Jɛremaya 4:23 - EBƆRƐ BE KAWƆL

²³ Ade be kaman nɛ ŋ to kenishi ŋ keni ŋ kulti, nseŋ wu fanɛ edimɛdi nɛ asɔbɔya kikɛ maŋ naa wɔtɔ. Nɛ n naŋ to kenishi ŋ keni awɔlpa so, nɛ kefulto kikɛ maŋ wɔ kumo so.

Jɛremaya 4:23 Iomraidhean Croise

Jɛnesis 1:2

Loŋ be saŋɛ na shɛŋ shɛŋ daa maŋ wɔ kasawule so, amoso k daa du nna le muntuluŋ. Kumo be jemanɛ na so nchu e daa la kaplɛkama nɛ tentembiri daŋ sɔ kakpa kikɛ le mina nɛ Ebɔrɛ be Kiyoyu daa lɛa a lɛa nchuana na so.

Aizaaya 13:10

Kefulto maaŋ naa wɔtɔ, ŋkpal manɛ so achɛkpabi nɛ a wɔ esoso na kikɛ beeŋ fulto ŋ gben nɛ epeŋi e pete nseŋ biri to nɛ kufɔl malɛ gba e fuli to ŋ gben.

Aizaaya 5:30

Kachɛ nɛ baaŋ kre kena m ba na, baaŋ munto fanɛ teku ka bee kaa ketili a gbri na. Tentembiri nɛ kebagato beeŋ sɔ efuli na kikɛ so, ŋkpal manɛ so kuwɔlpa nɛ k biri to beeŋ buu kefulto nɛ k wɔtɔ kabre ere kikɛ so.

Jɛremaya 2:12

Amoso nɛ n shin nɛ kufugboŋ tɔr esoso be asɔ kikɛ so nɛ e bee chicha kenishipereso na.

Jɛremaya 9:10

Ndoŋ nna nɛ ŋ kaŋɛ le: “Meeŋ shu ŋkpal abee na nɛ asɔbɔya be ejikpa na so. Ŋkpal manɛ so, e wɔl nseŋ ki fanɛ keshishɛrsawule nna, nɛ esa kikɛ maŋ naa bɔla amo so a choŋ. Esa maaŋ naaŋ n nu kusɔbɔya be kushu ndoŋ, mbuibi nɛ kupuŋ to be asɔbɔya kikɛ shile amo so nna.”

Nfabel 3:2

E daŋ ju ma n lɛ tentembiri plɔ to, kakpa nɛ kefulto kikɛ maŋ wɔ nna.

Jowɛl 2:10

B baa ba, kasawule bee gbuŋgbuŋ nna nɛ awɔlpa bee wora fanɛ a ka bee chicha na, nɛ epeŋi nɛ kufɔl kikɛ malɛ e biri to tuum nɛ achɛkpabi e fuli to ŋ gben.

Eemɔs 8:9

Loŋ be kachɛ na, ma Enyɛnpetale beeŋ shin nɛ epeŋi a tɔr kapaso nɛ kanyɛ e biri kapiidi. Ma Enyɛnpetale na e malga na.

Zakareya 14:6

Loŋ be kachɛ na kaŋ fo, kefulto ŋko awo ŋko kenyɔlɔ maaŋ baa wɔtɔ.

Matiu 24:29

Etɔrɔ ere be jemanɛ baŋ ba choŋ, k maaŋ chɛr ko nɛ epeŋi e biri to nɛ kufɔl e fuli to ŋ gben. Achɛkpabi beeŋ shi awɔlpa so n tɔr nɛ ebɔrɛso be eleŋana kikɛ e wea abar to.

Matiu 24:35

Ebɔrɛso nɛ kasawule kikɛ beeŋ ba mur, ama ma mmalga maa ba nɛ a ba mur kikɛ!

Kelaraŋŋini 20:11

Ndoŋ nna nɛ n naŋ wu kuwurputigboŋ fuful ko nɛ esa nɛ e daa tase kumo so. Nɛ kasawule nɛ awɔlpa foe mbe anishito a maŋ naa kɔ kakpa ndoŋ.