Jɛremaya 4:5 - EBƆRƐ BE KAWƆL

⁵ Men foŋ kabel ashi kasawule na kikɛ so! Men ponte awɔrso nɛ k baa nu to nɛnɛ! Men kaŋɛ Juda nɛ Jerusalɛm be basa fanɛ b shile n yɔ ndegboŋ nɛ b pɔr egbal ŋ kulti amo na to.

Jɛremaya 4:5 Iomraidhean Croise

Aizaaya 28:19

Jɛrbi beeŋ gbelge menyi so kachipurso nɛ kapaso nɛ kanyɛso kikɛ nna fanɛ nchu ka bee bɔlɔ a ba na. Kubɔya popɔr kama malɛ nɛ k beeŋ shi Ebɔrɛ kutɔ m ba menyi kutɔ beeŋ ta kufugboŋ m pɛ menyi!

Jɛremaya 35:11

Ama jemanɛ nɛ ewura Nebukadneeza nɛ Babilɔn be efuli nɛ Siriya be efuli so be benapo ba fara a kɔ a sha kesɔ efuli na nɛ an koso m ba Jerusalɛm to m ba chena, saŋɛ na so anyeeŋ shile bumo m mɔlga anyi be amu. Kusɔ nɛ k ba nɛ an baa kaa wɔ Jerusalɛm to nna na.”

Jɛremaya 5:20

Enyɛnpe Ebɔrɛ na yɛ: “Bɔ kubɔya ere n sa Juda be efuli so be basa nɛ b la bumo nananyɛn Jeekɔb be kaman to ebi na.

Jɛremaya 6:1

Bɛnjamin be yiri to be basa, men shile m mɔlga menyi be amu. Men ŋana n lar Jerusalɛm be kadegboŋ na to. Men shin nɛ b foŋ kabel ashi kade nɛ baa tre Tekua na to nseŋ puga tɔɔnɛ be edɛ ashi kakpa nɛ baa tre Bɛf Hakkerɛm na nɛ e baa sa basa kubɔya. Ŋkpal manɛ so, jɛrbi gboŋgboŋi nɛ kemur beeŋ shi kelargato be esoso m ba menyi so.

Jɛremaya 8:14

Kede ba kama nɛ Ebɔrɛ be basa na kaŋɛ le: “Manɛ nna nɛ an chena shruum loŋ? Men shin nɛ an shile n yɔ ndegboŋ nɛ b pɔr egbalana ŋ kulti amo na to n ya wu n dese ndoŋ. Enyɛnpe anyi be Ebɔrɛ na teŋ n yili kumo fanɛ anyeeŋ wu. Mo alɛ teŋ n sa anyi kɔrtɔ fanɛ an nu n wu, ŋkpal an ka wora alubi n da mo so so.

Jɛremaya 9:12

Kumo be kaman nɛ m bishi le: “Enyɛnpe Ebɔrɛ, manɛ nna nɛ kasawule na wɔl ŋ ki fanɛ keshishɛrsawule a dese nɛ esa kikɛ maŋ naa bɔla kumo so a choŋ? Wanɛ e nyi asheŋ nɛ e tiŋ m pin kumo to? Wanɛ nɛ fo bugi kumo to n sa nɛ mo alɛ e kaŋɛ beko kumo be asheŋ?”

Ezikɛl 7:14

Hale nɛ b foŋ kabel fanɛ ekama e bela ase n yɔ kena to gba esa koŋwule gba maŋ lar n yɔ, ŋkpal manɛ so, ma kagbene kaa ekama so nna.

Hoziya 8:1

Enyɛnpe Ebɔrɛ yɛ: “Foŋ kabel! Ŋkpal ma basa ka kini kebɛ kɔnɔkoŋwule be ŋkre nɛ ma nɛ bumo wora na, nɛ ma keŋini so so, bedoŋ chala a gbelge ma kasawule so nna fanɛ njɔnɔkoso na.

Jowɛl 2:1

Men foŋ kabel nseŋ ber kenishipereso be dewuro ashi Zayɔn, nɛ k la Ebɔrɛ be kebee cheembi na so. Judaebi, men baa chicha, ŋkpal manɛ so, Enyɛnpe Ebɔrɛ be kachɛ na be saŋɛ fo n loge.

Eemɔs 3:6

Fo daŋ nu b ka foŋ kena to be kabel kade to nɛ kufu maŋ pɛ basa a? Fo daŋ wu jɛrbi ka ba kade to nɛ Enyɛnpe Ebɔrɛ maŋ nyi kumo be asheŋ a?

Eemɔs 3:8

Buluŋ baa ponte to, wanɛ nɛ kufu maaŋ pɛ? Enyɛnpetale na baŋ lara esa fanɛ e yili mbe katelamu to m malga wanɛ e la amodoŋwura nɛ e tiŋ ŋ kini?

Nɔmbɛs 10:2

“Ta gbiti m bɛl mbel anyɔ nɛ baaŋ baa foŋ a tre basa na a shɛr abar so ŋko a shin nɛ b baa kaa keeyi to.

Nɔmbɛs 10:3

B baŋ foŋ mbel anyɔ na, basa na kikɛ daga fanɛ b shɛr fo anishito ashi Enyɛnpe be wajɛbu na be kabuna to nna.

Joshuwa 10:20

Ndoŋ nna nɛ Joshuwa nɛ Israɛlebi na mɔ basa na ga, ama bumo be beko bre daŋ shile nna n ya luri bumo be kade nɛ b pɔr egbal ŋ kulti na to nɛ b maŋ nya bumo m mɔ.