Jɛremaya 4:9 - EBƆRƐ BE KAWƆL

⁹ Kede be kaman, nɛ Enyɛnpe Ebɔrɛ na naŋ kaŋɛ le: “Loŋ be kachɛ na kaŋ fo, kɔnɔ beeŋ mɔ bewuraana nɛ benimuana na nɛ bɔrɛmatapoana na nɛ anebiana na nɛ kufu e pɛ bumo nɛ b baa chicha.”

Jɛremaya 4:9 Iomraidhean Croise

2 Bewura 25:4

Loŋ be kafɛ na to nɛ Babilɔn be benapo na daŋ bure kade na be egbal n luri kade na to, nɛ ewura Zɛdikaya nɛ mbe benapo shile m bɔla kabunabi nɛ k wɔ kade na be egbal anyɔ be kefɛato a mata bewura be kambɔl na n sɔ Jɔɔdan be lɔr na be ketaŋɛ to be kaba so.

Nshɛ 102:4

M baa wɔl fanɛ afitiri nna, ajibi kikɛ malɛ maa yɛlga ma.

Aizaaya 19:16

Jemanɛ ko bee ba nɛ Ijipt be basa e paŋ kenyɛn fanɛ beche na. B baŋ wu fanɛ Enyɛnpe Ebɔrɛ na bee sha kegberge bumo kusoe nɛ kufugboŋ e tɔr bumo so nɛ b baa chicha.

Aizaaya 19:3

Ma alɛ beeŋ shin nɛ Ijiptebi be ŋkre e mel to nɛ bumo be ŋgbene e jija bumo nɛ b paŋ kenyɛn. Baaŋ ya fin kechɛto bumo be agbirana kutɔ nseŋ naaŋ yɔ belejipo kutɔ n ya bishi so a fin kenu kusɔ ko ashi bubuni kutɔ.

Aizaaya 28:19

Jɛrbi beeŋ gbelge menyi so kachipurso nɛ kapaso nɛ kanyɛso kikɛ nna fanɛ nchu ka bee bɔlɔ a ba na. Kubɔya popɔr kama malɛ nɛ k beeŋ shi Ebɔrɛ kutɔ m ba menyi kutɔ beeŋ ta kufugboŋ m pɛ menyi!

Jɛremaya 2:26

Ade be kaman nɛ Enyɛnpe Ebɔrɛ na kaŋɛ: “Kananɛ baa pɛ eyu nɛ nyɔmɔ bee pɛ mo na, nɛ nyɔmɔ beeŋ pɛ menyi Israɛlebi be bewuraana nɛ benimuana nɛ bɔrɛmatapoana nɛ anebiana na kikɛ.

Jɛremaya 25:34

Enyɛnpe Ebɔrɛ na be basa du fanɛ mbe mbolpɔ nna nɛ menyi bejuŋkparpoana na malɛ du fanɛ mbolpɔkpapoana. Ama naniere saŋɛ fo nɛ b mɔ menyi fanɛ ekpakpa, amoso men baa shu awɔrso nsaa dese shishɛr to a melti. Ŋkpal manɛ so, baaŋ kpla menyi to fanɛ kapuya ka bure to a dese na.

Jɛremaya 37:19

Manɛ nɛ men wora menyi be anebi fɛpoana nɛ b fule ŋ kaŋɛ menyi fanɛ Babilɔn be ewura maaŋ kɔ menyi ŋko efuli na kena? Men ti bumo ebu a?

Jɛremaya 48:41

Baaŋ kɔ n suge ndeana na nɛ mboŋ lempoana na kikɛ. Loŋ be kachɛ na kufu beeŋ pɛ Mowab be benapo fanɛ kananɛ kufu bee pɛ eche nɛ kakurge ta mo na.

Jɛremaya 5:31

Kumo e la fanɛ anebiana na kikɛ be mmalga la efɛ nna. Kusɔ nɛ b kaŋɛ malɛ nɛ bɔrɛmatapoana na kɔ a shuŋ nɛ ma basa malɛ bee sha kumo be loŋ. To, jɛrbi be jemanɛ kaŋ fo nɛ asheŋ ere kikɛ fo ekar, nnɛ nɛ menyeeŋ yɔ n ya nya kechɛto?”

Jɛremaya 52:7

Babilɔn be benapo daŋ bure egbal na n luri Jerusalɛm to. Ewura Zɛdikaya nɛ mbe esoji ka wu kusɔ nɛ k bee wora na nɛ b wora ania fanɛ baaŋ lar kadegboŋ na to kanyɛso n shile m mɔlga bumo be amu. Ewura be kudɔbi na to nɛ b daŋ bɔla n ya bɔla kabunabi nɛ k daa wɔ kadegboŋ na be egbal anyɔ na be nferinto na to n sɔ ekpa nɛ k bee yɔ Jɔɔdan be lɔr be ketaŋɛ na be kaba so na a shile a mɔlga bumo be amu.

Ashuŋ Shunso 13:41

‘Menyi nɛ menyee fɛl kusɔ nɛ Ebɔrɛ kaŋɛ na, men nu nfe. Menyeeŋ kooba nseŋ wu. Meeŋ wora kusɔ ko menyi be ŋkpa ere to, ama esa bugi kumo to n sa menyi gba, men maaŋ yirda kumo.’ ”