Jɛremaya 41:5 - EBƆRƐ BE KAWƆL

⁵ benyɛn aduburwa ko daŋ shi nde nɛ baa tre Shɛkɛm nɛ Shilo nɛ Samɛria na nna m ba. B daa kɔ ayu nɛ eduwu be ŋkɛ nna a yɔ nɛ b ya sa Enyɛnpe Ebɔrɛ na bɔrɛlambu na to ashi Jerusalɛm. Bumo alɛ daŋ she bumo be ntɔl nna nseŋ kpɛa bumo be asɔbuuso to nseŋ naŋ ku ŋ ku bumo be eyurana, ŋkpal b ka daa shu keeli so.

Jɛremaya 41:5 Iomraidhean Croise

Jɛnesis 33:18

Jeekɔb ka shi Mɛsopoteemia be efuli so m ba nɛ alenfia nɛ ya chena m mata kadegboŋ nɛ baa tre Shɛkɛm nɛ k wɔ Keenan be kasawule so na.

Jɛnesis 34:2

Ndoŋ nna nɛ Shɛkɛm, Hamar nɛ e daa la Hivebi nɛ efuli na so be ewura na pibinyɛn wu Daina nseŋ pur mo.

Jɛnesis 37:12

Kachako nɛ mo daana na kpa bumo tuto be mbolpɔ a yɔ Shɛkɛm,

2 Samuɛl 10:4

Ndoŋ nna nɛ Hanuun pɛ Deevid be mbɔ na n she bumo be ntɔl be mba nseŋ naŋ ku bumo be epiŋi malɛ be aya ase n ya fo bumo be nshɛr to a ŋini fanɛ b sipa bumo alegaiso nseŋ yige bumo nɛ b choŋ.

1 Bewura 12:1

Rehoboam daŋ yɔ Shɛkɛm nna nɛ Israɛlebi be kelargato be esoso be kaba so be eyiriana nɛ b chala abar a jo mo ndoŋ na, e buu mo kuwura.

1 Bewura 12:25

Ewura Jeroboam daŋ naŋ pɔr egbalshin nna n sɔ kumo nɛ b pɔr ŋ kulti Shɛkɛm be kade ashi Efrayim be kebee be efuli so na to nna nseŋ chena ndoŋ n ji nchɛnnyɔ. Ade kikɛ be kaman nɛ e naŋ pɔr egbalshin n sɔ egbal nɛ b pɔr ŋ kulti Penuɛl gba na to.

1 Bewura 16:24

nseŋ tɔ kebee nɛ baa tre Samɛria na gbiti be ndarbi ŋgboŋ ashe ashi kanyɛn nɛ baa tre Shema na kutɔ. Loŋ be kebee na so nɛ Omri daŋ pɔr mbe kadegboŋ nseŋ ta Shema nɛ e tɔ kebee na mo kutɔ na be ketre Samɛria n nase kumo.

1 Bewura 16:29

Ewura Asa ka ji kuwura ashi Juda be efuli so be kafɛ adesa nɛ aburwasopo be jemanɛ so nɛ ewura Omri malɛ pibinyɛn Ahab ki Israɛl be efuli so be ewura nseŋ ji kuwura Samɛria to nfɛ adunyɔ nɛ anyɔ.

2 Bewura 25:9

m ba chɔɔ bɔrɛlambu na nɛ ewurkpa nɛ Jerusalɛm to be basa nɛ bumo be atre dii na be nwu kikɛ.

1 Kronikɛls 19:4

Ndoŋ nna nɛ Hanuun shin nɛ b pɛ Deevid be mbɔ na n she bumo be ntɔl nseŋ ku bumo be epiŋi be aya ase n ya fo bumo be nshɛr to nseŋ yige bumo nɛ b choŋ.

Nshɛ 102:14

Anyi fo anya bee sha kejembu kama nɛ k wɔ kadegboŋ na to nna; amoso kumo be kebure a dese loŋ na shin nɛ kagbenejija tɔr anyi so ga.

Nshɛ 78:60

E daŋ kini mbe wajɛbu nɛ e daa wɔ kumo to ashi mbe basa to ashi Shilo be kade to nna n lɛ.

Aizaaya 15:2

Ndoŋ nna nɛ basa nɛ b wɔ kade nɛ baa tre Dibɔn na dii n yɔ kegbir ase ashi kebee so n ya shu ndoŋ. Mowab be basa daŋ shu kagbenejijaso nna ŋkpal ndegboŋ nɛ baa tre Nɛbo nɛ Mɛdiba na so. B daŋ she bumo be amu nɛ ntɔl kagbenejijaso gba nna.

Jɛremaya 16:6

Betirpo nɛ damawuraana kikɛ beeŋ wu kasawule ere so, nɛ esa kikɛ maaŋ shu bumo be nli ŋko m puli bumo gba kuraa. Menyi to be ekama maaŋ ku mbe eyur ŋko n she mbe emin a ŋini fanɛ mbe kagbene jija mo ŋkpal esa ko ka wu so.

Jɛremaya 41:4

Kumo be ŋklade, pɔɛŋ nɛ esa kikɛ pin Gɛdaliya be kemɔ na be asheŋ,

Jɛremaya 47:5

Kebɔltofinfin damta tɔr basa nɛ b wɔ Gaaza na so, nɛ kɔnɔ mɔ basa nɛ b wɔ Ashkɛlɔn na, nɛ b wora shruum. Nchɛ afanɛ nɛ basa nɛ b wɔ Filisti be mboŋ nɛ a ka na beeŋ chena a wora fanɛ b ka bee shu keeli na?

Jɛremaya 48:37

Benyɛn na kikɛ daŋ she bumo be amu nɛ ntɔl nna nɛ basa na kikɛ ta asɔ ŋ kpɛa ŋ kpɛa bumo be enɔana nseŋ ta nli be asɔbuuso m buu.

Jɛremaya 7:12

Men yɔ kade nɛ baa tre Shilo nɛ n juŋkpar n lara fanɛ b baa shuŋ ma ndoŋ na n ya keni nɛ n kusɔ n wora ndoŋ. Ŋkpal ma basa Israɛlebi na ka wora alubi so, n daŋ mur kumo nna.

Jɛremaya 7:14

Ŋkpal loŋ so, kusɔ n wora ashi Shilo na nɛ meeŋ wora ashi bɔrɛlambu nɛ n ta n sa menyi nɛ men nananyɛnana nɛ men ta menyi be yirda n deŋi so ere gba to.

Jowɛl 2:13

Men shin nɛ men be kagbenejija na e di efuli ŋ ŋini fanɛ kashenteŋto men be ŋgbene maŋ dese menyi. Men be asɔbuuso be kekpɛa to ere bre maŋ la shɛŋ. Men bɛta m ba Enyɛnpe, men be Ebɔrɛ na kutɔ. E la enyitipo nna, nsaa bɛ mbe nnɔ naseso so. Saŋkikɛ e wora shiriya nna nɛ e ta men be alubi m paŋ menyi nsaa maaŋ gberge menyi kusoe

Ditɛronɔmi 14:1

Israɛlebi, menyi ere la Enyɛnpe Ebɔrɛ na be basa nna. Amoso, nɛ menyee shu nli men sa maa ku menyi be eyurana ŋko a she menyi be nsɔto be emin fanɛ kananɛ basa pɔtɛ bee wora na.

Joshuwa 18:1

Israɛlebi na ka kɔ n sɔ kasawule na n loge, nɛ bumo kikɛ ya gama abar so ashi Shilo nseŋ yuu Enyɛnpe Ebɔrɛ be nshɛr be wajɛbu ndoŋ.

Joshuwa 24:32

Kasawule nɛ Jeekɔb daŋ tɔ Shɛchem pibi Hamɔn be mbia kutɔ gbiti be ndarbi kalfa na so nɛ Israɛlebi na daŋ ta Josɛf be awibi ashi Ijipt m ba puli. Josɛf be kanaŋ to ebi e naa ji kasawule na be kapetɛ.

Demujipoana 18:31

Jemanɛ nɛ Ebɔrɛ be wajɛbu na daa wɔ Shilo nɛ Israɛl be basa kikɛ daa shuŋ Ebɔrɛ kumo to na, nɛ Maika be agbirana ere bre wɔ Dan be yiri to ebi kutɔ nɛ baa shuŋ amo.

Demujipoana 9:1

Gidiɔn pibinyɛn, Abimelɛk daŋ yɔ mo wɔpaana kutɔ ashi kade nɛ baa tre Shɛkɛm na nna n ya kaŋɛ bumo kikɛ le:

1 Samuɛl 1:7

Kafɛ kikɛ nɛ b baŋ yɔ Enyɛnpe Ebɔrɛ be lambu to, Pɛnina bee wora Haana eyurto ga nna hale nɛ e baa shu nseŋ kini ajibi gba be keji.