Jɛremaya 4:4 - EBƆRƐ BE KAWƆL

⁴ Men ta menyi be ŋgbene kikɛ m bɛ ma, Enyɛnpe Ebɔrɛ na nɛ menyi be kɔnɔkoŋwule be ŋkre na so. Nɛ menyi Juda nɛ Jerusalɛm be basa maŋ wora loŋ, ma kanya agbo beeŋ suse so fanɛ edɛ ŋkpal asheŋ lubi nɛ men wora so, nɛ esa kama maaŋ tiŋ n duŋ kumo.”

Jɛremaya 4:4 Iomraidhean Croise

2 Kronikɛls 34:25

Ŋkpal b ka kini ma nsaa lara esarga a sa efuli pɔtɛana be agbirana so ma agbo kaa ga. Kusɔ nɛ b wora na so, ma agbo maaŋ wushi kikɛ.

Aizaaya 10:17

Ebɔrɛ cheembi nɛ e la Israɛl be kefulto na beeŋ kilgi fanɛ edɛ n shin nɛ fo suse so kachɛ koŋwule fanɛ kupuŋ wɔlso na.

Aizaaya 30:33

Dra dra na kikɛ nɛ Enyɛnpe Ebɔrɛ na bela kakpa nɛ edɛgboŋ beeŋ chɔ Asiriya be ewurgboŋ m mɔ na ase n yili. Ndoŋ la kakpa chiŋgeliŋ nsaa wɔ mpar nna nɛ ndibi biti abar so kumo to. Enyɛnpe Ebɔrɛ na e naaŋ fute edɛ be adondulombi n wɔtɔ ndibi na to nɛ a suseso.

Aizaaya 51:17

Jerusalɛm to ebi, men koso! Kasogberge nɛ Enyɛnpe Ebɔrɛ na nya agbo n shin nɛ k ba menyi so na shi ga. Kasogberge na shin nna nɛ menyee nite a lente fanɛ basa nɛ b boo nsa na.

Jɛremaya 15:14

Meeŋ shin nɛ b ki anya n sa bumo doŋana ashi kasawule nɛ b maŋ nyi shɛŋ a laŋɛ kumo be kaplɛa so na so. Ŋkpal manɛ so, ma agbo du fanɛ edɛ nɛ k bee chɔɔ mbaanaayɔ nna.”

Jɛremaya 21:5

Meeŋ ta ma eleŋgboŋ kikɛ nɛ ma kanya agbogboŋ kikɛ ŋ kɔ menyi,

Jɛremaya 23:19

B la basa lubi nna, amoso ma agbo du fanɛ afugboŋ nɛ k bee ber ga a ba kumu kpakpasowuraana so nna.

Jɛremaya 36:7

Ashere baaŋ kule Enyɛnpe Ebɔrɛ na ketampaŋ nseŋ lar bumo be asheŋ lubi to, ŋkpal manɛ so, Enyɛnpe Ebɔrɛ na nya agbo ga nna n wɔtɔ bumo.

Jɛremaya 44:22

Kabre ŋ ka bee malga ere, menyi be kasawule na dese fuloŋ nɛ esa kikɛ maŋ naa wɔ kumo so. K ki kakpa nɛ kumo be asheŋ bee keta kejijɛ nɛ basa bee ta kumo be ketre a sho basa kɔnɔ ŋkpal Enyɛnpe Ebɔrɛ na ka daa maŋ naŋ nyiti menyi be kumu kpakpaso nɛ asheŋ woraso lubi na so.

Jɛremaya 9:25

Ade be kaman nɛ Enyɛnpe Ebɔrɛ na naŋ kaŋɛ le: “Jemanɛ ko bee ba nɛ ŋ gberge basa nɛ b shi Ijipt nɛ Juda nɛ Edɔm nɛ Ammɔn nɛ Mowab be efuliana so nɛ eyiriana nɛ e wɔ keshishɛrsawule so na kusoe. Basa nɛ b wɔ efuli pɔtɛana ere kikɛ so ku atutu nna, ama bumo alɛ maa bɛ kɔnɔkoŋwule be ŋkre nɛ k bee ŋini katutuku be kefito na. Bumo nɛ Israɛl be basa be ekama maa bɛ ma kɔnɔkoŋwule be ŋkre na so. Eyurto be kaplɛa so, b ku atutu, ama bumo alɛ be ŋgbene maŋ chɛrga.”

Nfabel 4:11

Enyɛnpe Ebɔrɛ ka daŋ nya agbo ga so, e daŋ shin nɛ Jerusalɛm be kadegboŋ na ji edɛ nna m mur cheche.

Ezikɛl 16:38

Kejimbri be kasogberge beeŋ ba fo so ŋkpal kubojuaji nɛ basa be kemɔ so. Meeŋ nya agbo ga nseŋ ta luwu ŋ gberge fo kusoe.

Ezikɛl 18:31

Men lar men be asheŋ lubi na to nseŋ fara a fɛ asheŋ lela be kewora be asheŋ menyi be ŋgbene to. Menyi alɛ e baa ji kashenteŋ a sa ma. Men sa maŋ shin nɛ menyi be alubi e mɔ menyi.

Ezikɛl 20:33

Ma Enyɛnpetale Ebɔrɛ na e naa kaŋɛ menyi kashenteŋto na fanɛ meeŋ ta eleŋ n ji kuwura menyi so nɛ men pin kananɛ ma agbogboŋ du.

Ezikɛl 21:17

Ma alɛ gba beeŋ ber enɔbelaŋ, nɛ ma agbo e yɔɔso. Ma, Enyɛnpe e kaŋɛ na.”

Ezikɛl 24:13

Naniere fo, Jerusalɛm, be kusɔ jigaya be kebaawɔtɔ e shin nɛ fo wora eyurpi. Ŋkpal ŋ ka wora ania nɛ n fɔr fo so nɛ fo nyalɛ so nɛ fo kraa kini nsaa wɔ fo eyurpi to so, fo maaŋ naŋ nyalɛ so kikɛ n ya fo fanɛ ma agbo gboŋ ka beeŋ ba fo so.

Ezikɛl 24:8

Ndoŋ nna nɛ ma alɛ gba yige ŋklaŋ na kefalta na so, kakpa nɛ a maaŋ tiŋ ŋ ŋana. Nɛ amo alɛ bee fin fanɛ ŋ kɔ n sa amo.”

Ezikɛl 44:7

B wora eyurpisheŋ n jija ma bɔrɛlambu ŋkpal b ka shin nɛ befɔ nɛ b maa ŋana Ebɔrɛ luri kumo to jemanɛ nɛ baa lara esarga a sa ma na so. Amoso, ma basa wora kulubi nseŋ da ma nɛ bumo be kɔnɔkoŋwule be ŋkre na so.

Ezikɛl 6:12

Alɔ beeŋ mɔ bumo nɛ b wɔ kufɔ kufɔ nɛ bumo nɛ b taga to malɛ e wu kena to nɛ bumo nɛ baaŋ nya bumo be amu n ji efute malɛ e wu ŋkpal akoŋ so. Kananɛ ma agbogboŋ beeŋ gbelge bumo so nna na.

Ezikɛl 8:18

Ŋkpal loŋ so, meeŋ gberge bumo kusoe agbo so. M maaŋ wu bumo kuwɔr ŋko n yige bumo nɛ b ta bumo be amu n ya ji. Hale nɛ b shu n tre ma gba m maaŋ nu nseŋ chɛ bumo to.”

Levitikɔs 26:28

kumo ere meeŋ nya agbo n wɔtɔ menyi nseŋ shin nɛ menyi be kasogberge e ti so ale shunu so a chɔ adra na.

Levitikɔs 26:41

nɛ ma alɛ gba kilgi n tu bumo nseŋ shin nɛ b pɛ bumo anya n yɔ bumo doŋana be efuli so na. To, nɛ b chɛrga bumo be ŋgbene nseŋ fara a wora kusɔ nɛ k daga bre,

Eemɔs 5:6

Men bɛta n yɔ Enyɛnpe Ebɔrɛ na kutɔ nseŋ nya ŋkpa. Men baa maŋ ba mo kutɔ, e beeŋ ta edɛ m mur menyi. Menyi Bɛtɛl be basa e naaŋ chɔɔ. Esa kama malɛ maaŋ tiŋ m mɔlga menyi kikɛ.

Zefanaiya 2:2

pɔɛŋ nɛ afu e foŋ menyi n ya lɛ fanɛ afɔfɔ ŋko pɔɛŋ nɛ Enyɛnpe Ebɔrɛ na be agbogboŋ na e kaa alegaiso m ba menyi so.

Romebi 2:25

Nɛ fee bɛ mbra na be kɔnɔ so nseŋ ku kututu, kumo ere fo keku na kɔ kifi, ama nɛ fo maa bɛ mbra na be kɔnɔ so nseŋ ku kututu, kenyanyaŋɛso nɛ fo ku na.

Ditɛronɔmi 10:16

Amoso yili kabre a yɔ, men baa wora Enyɛnpe Ebɔrɛ na kasonu nseŋ yige menyi be ŋkpensheŋ na.

Ditɛronɔmi 30:6

Ade be kaman, Enyɛnpe menyi be Ebɔrɛ na beeŋ sa menyi nɛ men be kaman to ebi ŋgbene nɛ a kɔ kasonu; saŋɛ na so, menyeeŋ tiŋ n sha mo nɛ menyi be ŋgbene kikɛ nseŋ naŋ chena kasawule na so.

Ditɛronɔmi 32:22

Kumo be kaman nɛ ma agbo e suse fanɛ edɛ n chɔɔ kusɔ kama durnya to, n ta menyi be adɔ n ti so. Edɛ na beeŋ chɔɔ hale bubuni to ashi kasawule to nseŋ naŋ chɔɔ abeeana gba m mur.

Kɔlɔsiebi 2:11

Ŋkpal menyi nɛ Yesu Kristo ka la kukoŋwule na so, e ku menyi be kebaawɔtɔ lubi ashi menyi so, ama mannɛ enɔ be kushuŋ nna fanɛ kananɛ baa ta enɔ a ku kututu ŋkpal eyurpi so na.