Jɛremaya 4:22 - EBƆRƐ BE KAWƆL

²² Ndoŋ nna nɛ Enyɛnpe Ebɔrɛ na kaŋɛ le: “Ma basa maŋ kɔ nfɛra, bumo alɛ maŋ naa nyi ma. B du fanɛ mbia wulpo nɛ b maa pin asheŋ to nna. Asheŋ lubi be kebaawora nɛ b nyi ga, ama asheŋ lela bre b maŋ nyi amo be kewora.”

Jɛremaya 4:22 Iomraidhean Croise

Jɛnesis 39:16

Kede be kaman nɛ e ta Josɛf be kale na n nase m mata mbe kumu hale nɛ Josɛf mo nyɛnpe na ya ba.

2 Samuɛl 13:3

Deevid mo sipo Shamma pibinyɛn nɛ baa tre Jonadab na e daa la mo teri. Jonadab malɛ daa la enyiashempo nna nsaa kɔ kananɛ baa wora asheŋ manaŋ manaŋ be nfɛra ga.

Nshɛ 36:3

Kafulesheŋ nɛ efɛ e bɔlɔ bumo be nnɔ to. Bumo be nfɛra maa ŋini bumo kebaawɔtɔ lela; bumo alɛ maa wora kelela.

Nshɛ 36:4

B dese bumo be edesekpa gba alubi be kewora be ŋkre nɛ baa kre. B maa wora asheŋ lela kikɛ. Kulubi kama malɛ maa choŋ bumo so.

Nshɛ 53:4

Menyi alubiworapoana maaŋ koya a? Menyi nɛ men maa kule Ebɔrɛ nsaa wɔtɔ a kpɛa ma basa to fanɛ b ka bee we bodobodo na.

Nshɛ 82:5

Menyi be ekama maŋ nyi shɛŋ ŋko a pin asheŋ to! Tentembiri to nɛ men wɔ a nite a kulti; saŋɛ so nɛ durnya kikɛ be gbaltɔlase bee gbuŋgbuŋ.

Aŋasa 28:5

Belubiworapo maŋ nyi kananɛ baa wora asheŋ nɛ amo be ekpa so, mannɛ aloŋ nɛ bumo nɛ baa ŋana Enyɛnpe Ebɔrɛ bre du.

Aizaaya 1:3

Ana nɛ ekurma nyi basa nɛ b wɔ bumo nsaa bela bumo. Ama ma basa, Israɛlebi, bre maŋ nyi ma. B maa pin asheŋ to gba kuraa.”

Aizaaya 27:11

Kumo to be ndibi be ayabi bee wɔl nna a buri a tɔr nɛ beche bee kil amo a puga edɛ. Ŋkpal basa na ka maŋ pin asheŋ to na so, Ebɔrɛ nɛ e to bumo na maaŋ wu bumo kuwɔr ŋko n shu bumo so.

Jɛremaya 10:8

Agbirana maŋ kɔ tɔnɔ nɛ kechɛto kikɛ n sa basa. Esa kama nɛ e bee shuŋ amo la ewulpo nna.

Jɛremaya 13:23

Edimɛdi beeŋ tiŋ n chɛrga bumo be kayurwule a? Karmɛ beeŋ tiŋ n chɛrga kumo be eyur so be chɛchɛrɛ na a? Nɛ baaŋ tiŋ n chɛrga bre, fo alɛ gba beeŋ tiŋ n chɛrga fo asheŋ lubi nawule na to nsaa wora asheŋ niŋiso.

Jɛremaya 2:8

Bɔrɛmatapoana na malɛ maŋ tiŋ m bishi: ‘Nnɛ nɛ Enyɛnpe Ebɔrɛ na wɔ?’ Ŋ gbagba be bɔrɛmatapoana nɛ baa ŋini ma mbraana maŋ nyi ma. Bejuŋkparpoana na kini ma nseŋ lar ma kaman; nɛ anebiana na malɛ bɔla Baal be kegbir be ketre so m malga nseŋ shuŋ agbirana nɛ e maŋ kɔ tɔnɔ n sa bumo.

Jɛremaya 4:21

Jemanɛ mo, nɛ m maaŋ naa wu kena ka bee kɔ, ŋko kena be mbel be kushu?

Jɛremaya 5:21

Men nu nfe! Menyi basa wulpo nɛ men maŋ nyi asheŋ ere! Manɛ so nɛ menyi maa nu ma mmalga a bɛ amo so? Manɛ so nɛ menyi maa pin to fanɛ

Jɛremaya 5:4

Kumo be kaman nɛ le be nfɛra ba ma to: “Basa ere la betirpo nna nsaa maŋ nyi shɛŋ. Baa wora asheŋ kawuli so nna. B maŋ nyi kusɔ nɛ bumo be Ebɔrɛ bee sha, ŋko kusɔ nɛ Enyɛnpe Ebɔrɛ na bee sha fanɛ b baa wora.

Jɛremaya 9:2

N daa yɛlga kenya kakpa ashi keshishɛrsawule so, nɛ n lar ma basa to n ya chena ndoŋ. Ŋkpal manɛ so, bumo kikɛ maŋ kɔ kashenteŋji n sa Ebɔrɛ, bumo alɛ kikɛ la bedebɔrpo nawule nna.

Jɛremaya 9:3

Jemanɛ kikɛ b wora shiriya nɛ b baa ku efɛ nna. Kapuni e naa ji kuwura kasawule na so, mannɛ kashenteŋ. Ndoŋ nna nɛ Enyɛnpe Ebɔrɛ na kaŋɛ le: “Ma basa baŋ lar kulubi ko to baa luri kenyɔsopo to nna, bumo alɛ maŋ nyi fanɛ ma e la bumo be Ebɔrɛ na.”

Jɛremaya 9:5

Baa gben bumo be amu nna a fin ekpa popɔr nɛ baŋ bɔla so m puni bumo teriana nna.

Ezikɛl 16:30

Amoso nɛ ma nɛ Enyɛnpetale Ebɔrɛ kaŋɛ fanɛ fo to fo kumu pasaa! Fo wora asheŋ ere kikɛ fanɛ sakaleche nɛ e paŋ anishinyɔr pasaa!

Hoziya 4:1

Enyɛnpe Ebɔrɛ na yɛ ma nɛ basa nɛ b wɔ kasawule ere so kikɛ kɔ asheŋ nɛ an ji. Israɛlebi, men loto n nu kusɔ nɛ Enyɛnpe Ebɔrɛ na bee kaŋɛ. E yɛ: “Kashenteŋji nɛ kasha maŋ naa wɔ kasawule ere so nɛ basa malɛ maŋ naa fɛ Ebɔrɛ be asheŋ.

Hoziya 4:6

Ma basa bee mur nna ŋkpal b ka kini ma so. Menyi bɔrɛmatapoana gba kini ma nseŋ kini ma keŋini gba n ti so. Ŋkpal loŋ so nɛ ma alɛ gba kini menyi na. M maaŋ naŋ wu menyi be mbinyɛnsobi gba fanɛ b la bɔrɛmatapoana.

Hoziya 5:4

Kulubi nɛ basa na wora na e shin nɛ b maaŋ naŋ tiŋ m bɛta m ba bumo be Ebɔrɛ kutɔ. Ŋkpal saŋkama be kesakalea nɛ baa ji na so b maŋ naa fɛ ma asheŋ.

Eemɔs 3:10

Enyɛnpe Ebɔrɛ yɛ: “Koyu nɛ kebaa tintiŋ basa a sɔ bumo be asɔ nɛ basa ere bɔla so ŋ gbare asɔ m bɔlɔ ebuana. B maaŋ tiŋ n ji kashenteŋ kikɛ.”

Maika 2:1

Asheŋ maaŋ nyalɛ n sa bekama nɛ baa dese bumo be edesekpa a kre asheŋ lubi be kewora be ŋkre na. Kanyɛso nɛ baa kaa kre loŋ be asheŋ na, nɛ kare e chɛ nɛ b wora amo ŋkpal b ka kɔ eleŋ so.

Maika 7:3

Alubi be kewora deŋ ekama nna. Ekrachi nɛ demujipoana bee tu basa nna a sɔ asɔ pɔɛŋ nsaa shuŋ bumo be ashuŋ a sa bumo. Ekama nɛ e kɔ eyilikpa basa to bee bɔla mbe eyilikpa so nna a fin asɔ a sa mbe kumu nna. Ekama wora kɔnɔ nna a shin nɛ loŋ be asheŋ bee wora.

Luuk 16:8

Damawura na daŋ kpaŋ mbe esibɛpo kebirkɔnshiwura na ga ŋkpal kashennyi nɛ e daŋ ŋini na so. Ŋkpal manɛ so, durnya ere to ebi kɔ kebirkɔnshi be kashennyi nna a wora bumo be asheŋ a chɔ basa nɛ b wɔ kefulto to.”

Baru lela nɛ Jɔn kute na 16:3

Bumo alɛ beeŋ wora loŋ nna ŋkpal b ka maŋ nyi Etuto ŋko ma so.

Romebi 1:22

B yɛ b nyi asheŋ, ama bumo alɛ ki bewulpo nna.

Romebi 1:28

Ade malɛ kikɛ be kaman Ebɔrɛ yige bumo be asheŋ nna n sa bumo ŋkpal b ka kini kenyiŋi kashenteŋ be abɔrɛsheŋ na so nɛ b baa wɔtɔ a wora asheŋ nɛ a maŋ daga kikɛ.

Romebi 16:19

Naniere esa kama nu menyi be kasonu be asheŋ, amoso, ma kagbene fuli ma ga ŋkpal menyi so. Ama mee sha fanɛ men baa kɔ kanyiasheŋ a yɔ kelela be kaplɛa so nna nsaa maa nyi shɛŋ a yɔ alubi be kaplɛa so.

Romebi 3:11

Esa kikɛ maŋ wɔtɔ a pin asheŋ to, ekama malɛ maŋ naa wɔtɔ a kɔ a fin Ebɔrɛ.

1 Kɔrintebi 14:20

Ŋ kurgepoana, men sa maa fɛ nfɛra fanɛ mbia. Alubi bre be kewora be kaplɛa so men baa la mbia, ama men be nfɛra bre to, men baa la basa kpar.

Ditɛronɔmi 32:28

Israɛl be efuli so be basa maŋ kɔ nfɛra nna, b maŋ kɔ kanyiasheŋ kikɛ.

Ditɛronɔmi 32:6

Menyi bewulpo nɛ basa nɛ b maŋ kɔ nfɛra ere, le a daga fanɛ men wora Enyɛnpe Ebɔrɛ na a? Enyɛnpe Ebɔrɛ na e la men tuto, mo e to menyi, nseŋ shin nɛ men ki efuli koŋwuleso be basa.