Jɛremaya 40:9 - EBƆRƐ BE KAWƆL

⁹ Ndoŋ nna nɛ Gɛdaliya kaŋɛ bumo le: “Ma e kaŋɛ menyi na fanɛ a maŋ daga fanɛ men tɔr kapɔŋ n sa Babilɔnebi na. Menyeeŋ tiŋ n chena nfe nsaa shuŋ Babilɔn be ewura nɛ asheŋ e nite nɛnɛ n sa menyi.

Jɛremaya 40:9 Iomraidhean Croise

Jɛnesis 49:15

Ŋkpal kananɛ fo ewushikpa walɛ nɛ kananɛ kasawule na so wɔ ebel so feeŋ yɔɔ m barase n sɔ kenyaya be kushuŋ gbɛgbɛso n shuŋ.

2 Bewura 25:24

Ndoŋ nna nɛ Gedaliya leŋ bumo to ŋ kaŋɛ le: “Ma e kaŋɛ menyi na fanɛ men sa maa ŋana Babilɔn be efuli so be benapo na. Menyeeŋ tiŋ n chena nfe nsaa shuŋ Babilɔn be efuli so be ewura na nɛ asheŋ e baa nite nɛnɛ a sa menyi.”

Nshɛ 128:2

E beeŋ ji mbe kegben be tɔnɔ; asheŋ beeŋ baa nite nɛnɛ a sa mo nɛ mbe kagbene e fuli mo.

Nshɛ 37:3

Yirda Enyɛnpe Ebɔrɛ na, nsaa wora alelasheŋ. Saŋɛ na so feeŋ chena kasawule ere so n nya kekuŋ.

Jɛremaya 27:11

Ama meeŋ shin nɛ efuli kama nɛ kumo be basa beeŋ shuli so a bɛ Babilɔn be ewura so nsaa shuŋ mo e baa kraa wɔ bumo gbagba be kasawule so a dɔ a ji. Ma, Enyɛnpe Ebɔrɛ e kaŋɛ na.”

Nfabel 1:1

Jerusalɛm be kadegboŋ nɛ basa daŋ bɔlɔ kumo to na e dese fuloŋ naniere na! Kadegboŋ nɛ durnya kikɛ daa nyi kumo be asheŋ nsaa sa kumo bunyaŋ ga na e ki fanɛ ekulpoche na! Kadegboŋ nɛ efuliana kikɛ daa shuŋ a sa na, e ki somaŋji na!

Nfabel 5:9

Anyee ta anyi be ŋkpa a kpa kelera nna pɔɛŋ nsaa nya ajibi jiso; ŋkpal basa nɛ baa mɔ basa ka sɔ efuli na be kaplɛkama so.