Jɛremaya 4:3 - EBƆRƐ BE KAWƆL

³ Kede be kaman nɛ Enyɛnpe Ebɔrɛ na kaŋɛ Juda be efuli so nɛ Jerusalɛm be kadegboŋ na to be basa le: “Menyi be ŋgbene ki kpakpa nna fanɛ kasawule nɛ b maŋ naŋ dɔ kumo so ŋ ku so nɛ e du fanɛ kakpa nɛ ewi kɔr so. Amoso men lar menyi be ŋgbene kpakpaso na to.

Jɛremaya 4:3 Iomraidhean Croise

Jɛnesis 3:18

Kasawule na beeŋ baa kɔr ewi nɛ afitiri kpaŋ ŋkpal fo so; kasawule na malɛ so nɛ feeŋ baa dɔ a ji.

Ɛksodɔs 23:11

nseŋ yige kumo nɛ k wushi kafɛ shunusopo na bre to. Menyi alɛ e sa maŋ teŋi kumo so be akɔrbua kafɛ shunusopo na to, saŋɛ na so betirpo nɛ kupuŋ to be asɔbɔya gba beeŋ shishi amo nɛ a ka na n ji. Loŋ koŋwule na e daga fanɛ men wora men be afeelebi sɔrso nɛ ɔlif be ndibi be adɔ gba.

Hoziya 10:12

Le nɛ meeŋ kaŋɛ bumo: Men fin nsawule popɔr n dɔ n duu kashenteŋji be asɔduuso. Loŋ nɛ menyeeŋ teŋi nɛfa ŋkpal men ka bee shuŋ ma so. Jemanɛ nɛ k daga fanɛ men ta men be amu n sa men Nyɛnpe Ebɔrɛ na fo. Nɛ men wora loŋ, ma alɛ beeŋ chulgi ma nɛfa n wurge menyi so.

Matiu 13:22

Asɔ duuso nɛ a tɔr ewi to na malɛ du fanɛ esa nɛ e bee nu kamalga na nna nɛ durnya ere to be kafɔŋ nɛ kumo be kemansherbisha ba luri n sɔ kamalga na be kaboŋ, nɛ e bɛ so ŋ gben.

Matiu 13:7

Asɔ duuso na be ako malɛ tɔr ewi to nɛ ewi na daŋ m pɛ amo.

Maak 4:7

Asɔ duuso na be ako malɛ tɔr ewi to nɛ ewi na daŋ m pɛ amo nɛ a wora ŋ gben.

Luuk 8:14

Asɔ duuso nɛ a tɔr ewi to na malɛ du fanɛ basa nɛ baa nu kamalga na nseŋ fara a bɛ so nna. Ama durnya ere to be kafɔŋ nɛ kumo be amansherbisheŋ nɛ kebaawɔtɔ be asɔ belbelso baŋ luri m bɔlɔ bumo to nɛ b bɛ so ŋ gben.

Luuk 8:7

Asɔ duuso na be ako malɛ tɔr ewi to nɛ amo nɛ ewi na daŋ nɛ ewi na pɛ amo.