo alɛ shi Maaka nɛ bumo be benapo yɔ Gɛdaliya kutɔ ashi Mizpa.

Jɛremaya 41:11

Johanan nɛ benapo be benimuana nɛ b wɔ mo kutɔ na ka nu kushuŋ lubi nɛ Ishmaɛl shuŋ na be asheŋ

Jɛremaya 41:16

Ndoŋ nna nɛ Johanan nɛ benapo be benimuana mɔlga beche nɛ mbia nɛ ewurkpa be ekrachi nɛ Ishmaɛl daŋ mɔ Gɛdaliya ashi Mizpa nseŋ pɛ bumo a yɔ na. Nɛ Johanan juŋkpar basa na n shi Gibiɔn

Jɛremaya 42:20

fanɛ kewora n foe gboŋgboŋi nɛ menyee shin nɛ men wora na. Menyi e kaŋɛ ma fanɛ ŋ kule Enyɛnpe, anyi be Ebɔrɛ na n sa menyi nseŋ nase kɔnɔ fanɛ kusɔ kama nɛ e kaŋɛ menyeeŋ wora kumo.

Jɛremaya 42:8

Ndoŋ nna nɛ n tre Johanan nɛ benapo be benimuana na nɛ basa pɔtɛ nɛ b ti so na kikɛ m ba abar so

Jɛremaya 43:2

nɛ Hoshaya pibinyɛn, Azariya nɛ Kerii pibinyɛn, Johanan nɛ basa kpeŋso na be beko kaŋɛ ma le: “Efɛ nɛ fee ku! Enyɛnpe, anyi be Ebɔrɛ na maŋ shuŋi fo fanɛ fo ba kaŋɛ anyi fanɛ an sa maŋ ya chena Ijipt be efuli so.

Jɛremaya 44:12

Juda be basa nɛ b ka efuli na so ndoŋ nseŋ yili kumo bumo be ŋgbene to fanɛ baaŋ yɔ Ijipt be efuli so na bre, meeŋ shin nɛ bumo kikɛ e mur. Bumo to be benimu nɛ mbia kikɛ beeŋ wu ashi Ijipt ashi kena to ŋko akoŋ beeŋ mɔ bumo. Bumo be asheŋ beeŋ baa chinchiŋ basa nɛ b baa wora bumo eyurto nsaa ta bumo be ketre a sho basa kɔnɔ.

Jɛremaya 6:13

Bumo to be bumo nɛ b kɔ eyilikpa nɛ bumo nɛ b maŋ kɔ eyilikpa kikɛ bee bɔla ekpa lubi so nna a fin amansherbi. Anebiana nɛ bɔrɛmatapoana gba bee puni basa nna nɛ esa maaŋ naŋ tiŋ n yirda bumo.

Jɛremaya 8:10

Ŋkpal loŋ so meeŋ ta bumo be adɔsawule n sa basa pɔtɛ nɛ bumo be beche n sa benyɛn pɔtɛ. Menyi to be betirpo nɛ damawuraana kikɛ bee bɔla kapuni be ekpa so nna a fin amansherbi. Anebiana nɛ bɔrɛmatapoana gba bee puni basa nna.

Ezikɛl 11:1

Ade kikɛ be kaman, nɛ Ebɔrɛ be Kiyoyu ta ma m ba Enyɛnpe Ebɔrɛ na be bɔrɛlambu na be kabuna nɛ k shoŋi epeŋilarkpa be kaba so na ase nɛ n wu benyɛn adunyɔ nɛ anu ko nɛ efuli na be bejuŋkparpo anyɔ ti bumo so. Bumo e la kanyɛn nɛ baa tre Jaazania nɛ e la Azzu pibinyɛn na nɛ emo nɛ baa tre Pɛlatiya nɛ mo alɛ la Bɛnaya pibinyɛn na.

Ezikɛl 33:31

Amoso ma basa bee chala nna m ba nu kusɔ nɛ fo kɔ a kaŋɛ, ama bumo alɛ maaŋ wora kusɔ nɛ fo kaŋɛ fanɛ b wora na. Kashaso nɛ baa malga a sa abar, ama kejimuni nɛ kapuni e bɔlɔ bumo be ŋgbene to.

Ezikɛl 8:11

Israɛl be basa na be benimuana na to be basa adushunu e daa yil ndoŋ. Shafan pibinyɛn, Jazaania gba daŋ ti bumo so. Bumo be ekama malɛ daa kɔ kusɔ nɛ b kɔ a chɔɔ duwu mbe enɔ nna nɛ edishi bee kaa kumo to.

Matiu 15:8

‘Basa ere be nnɔ nawule nɛ b kɔ a bunyaŋ ma, ama bumo be ŋgbene maŋ taga ma to kuraa.

Ashuŋ Shunso 8:10

Nɛ kade na to be basa kikɛ, benimu nɛ mbia daa bugi asoe a nu asɔ nɛ e bee kaŋɛ. Le nɛ b daa kaŋɛ: “Kanyɛn ere e la Ebɔrɛ be eleŋ nɛ baa tre Eleŋgboŋ na.”