Jɛremaya 40:3 - EBƆRƐ BE KAWƆL

³ naniere e wora kusɔ nɛ e kaŋɛ e beeŋ wora na. Ade kikɛ malɛ wora nna ŋkpal fo basa ka wora alubi n da mo ere Enyɛnpe Ebɔrɛ na so nsaa maŋ wora mo kasonu so.

Jɛremaya 40:3 Iomraidhean Croise

Nehemaya 9:28

Ama b baŋ nya kayurwushi, baa kilgi nna a wora alubi a da fo so, nɛ fo naŋ ta bumo m bɔɔ bumo doŋana enɔ. Kumo be kaman nɛ b naŋ kule n fin fo kechɛto, ŋkpal fo kuwɔrwu ka shi ga so, fo naŋ laŋɛ m mɔlga bumo.

Nehemaya 9:33

Fo kɔ ekpa nɛ fo tɔrɔ anyi ŋkpal fo kashenteŋ so, ama fo yige alubi nɛ an wora ere kikɛ m paŋ anyi.

Jɛremaya 11:17

Ma, Enyɛnpetale Ebɔrɛ na e duu Israɛl nɛ Juda be basa fanɛ kedibi, ama naniere meeŋ shin nɛ kemur gboŋgboŋi e ba bumo so. Bumo gbagba e bar kumo be loŋ ŋkpal b ka wora kulubi so. B lara esarga nna n sa kegbir nɛ baa tre Baal na n shin nɛ ma kagbene kaa bumo so.”

Jɛremaya 22:8

Kumo be kaman befɔ damta beeŋ bɔla ndoŋ a choŋ nsaa bishi abar kusɔ nɛ k ba nɛ ma, Enyɛnpe Ebɔrɛ na mur kadegboŋ fanɛ Jerusalɛm le.

Jɛremaya 39:16

ŋ kaŋɛ Ebedmɛlɛk nɛ e shi Itiopia be efuli so na fanɛ mo Enyɛnpetale, Israɛl be Ebɔrɛ na yɛ: “Kananɛ ŋ kaŋɛ fanɛ meeŋ shin nɛ kemur nɛ mannɛ kedamaya e ba kadegboŋ ere so na, nɛ meeŋ wora. Nɛ kumo be jemanɛ kaŋ fo malɛ feeŋ baa wɔ ŋkpa to n wu kumo.

Jɛremaya 44:23

Jɛrbi nɛ men ji ere ba nna ŋkpal men ka lara esarga n sa agbirana nseŋ wora kulubi n da Enyɛnpe Ebɔrɛ na so nsaa maŋ wora mbe mbraana nɛ keŋini kikɛ kasonu so.

Jɛremaya 50:7

Bekama nɛ b daŋ wu bumo daa kɔ bumo kena nna. Le nɛ bumo doŋana bee kaŋɛ: ‘B wora alubi nna n da Enyɛnpe Ebɔrɛ nɛ e sa bumo nananyɛnana tama na so. Amoso kusɔ nɛ an wora na maŋ lubi. Bumo nananyɛnana daŋ yirda Enyɛnpe Ebɔrɛ nna, nɛ a daŋ daga fanɛ bumo alɛ gba ka ji kashenteŋ n sa mo.’

Nfabel 2:17

Kusɔ nɛ Enyɛnpe Ebɔrɛ na kre nseŋ kaŋɛ fanɛ e beeŋ wora na nɛ e wora na. Dra na kikɛ nɛ e kpele anyi kusoe fanɛ e maaŋ wu anyi kuwɔr; e yɛ e beeŋ mur anyi, mo alɛ mur anyi kashenteŋto. E shin nɛ an doŋana pɔɔ anyi so nɛ bumo be ŋgbene fuli, ŋkpal an ka kɔ n tɔr so so.

Romebi 2:5

Ama ŋkpal fo kagbene ka du kpakpa a maa sha kechɛrga na so, fo wɔ fo alubi na to nna a shin nɛ Ebɔrɛ be agbo bee kaa a ti so a jo kachɛ nɛ mbe agbo nɛ mbe demuji kashenteŋ be ekpa so na bee lar efuli na.

Romebi 3:19

Ama an nyi fanɛ kusɔ kama nɛ mbra na bee kaŋɛ, basa nɛ b wɔ kumo to na to nɛ k de, saŋɛ na so esa kikɛ maaŋ nya kɔnɔ m bugi. Loŋ malɛ e naaŋ shin nɛ Ebɔrɛ e ji durnya kikɛ demu.

Ditɛronɔmi 29:25

Kusɔ nɛ beko beeŋ kaŋɛ e la: “Basa ere ka lar bumo Nyɛnpe, nɛ e la bumo nananyɛnana be Ebɔrɛ na be kɔnɔkoŋwule be ŋkre nɛ mo nɛ bumo kre jemanɛ nɛ e lara bumo Ijipt be efuli so kaman