Jɛremaya 4:24 - EBƆRƐ BE KAWƆL

²⁴ Kumo be kaman nɛ ŋ keni n wu abeegboŋ ka bee gbuŋgbuŋ to, nɛ abeebi malɛ bee laŋte a yɔ a ba.

Jɛremaya 4:24 Iomraidhean Croise

1 Bewura 19:11

Nɛ Enyɛnpe Ebɔrɛ kaŋɛ mo le: “Lar n ya yili kebee na be esoso a jo ma, meeŋ ba choŋ.” Ndoŋ nna nɛ Enyɛnpe Ebɔrɛ shin nɛ afu lempo ko ba ber kebee na nseŋ bu kumo n lɛ m bure afalta nɛ a wɔ ndoŋ na to, ama Enyɛnpe na daa maŋ wɔ afu na to. Afu na ka yige nɛ kasawule be kegbuŋgbuŋ malɛ bɛ so ama Enyɛnpe na daa maŋ wɔ kumo alɛ gba to.

Nshɛ 18:7

Nɛ kasawule gbuŋgbuŋ to m baŋɛ, nɛ abeegboŋ be kaseto gbuŋgbuŋ. A gbuŋgbuŋ nna ŋkpal Ebɔrɛ ka nya agbo so.

Nshɛ 77:18

Bɔrɛ na ka nyɛkpɛ m ponte to nɛ kusɔ kikɛ nu kumo. K ka nyɛkpɛ na nɛ durnya kikɛ fulto. K ka ponte to na nɛ kasawule gbuŋgbuŋ to fanɛ k kaa bee chicha na.

Nshɛ 97:4

Mo e naa shin nɛ bɔrɛ bee nyɛkpɛ nɛ durnya bee fulto, nɛ kasawule so ebi bee wu kumo a chicha.

Ɛksodɔs 19:18

Kumo be kachɛ na, Sainai be kebeegboŋ na so kikɛ daŋ baa la edishi nna, ŋkpal manɛ so, Enyɛnpe Ebɔrɛ daŋ bɔla edɛ to nna m ba kumo so. Nɛ kumo be edishi na daŋ yɔ awɔlto fanɛ edishi nɛ a shi edɛ nɛ baa chɔɔ nɛ a shi ga na nɛ kebeegboŋ na kikɛ gbuŋgbuŋ to eleŋso.

Aizaaya 13:13

Kachɛ nɛ ma, Enyɛnpetale Ebɔrɛ na beeŋ ŋini kananɛ ma agbo du na, meeŋ shin nɛ esoso e baga to nɛ kasawule e gbuŋgbuŋ m pulgi ashi kumo be epul to.

Aizaaya 24:20

Kumo be kaman nɛ durnya na e baa lente fanɛ esa nɛ e boo nsa na, ŋko afugboŋ kaa bee ber kubuu so na. Durnya be alubi pɔɔ kumo so. Amoso k beeŋ mur nsaa maaŋ naaŋ tiŋ ŋ koso kikɛ.

Aizaaya 5:25

Enyɛnpe Ebɔrɛ na nya agbo ga nna n wɔtɔ mbe basa nsaa shin nɛ e gberge bumo kusoe kenishipereso. Abee beeŋ gbuŋgbuŋ nɛ basa e wu n dese agbembiana so fanɛ epi na. Ama amo nɛ amo kikɛ Enyɛnpe Ebɔrɛ na be agbo kraa maaŋ wushi. E kraa beeŋ baa sha kegberge menyi kusoe n ti so.

Jɛremaya 10:10

Ama fo, Enyɛnpe Ebɔrɛ na, e la Ebɔrɛ kashenteŋto. Fo e naa sa ŋkpa nsaa wɔ ŋkpa to na; fo alɛ e la ewura nɛ e wɔtɔ mbaanaayɔ na. Fo baŋ nya agbo, durnya kikɛ bee gbuŋgbuŋ to nna, nɛ efuliana bee mur.

Jɛremaya 8:16

An doŋana tea wɔ Dan be kadegboŋ nɛ k wɔ anyi be efuli be gbaŋ nɛ k wɔ a laŋɛ kelargato be esoso be kaba so na to a ba. Anyi alɛ tea nu bumo be egbaŋɛ be efute gba. Bumo be egbaŋɛ baŋ shu, kasawule na kikɛ bee gbuŋgbuŋ to nna. An doŋana na bee ba nɛ b ba mur anyi nɛ kasawule na nɛ kusɔ kama nɛ k wɔ kumo so nɛ anyi be kadegboŋ na nɛ basa nɛ b wɔ kumo to kikɛ na nna.”

Jɛremaya 9:10

Ndoŋ nna nɛ ŋ kaŋɛ le: “Meeŋ shu ŋkpal abee na nɛ asɔbɔya be ejikpa na so. Ŋkpal manɛ so, e wɔl nseŋ ki fanɛ keshishɛrsawule nna, nɛ esa kikɛ maŋ naa bɔla amo so a choŋ. Esa maaŋ naaŋ n nu kusɔbɔya be kushu ndoŋ, mbuibi nɛ kupuŋ to be asɔbɔya kikɛ shile amo so nna.”

Ezikɛl 38:20

Saŋɛ na so nɛ kufu e pɛ ekɔrɔtɔ nɛ mbuibi, nɛ asɔbɔya wurbi nɛ agboŋi kikɛ nɛ dimɛdi kama nɛ a wɔ durnya to so nɛ b baa chicha. Abeegboŋ nɛ abeebi kikɛ beeŋ bu n tɔr nɛ egbal kama e bure n tɔr kasawule.

Maika 1:4

Abeegboŋ na beeŋ ŋalga ashi mbe aya to fanɛ ŋku bumbuŋ ka luri edɛ to ŋ ŋalga a shile a yɔ abee na be afito fanɛ nchu ka shi kebee so a chulgi a wurge kasawule so na.

Habakuk 3:10

Abeegboŋana na ka wu fo nɛ a gbuŋgbuŋ to; nɛ bɔrɛchu shi awɔlpa so n wurge to. Ndoŋ nna nɛ echɛtabo baga to, nɛ amo to be nchu bɔlɔ n dii kepla.

Habakuk 3:6

Fo baŋ shir n yili, kasawule bee gbuŋgbuŋ nna, fo alɛ baŋ gbɛ ŋ keni malɛ efuliana na bee chicha nna. Dradra be abeegboŋ nɛ abeebi kikɛ bure to n tɔr. Ama fo ere wɔtɔ nna mbaanaayɔ!

Kelaraŋŋini 6:14

Ndoŋ nna nɛ awɔlpa na fara a foe ma anishito fanɛ b ka bee bɔɔ kelaŋ to na, nɛ kebee kikɛ nɛ kepla kikɛ tia ashi amo be eyilikpaana.