Jɛremaya 40:15 - EBƆRƐ BE KAWƆL

¹⁵ Ndoŋ nna nɛ Johanan nawule yɔ Gɛdaliya kutɔ n ya kaŋɛ mo le: “Shin nɛ n ya mɔ Ishmaɛl nɛ esa kikɛ maaŋ pin esa nɛ e wora loŋ. Basa gbrɛbi ko e ka Juda be efuli so, ama fo nɛ bumo alɛ kikɛ baa keni na. Nɛ fo baŋ wu baaŋ pesaŋ to ŋko n wu gba.”

Jɛremaya 40:15 Iomraidhean Croise

2 Samuɛl 18:3

Nɛ bumo alɛ kaŋɛ mo le: “Fo maaŋ bɛ anyi so n yɔ, ŋkpal manɛ so nɛ anyi doŋana baŋ pɔɔ anyi so nɛ anyee shile, ŋko nɛ b mɔ anyi be benapo ere be bargato gba, k bɔ fo ere ka ti anyi so n yɔ, ŋkpal manɛ so, fo asheŋ e tir a chɔ anyi basa ŋgboŋ kudu ere kikɛ. Amoso fo ere e shir a wɔ kade to a ta kechɛto kama nɛ fo kɔ a chise anyi.”

2 Samuɛl 21:17

Ndoŋ nna nɛ Zeruwa pibinyɛn Abishai daŋ ba mɔlga Deevid nseŋ mɔ kanyɛn gboŋgboŋi na. Kumo be kaman nɛ Deevid be basa na shin nɛ Deevid nase kɔnɔ fanɛ e maaŋ naa tu bumo a yɔ kena to. Nseŋ kaŋɛ mo le: “Anyi maa sha kepaŋ fo, ŋkpal manɛ so fo nɛ Israɛlebi kikɛ bee fute a yige so.”

Job be kawɔl 31:31

Esa kikɛ maŋ naŋ di akoŋ ma laŋ to kikɛ. Ma beshumpo gba nyi ŋ ka bee sɔ befɔ nɛnɛ.

Jɛremaya 40:8

Amoso Netaniya pibinyɛn, Ishmaɛl nɛ Kariya be bibinyɛn, Johanan nɛ Jonatan nɛ Tanhumɛf pibinyɛn, Seria nɛ Efai be mbinyɛnsobi nɛ b shi Netofa na nɛ Jezaniya nɛ mo alɛ shi Maaka nɛ bumo be benapo yɔ Gɛdaliya kutɔ ashi Mizpa.

Jɛremaya 42:2

m ba kaŋɛ ma le: “Jande, wora kusɔ nɛ anyee kule fo ere n sa anyi. Kule Enyɛnpe, anyi be Ebɔrɛ na n sa anyi kikɛ nɛ an ji efute nsaa wɔ ŋkpa to ere. Jemanɛ nɛ k choŋ na an daa shi nna, ama fo gbagba beeŋ tiŋ n wu fanɛ naniere anyi basa gbrɛbi e ka.

Baru lela nɛ Jɔn kute na 11:50

Men maŋ nyi fanɛ nɛ esa koŋwule wu n sa basa, loŋ bɔ n sa menyi a chɔ efuli ere kikɛ ka mur a?”

1 Samuɛl 24:4

Nɛ Deevid be basa na kuli ŋ kaŋɛ mo le: “Ekpa bugi n sa fo alɛ gba naniere nna na! Enyɛnpe Ebɔrɛ kaŋɛ fanɛ e beeŋ ta fo doŋ n wɔtɔ fo enɔ to nɛ fo wora mo kusɔ kama nɛ fee sha.” Ndoŋ nna nɛ Deevid pete n ya ku Sɔɔl be piŋi be keyɛlbi nɛ Sɔɔl maŋ nyi.

1 Samuɛl 26:8

Nɛ Abishai kuli ŋ kaŋɛ Deevid le: “Naniere bre Ebɔrɛ ta fo doŋ n wɔtɔ fo enɔ to nna na. Shin nɛ n ta mo gbagba be kekpa ere m baŋ da mo m mata kasawule kela koŋwule paati. M maaŋ da mo kumo ale anyɔ!”