Jɛremaya 40:4 - EBƆRƐ BE KAWƆL

⁴ To, kabre mee lara ŋgbɛlɛbi ere fo enɔana to nna nɛ fo nya fo kumu. Nɛ fee sha ketu ma n yɔ Babilɔn be efuli so, feeŋ tiŋ n yɔ nɛ m baa keni fo so. Nɛ fo maa sha keyɔ malɛ, feeŋ tiŋ ŋ kini keyɔ. Efuli ere kikɛ dese nna n sa fo nɛ fo lara kusɔ nɛ fee sha. Feeŋ tiŋ n yɔ kaplɛkama nɛ fee sha.”

Jɛremaya 40:4 Iomraidhean Croise

Jɛnesis 13:9

Mannɛ kasawule e dese ere a? Amoso shin nɛ an barga to n chena. Nɛ fo yɔ benaso, ma alɛ beeŋ yɔ jisoso nɛ fo alɛ naŋ yɔ jiso so, ma alɛ beeŋ yɔ benaso.”

Jɛnesis 20:15

Ade kikɛ be kaman nɛ e naŋ kaŋɛ Eebraham: “Ma kasawule e la kasawule ere kikɛ. Ya chena kumo be kaplɛkama nɛ fee sha.”

Jɛnesis 44:21

An ka kaŋɛ fo loŋ na nɛ fo kaŋɛ anyi, fo anya le: ‘Men ya bar mo nɛ ma alɛ gba e wu mo.’

Jɛnesis 47:6

Ijipt malɛ be kasawule kikɛ e dese fo na, shin nɛ fo tuto nɛ fo daana na e ya chena kaplɛkama nɛ k walɛ. Shin nɛ b ya kaa wɔ Goshen be kaba so. Bumo to be ekama malɛ nɛ e nyi asɔbɔya to nɛnɛ, fo ta ma asɔbɔya m bɔɔ mo enɔ.”

Ɛsta 3:11

nseŋ kaŋɛ mo le: “Basa na nɛ bumo be amansherbi kikɛ la fo peya nna; amoso wora bumo kusɔ kama nɛ k par fo.”

Jɛremaya 37:14

Ndoŋ nna nɛ ŋ kaŋɛ: “Manɛ aloŋ nna! Maa shile nna nɛ n ya ti Babilɔnebi na so.” Ama Irija maŋ nu kusɔ nɛ ŋ kaŋɛ na. E daŋ pɛ ma nna nseŋ ta ma n ya sa ewurkpa be ekrachi na.

Nfabel 3:7

Ebɔrɛ daŋ yuu kunji nɛ m maaŋ tiŋ n dii nna ŋ kulti ma n wɔtɔ, nseŋ naŋ chɛ ma ŋgbɛlɛbi n nase.