Jɛremaya 4:7 - EBƆRƐ BE KAWƆL

⁷ Kananɛ buluŋ bee shi kumo be eŋanakpa a lar na nɛ bekɔpo nɛ baa mur efuliana na lar a ba. Baa ba nɛ b ba mur Juda nna nɛ kumo be ndegboŋ e ki alambure nɛ esa kikɛ maaŋ naa wɔ amo to.

Jɛremaya 4:7 Iomraidhean Croise

2 Bewura 24:1

Jemanɛ nɛ Jehowakim bee ji Juda be kuwura na nɛ Babilɔn be ewura Nebukadneeza ba kɔ n sɔ Juda nseŋ tintiŋ Jehowakim nɛ e shuŋ mo nfɛ asa. Kumo be kaman nɛ Jehowakim kini fanɛ e maaŋ naŋ nu n sa Nebukadneeza.

2 Bewura 25:1

Zɛdikaya ka ji Juda be efuli so be kuwura be kafɛ kpanusopo to be kufɔl kudusopo be kachɛ kudusopo to nɛ Babilɔn be ewura, Nebukadneeza nɛ mbe benapo kikɛ ba nɛ b ba kɔ Jerusalɛm kena. B daŋ ba wora bumo be keeyi to nna m mata kade na nseŋ pugi ŋ kulti Jerusalɛm be kadegboŋ na kikɛ n wɔtɔ nsaa gbare shishɛr a deŋi abar so a mata kumo be egbal na nɛ b dii so n luri to.

Aizaaya 1:7

Menyi be efuli na kikɛ mur nɛ esa kikɛ maŋ naa wɔ kumo so nɛ kumo be ndegboŋana na chɔɔ a dese fuloŋ. Men yil a keni nna nɛ befɔ ta menyi be kasawule nseŋ mur kusɔ kama cheche.

Aizaaya 5:9

N daŋ nu Enyɛnpetale Ebɔrɛ na ka kaŋɛ le: “Nwu gboŋgboŋi lela ere kikɛ beeŋ ki alambure nɛ esa kikɛ maaŋ naa wɔ amo to.

Aizaaya 6:11

Ndoŋ nna nɛ m bishi Enyɛnpe Ebɔrɛ na le: “Jemanɛ mo nɛ kede beeŋ fo ekar?” Nɛ e kaŋɛ ma le: “Jemanɛ nɛ ndegboŋana na beeŋ mur nɛ amo to be nwuana e ka a yil fuloŋ nɛ amo to be adɔsawule e dese jiga na nɛ k beeŋ fo ekar.

Jɛremaya 2:15

Bedoŋ bee munto a kulti bumo nna fanɛ ebuluŋ; nsaa mur bumo be adɔsawule a shin nɛ bumo be ndeana ki alambure a dese fuloŋ nɛ shɛŋ shɛŋ maŋ naa wɔ amo to.

Jɛremaya 22:6

Kusɔ nɛ Enyɛnpe Ebɔrɛ na kaŋɛ a laŋɛ Juda be efuli so be ewurkpa be kaplɛa so nde: “Ma ere kutɔ, Juda be ewurkpa walɛ kebita nna fanɛ kananɛ Giliad be kasawule so nɛ Lebanɔn be abee so walɛ kebita na nna. Ama ma alɛ beeŋ shin nɛ k ki kakpa fuloŋ nɛ esa kikɛ maaŋ naa wɔ ndoŋ.

Jɛremaya 22:7

Meeŋ shuŋi basa nɛ b ba mur kumo. Baaŋ ta akpanfu m ba ku kumo be eshabɔrɛ nɛ b ta ndibi nɛ baa tre sida na be alela n wora na n lɛ edɛ to n chɔɔ.

Jɛremaya 25:38

Enyɛnpe Ebɔrɛ na kini mbe basa n lɛ nseŋ kplaŋ bumo so fanɛ kananɛ buluŋ bee kini kebeelaŋ nɛ k bee di to a lɛ nsaa shile a ka kumo na. Kufugboŋ nɛ k bee tɔr basa so ŋkpal kena so na nɛ Enyɛnpe Ebɔrɛ na be agbo nɛ k bee suse fanɛ edɛ na e shin nɛ efuli na ki fanɛ keshishɛrsawule a dese.

Jɛremaya 25:9

meeŋ shuŋi n tre efuliana nɛ e wɔ kelargato be esoso be kaba so na be basa kikɛ nɛ ewura Nebukadneeza nɛ e la Babilɔn be efuli so be ewura nɛ ma kenya na, nɛ b ba kɔ Juda nɛ efuliana nɛ e kulti ndoŋ na kikɛ kena m mur. Ndoŋ beeŋ mur a dese loŋ mbaanaayɔ nɛ k chinchiŋ ekama nɛ e beeŋ wu amo, ama b kraa beeŋ baa wora menyi eyurto. Ma, Enyɛnpe Ebɔrɛ e kaŋɛ na.

Jɛremaya 26:9

Manɛ so nɛ fo ta Enyɛnpe Ebɔrɛ na be ketre a kaŋɛ fanɛ bɔrɛlambu ere beeŋ ki fanɛ Shilo nɛ kadegboŋ nɛ e mur nɛ esa kikɛ maaŋ naa wɔ kumo to na?”

Jɛremaya 27:8

Kubɔ to be kebarga nɛ Jɛremaya ta n deŋi mbe kubɔ so na yili n sa eleŋgboŋ nɛ ewura Nebukadneeza kɔ na nna. Amoso efuli kama ŋko kuwurgboŋ kama so be basa kaŋ kini keshuli fanɛ e ji bumo so kuwura, meeŋ ta kena ŋko akoŋgboŋ ŋko alɔ ŋ gberge loŋ be efuli na so be basa kusoe n ya fo saŋɛ nɛ ewura Nebukadneeza ka beeŋ mur bumo cheche.

Jɛremaya 33:10

Kede be kaman nɛ Enyɛnpe Ebɔrɛ na naŋ kaŋɛ le: “Jɛremaya, fee kaŋɛ fanɛ kakpa ere ki fanɛ keshishɛrsawule nna nɛ edimɛdi ŋko asɔbɔya maŋ naa wɔ kumo so. Kashenteŋ nɛ fo ji naniere. Juda be ndeana nɛ Jerusalɛm be agbembi dese fuloŋ nna nɛ edimɛdi ŋko asɔbɔya maŋ wɔ amo to. Ama kachako feeŋ naŋ nu

Jɛremaya 34:22

Meeŋ kaŋɛ bumo nɛ b bɛta m ba kadegboŋ ere to m ba kɔ n sɔ nseŋ chɔɔ kumo n lɛ. Meeŋ shin nɛ Juda be ndeana e ki fanɛ keshishɛrsawule nɛ esa kama maŋ wɔ amo to. Ma, Enyɛnpe Ebɔrɛ e kaŋɛ na.”

Jɛremaya 4:29

Kade kama to be basa ka baŋ nu egbaŋɛ diipoana nɛ basa nɛ b kɔ ata a kɔ be asheŋ baŋ lara aya fuful n shile. Beko beeŋ shile n yɔ kupo to, nɛ beko malɛ e shile n ya ŋana afaltagboŋ to. Kade kikɛ beeŋ dese fuloŋ, nɛ esa kikɛ maaŋ naa wɔ amo to.

Jɛremaya 44:2

Kusɔ nɛ Enyɛnpetale, Israɛl be Ebɔrɛ na kaŋɛ nde: “Menyi gbagba wu kemur nɛ n shin nɛ k ba Jerusalɛm nɛ Juda be efuli so be ndegboŋana na kikɛ so. Hale nɛ mbre a kraa dese fuloŋ nɛ esa kikɛ maŋ wɔ amo to,

Jɛremaya 46:18

Ma, Enyɛnpe Ebɔrɛ na e la ewura. Ma e la Ebɔrɛ nɛ e bee sa ŋkpa na. Kananɛ Tabɔɔ be kebee baa du jeŋgreŋ a chɔ abeeana, nɛ Kaamɛl be kebee malɛ dii awɔlto a chɔ teku na, aloŋ nɛ edoŋ nɛ e beeŋ ba kɔ fo na be eleŋ beeŋ baa chɔ feya.

Jɛremaya 49:19

Kananɛ buluŋ bee lar kupo nɛ k dese Jɔɔdan be Lɔrgboŋ na ase a ba asɔbɔya be ejikpa nɛ asɔbɔya na e baa shile na, nɛ ma, Enyɛnpe Ebɔrɛ na beeŋ ba nɛ Edɔmebi e shile epul to n lar bumo be kadegboŋ na to. Kumo be kaman nɛ ejuŋkparpo nɛ meeŋ lara na e ba chena n ji kuwura efuli na so. Wanɛ e naŋ tiŋ n ta mbe kumu m ber ma ŋko n to ma emaŋ? Ewurjipo kikɛ maŋ wɔtɔ nɛ e beeŋ tiŋ n tu ma ŋ kɔ.

Jɛremaya 5:6

Amoso bedoŋ beeŋ ba bumo so fanɛ kupo to be ebuluŋ, ŋko keshishɛrsawule so be ekuntuŋ m ba pɛ bumo ŋ kpɛa to n we, nɛ ekarmɛ e sɔ bumo be ndeana to be abɔrbi so a nite a kulti. Nɛ basa na kaŋ lar kowu asɔbɔya na beeŋ pɛ bumo n ji ŋkpal b ka wora alubi damta nseŋ lar Ebɔrɛ kaman na so.

Jɛremaya 50:17

Kumo be kaman nɛ Enyɛnpe Ebɔrɛ na kaŋɛ le: “Israɛl be basa na du fanɛ mbolpɔ nɛ ebuluŋ ju bumo nɛ b pesaŋ bumo to nna. Asiriya be Ewurgboŋ e juŋkpar m ba kɔ bumo kena, kumo be kaman nɛ Babilɔn be ewura Nebukadneeza malɛ ba we bumo be awibi m bure to.

Jɛremaya 50:44

Kananɛ buluŋ bee lar kupo nɛ k dese Jɔɔdan be Lɔrgboŋ na ase a ba asɔbɔya be ejikpa nɛ asɔbɔya na e baa shile na, nɛ ma, Enyɛnpe Ebɔrɛ na beeŋ ba nɛ Babilɔnebi e shile epul to n lar bumo be kadegboŋ na to. Kumo be kaman nɛ ejuŋkparpo nɛ meeŋ lara na e ba chena n ji kuwura efuli na so. Wanɛ e naŋ tiŋ n ta mbe kumu m ber ma ŋko n to ma emaŋ? Ewurjipo kikɛ maŋ wɔtɔ nɛ e beeŋ tiŋ n tu ma ŋ kɔ.

Jɛremaya 8:16

An doŋana tea wɔ Dan be kadegboŋ nɛ k wɔ anyi be efuli be gbaŋ nɛ k wɔ a laŋɛ kelargato be esoso be kaba so na to a ba. Anyi alɛ tea nu bumo be egbaŋɛ be efute gba. Bumo be egbaŋɛ baŋ shu, kasawule na kikɛ bee gbuŋgbuŋ to nna. An doŋana na bee ba nɛ b ba mur anyi nɛ kasawule na nɛ kusɔ kama nɛ k wɔ kumo so nɛ anyi be kadegboŋ na nɛ basa nɛ b wɔ kumo to kikɛ na nna.”

Jɛremaya 9:11

Kumo be kaman nɛ Enyɛnpe Ebɔrɛ na kaŋɛ le: “Meeŋ shin nɛ Jerusalɛm e ki kelambure a dese, a la kakpa nɛ ejiŋkaamu beeŋ baa wɔ; nɛ Juda be efuli so be ndegboŋ e ki keshishɛrsawule, a la kakpa nɛ esa kama maaŋ naa wɔ.”

Ezikɛl 12:20

Ndegboŋ nɛ basa bɔlɔ amo to naniere kikɛ beeŋ mur nɛ efuli na kikɛ e ki kasawule a dese loŋ nɛ esa kikɛ maŋ wɔ kumo so. Ndoŋ nɛ baaŋ pin fanɛ ma e la Enyɛnpe Ebɔrɛ na.”

Ezikɛl 21:31

Meeŋ shin nɛ ma agbo e ba menyi so fanɛ edɛ na n chɔɔ menyi. Meeŋ ta menyi m bɔɔ basa nyaŋnyaŋso enɔ, basa nɛ b nyi kamɔ to.

Ezikɛl 32:2

“Dimɛdi pibi, Ezikɛl, kaŋɛ Ijipt be ewura, Fɛɛro, kenishipere be kasokpele be kubɔya ere fanɛ n yɛ: ‘Fee wora fanɛ buluŋ nna ashi efuliana na to, ama fo alɛ baa la fanɛ lɔr to be laŋchaŋ nɛ fee bri nchu to nna a jija amo.

Danɛl 5:19

E daŋ ji eleŋ ga nɛ efuli kama so ebi nɛ yiri kikɛ daa ŋana mo ga. E baaŋ kaŋɛ fanɛ b mɔ esa, baa mɔ mo nna. Mo alɛ naŋ kaŋɛ fanɛ b shin nɛ esa e ji efute e bee ji efute nna. E beeŋ tiŋ n shin nɛ esa e nya bunyaŋ ŋko ŋaba.

Danɛl 7:4

Kumo nɛ k daŋ juŋkpar n lar na daa du fanɛ buluŋ nna nsaa kɔ atɛ fanɛ kajɔnɔkoso. Ŋ ka bee keni kumo na, nɛ n wu kumo be atɛ ka tia. Nɛ b maŋ kumo so n yili kumo be aya so fanɛ dimɛdi nseŋ ta dimɛdi be nfɛra n wɔtɔ kumo to.

Levitikɔs 26:31

Meeŋ shin nɛ menyi be ndegboŋana e ki alambure nɛ m mur mboŋ nɛ menyee shuŋ agbirana na. Menyi be esarga be efɛa maaŋ naa par ma.

Levitikɔs 26:33

Meeŋ bar kena menyi so n shin nɛ men pesaŋ to n yɔ efuli pɔtɛana so. Menyi be kasawule beeŋ dese fuloŋ nɛ menyi be ndegboŋ a ki alambure.