Jɛremaya 40:1 - EBƆRƐ BE KAWƆL

¹ Nebuzaradan nɛ e la benapo nɛ baa kuŋ Babilɔn be ewura na be enimu na ka sɔ ma n yige ashi Rama na be kaman nɛ Enyɛnpe Ebɔrɛ na malga ma kutɔ. B daŋ chɛ ma ŋgbɛlɛbi nna nseŋ daŋ keta ma nɛ Juda nɛ Jerusalɛm be basa nɛ b pɛ a yɔ Babilɔn be efuli so na nna n yɔ ndoŋ.

Jɛremaya 40:1 Iomraidhean Croise

2 Kronikɛls 16:1

Juda be ewura Asa ka ji kuwura be kafɛ adesa nɛ ashesopo to, nɛ Israɛl be ewura Baasha kɔ n sɔ kade nɛ baa tre Raama na ashi Juda be efuli so nseŋ fara a pɔr egbal a kulti kumo, saŋɛ na so e beeŋ kuŋ basa nɛ baa luri Juda to a lar na akpa.

Nshɛ 107:16

Mo e naa bure danyaŋ be mbunagboŋ to, nsaa buri abɛlso be abersobi to cheche na.

Nshɛ 68:6

Mo e naa ta bumo nɛ b maŋ kɔ basa a ki kanaŋ wurana. Mo e naa sɔ basa nɛ b ti ebu a yige, nsaa shin nɛ asheŋ bee nite nɛnɛ a sa bumo. Ama e bee yɛr bumo nɛ b kɔ asoe kpakpaso nsaa maa nu a sa mo na bre epeŋi kpakpaso be kasawule so nna.

Jɛremaya 31:15

Enyɛnpe Ebɔrɛ na yɛ: “Awɔr ko bee cha ashi Raama be kade to; k la kenishipereso be kushu be awɔr nna. Reechel e naa shu nseŋ kini kelolo ŋkpal mbe mbia ka wu so.

Jɛremaya 39:9

Kumo be lalaloge, nɛ Nebuzaradan nɛ e la benapo nɛ baa kuŋ ewura na be enimu na, pɛ basa nɛ b kraa wɔ kadegboŋ na to na nɛ bekama nɛ b daŋ shile n ya buu bumo na ŋ keta bumo kikɛ n yɔ Babilɔn be efuli so fanɛ anya.

Jɛremaya 42:7

Ta ba nchɛ kudu to, nɛ Enyɛnpe Ebɔrɛ na malga ma kutɔ a laŋɛ kusɔ nɛ b kaŋɛ fanɛ ŋ kule n sa bumo na be kaplɛa so.

Ezikɛl 33:21

Kafɛ nɛ b pɛ ewura Jehowachin nɛ anyi be galeŋga anya n yɔ Babilɔn be efuli so na be kafɛ kudu anyɔsopo na to be kufɔl kudusopo na be kachɛ nusopo na nɛ esa ko nya ekpa n shile Jerusalɛm to m ba kaŋɛ ma fanɛ Jerusalɛm bure n tɔr.

Ashuŋ Shunso 21:13

Nɛ e bishi bumo: “Manɛ so nɛ menyee wora le ere nsaa shu le a jija ma kagbene? Ŋkpal Enyɛnpe Yesu so meeŋ shuli fanɛ b mɔ ma ashi Jerusalɛm to gba, a bishi kekre ma ndoŋ.”

Ashuŋ Shunso 28:20

Amoso nɛ n tre menyi nɛ ŋ kaŋɛ menyi amo na. Esa nɛ Israɛlebi na bee tama fanɛ e beeŋ ba na malɛ so nɛ ŋgbɛlɛbi ere wɔ ma enɔana to na.”

Ɛfesesebi 6:20

Baru lela na malɛ be katelamuyilipo e la ma nɛ n wɔ kabuti to na. Men baa kule Ebɔrɛ a sa ma nɛ m baa tiŋ a kɔ kenyɛn a bɔ baru lela na a sa basa fanɛ kananɛ k daga fanɛ m baa wora.

Joshuwa 18:25

Gibiɔn nɛ Rama nɛ Biirɔf nɛ

1 Samuɛl 7:17

Saŋkama malɛ nɛ e baŋ loge mbe kushuŋ e bee bɛta nna n yɔ Raama mbe kade to n ya kaa ji bumo alɛ gba be asheŋ a sa bumo. E daŋ pɔr bɔrɛsure ashi Raama nna n sa Enyɛnpe Ebɔrɛ.