Jɛremaya 4:19 - EBƆRƐ BE KAWƆL

¹⁹ Ebesa nɛ k wɔ ma to na shi ga! M maaŋ tiŋ ŋ keta kumo! Ma kagbene bee ku ma alegaiso nna! Ma alɛ maaŋ tiŋ n lo ma kɔnɔ to. Ŋkpal manɛ so, mee nu mbel ka bee shu nseŋ naa nu kena be awɔr nna.

Jɛremaya 4:19 Iomraidhean Croise

Jɛnesis 49:6

M maaŋ ta ma kɔnɔ n wɔtɔ bumo be wulo be mmalga to, ma alɛ nɛ bumo maaŋ shɛr ŋ kre asheŋ kikɛ. Ŋkpal manɛ so, b kaa agbo m mɔ basa nseŋ tuge asɔbɔya be aya be achin kenyaŋnyaŋɛso nɛ a ki ebobi.

2 Bewura 4:19

B wɔ ndɔ na to nna nɛ kebia na boŋto n tre mo tuto ŋ kaŋɛ: “Ma kumu bee besa! Ma kumu bee besa ma!” Ndoŋ nna nɛ kebia na mo tuto kaŋɛ mbe kayɛrbi fanɛ e keta kebia na n ya sa mo nio.

2 Bewura 8:11

Ndoŋ nna nɛ Elaisha keni Haziɛl be anishito tenini nɛ anishinyɔr pɛ Haziɛl nɛ e kurgi kumu n yuu to nɛ Elaisha fara a shu.

Nshɛ 103:1

Meeŋ ta ma kagbene kikɛ n fur Enyɛnpe Ebɔrɛ na, nseŋ ta ma kebaawɔtɔ kikɛ ŋ kpaŋ mbe ketre cheembi na!

Nshɛ 116:7

Ŋkpal Enyɛnpe Ebɔrɛ na ka wora ma kelela so, shɛŋ be asheŋ maŋ naa fɔŋ ma ashi ma kagbene to.

Nshɛ 119:136

Mee kaa shu anishichubi nna, ŋkpal basa ka maa wora fo mbraana kasonu so.

Nshɛ 119:53

M baŋ wu kumukpakpasowura ka bee wora a da fo mbra so, k bee kaa ma kagbene nna.

Nshɛ 146:1

Men baa kpaŋ Enyɛnpe Ebɔrɛ na! Meeŋ ta ma kagbene kikɛ ŋ kpaŋ Enyɛnpe Ebɔrɛ na!

Nshɛ 16:2

Enyɛnpe, Fo e la ma Ebɔrɛ Asɔ lela nɛ ŋ kɔ kikɛ shi fo kutɔ nna.

Aizaaya 15:5

Mee shu ma kagbene to nna a sa Mowabebi na ŋkpal b kaa shile a yɔ nde nɛ baa tre Zowa nɛ Ɛglaf Shelishiya na so. Bumo be beko dii m bɔla ekpa nɛ k bee yɔ kade nɛ baa tre Luhif na nna a shu a yɔ, nɛ beko malɛ ŋana n ta kagbenejija a shu awɔrso a shile a yɔ kade nɛ baa tre Hɔronaim na.

Aizaaya 16:11

Ebesa bee ji ma nna ashi ma kagbene to nɛ mee shu a sa Mowab nɛ Kir Hɛrɛs.

Aizaaya 21:3

Kusɔ nɛ n daŋ wu nseŋ nu bɔrɛdare na to na shin nna nɛ kufugboŋ ko nɛ ebesa fanɛ kakurge be ebesa luri ma to.

Aizaaya 21:4

Ndoŋ nna nɛ ma nfɛra wul ma to nɛ kufu pɛ ma ga nɛ mee chicha. N daa yɛlga fanɛ kaaseso e fo manaŋ nna nɛ ma eyur e wushi ma, ama kaaseso ka fo nɛ kusɔ nɛ k chɔ loŋ naŋ tu ma.

Aizaaya 22:4

Men yige ma nɛ n shu ga ŋkpal ma basa nɛ b wu na so. Men sa maŋ wora ania fanɛ menyeeŋ lɔlɔ ma.

Jɛremaya 13:17

Ama nɛ men kini kenu n sa ma bre, meeŋ kpal menyi be kamoowuso n shu ashiri to. Meeŋ shu kenishipereso nɛ anishichubi a lar ma anishi to ŋkpal b ka beeŋ pɛ menyi nɛ men la Enyɛnpe Ebɔrɛ be basa n yɔ efuli pɔtɛana so fanɛ anya so.

Jɛremaya 20:9

Ama nɛ ma alɛ baŋ kaŋɛ fanɛ meeŋ teŋ Enyɛnpe Ebɔrɛ na so nsaa maŋ naa yili mbe katelamu to a malga, fo kubɔya na bee ki fanɛ edɛ nna a chɔɔ ma kagbene to nɛ ma awibi to. Mee wora ania fanɛ meeŋ nyaŋ ma kumu, ama ma alɛ maa tiŋ a lo ma kɔnɔ.

Jɛremaya 23:9

M baa fɛ kusɔ nɛ anebiana na be asheŋ, k bee chinchiŋ ma nna nsaa shin nɛ mee chicha fanɛ esa nɛ e nuu nsa m boo m baŋ so; ŋkpal Enyɛnpe Ebɔrɛ nɛ mbe mmalga cheembi na so.

Jɛremaya 4:21

Jemanɛ mo, nɛ m maaŋ naa wu kena ka bee kɔ, ŋko kena be mbel be kushu?

Jɛremaya 4:5

Men foŋ kabel ashi kasawule na kikɛ so! Men ponte awɔrso nɛ k baa nu to nɛnɛ! Men kaŋɛ Juda nɛ Jerusalɛm be basa fanɛ b shile n yɔ ndegboŋ nɛ b pɔr egbal ŋ kulti amo na to.

Jɛremaya 49:2

Kachako bee ba nɛ n shin nɛ benapo ko e ba kɔ basa nɛ b wɔ efuli na be kadegboŋ nɛ baa tre Rabba to na kena m mur kumo cheche nseŋ chɔɔ ndekarso na n lɛ. Kumo be kaman nɛ Israɛl be basa e naŋ sɔ bumo be kasawule ashi basa nɛ b daŋ suge kumo na kutɔ.

Jɛremaya 50:22

Kena nɛ kemur gboŋgboŋi be awɔr bee cha kasawule na so nna.

Jɛremaya 6:24

Ndoŋ nna nɛ Jerusalɛm be basa na kaŋɛ le: “An nu bumo be asheŋ nɛ kufugboŋ tɔr anyi so nɛ anyi be eyur wu anyi. K shin nɛ kagbenejija tɔr anyi so nɛ anyee we anyii to fanɛ eche nɛ kakurge ta mo na.

Jɛremaya 8:18

Ma kagbene jija ma ga nɛ k bee wora ma fanɛ tama kikɛ maŋ naa wɔtɔ n sa ma basa.

Jɛremaya 8:21

Ma basa ka bee wu etɔrɔ so k bee tɔrɔ ma alɛ gba be kagbene to nna. K shin nna nɛ ma kagbene jija ma ga, nɛ mee shu a sa bumo.

Jɛremaya 9:1

N daa yɛlga fanɛ ma kumu beeŋ baa la ketirbu nɛ ma anishi malɛ e baa la kubuye a bul anishichubi, saŋɛ na so meeŋ baa shu kapa nɛ kanyɛ a sa ma basa nɛ b mɔ na.

Jɛremaya 9:10

Ndoŋ nna nɛ ŋ kaŋɛ le: “Meeŋ shu ŋkpal abee na nɛ asɔbɔya be ejikpa na so. Ŋkpal manɛ so, e wɔl nseŋ ki fanɛ keshishɛrsawule nna, nɛ esa kikɛ maŋ naa bɔla amo so a choŋ. Esa maaŋ naaŋ n nu kusɔbɔya be kushu ndoŋ, mbuibi nɛ kupuŋ to be asɔbɔya kikɛ shile amo so nna.”

Nfabel 1:16

Amoso nɛ anyee shu anishichubi ga na. Esa kikɛ maaŋ tiŋ n lolo anyi n ti anyi kagbene, esa kikɛ malɛ maaŋ tiŋ n leŋ anyi to nɛ an naŋ nya kenyɛn. Ŋkpal manɛ so, an doŋana pɔɔ anyi so nɛ anyi maŋ naa kɔ shɛŋ kebaawɔtɔ to.

Nfabel 1:20

O Enyɛnpe Ebɔrɛ, keni awurfoŋ nɛ ebesa damta nɛ anyee ji ere! Anyi be ŋgbene jija anyi nna ga ŋkpal anyi be alubi so. Basa be kamɔ e sɔ agbembi so, nɛ anyi be elaŋana gba to.

Nfabel 2:11

M baŋ shu nna m pere anishi hale nɛ ma epun to bee besa. Ma basa ka mur na shin nɛ ma kagbene jija ma hale nɛ m bɛlɛ. Mbi wurbi nɛ mbi popɔrbi kikɛ kreŋ a dese agbembi so ŋkpal esa kikɛ ka maŋ wɔtɔ nɛ e keni bumo so ashi kadegboŋ na to so.

Danɛl 4:19

Ndoŋ nna nɛ edare na be kifito be asheŋ pɛ Danɛl nɛ baa tre Bɛlteshaaza na kufu ga nɛ mbe nfɛra wul mo to. Nɛ ewura na kaŋɛ mo le: “Bɛlteshaaza, sa maŋ shin nɛ edare na be asheŋ e baa fɔŋ fo.” Nɛ Danɛl kaŋɛ: “Yiramu, nɛ edare nɛ fo ku ere daŋ beeŋ laŋɛ fo doŋana so nna, k daa beeŋ par ma ga.

Danɛl 7:15

Bɔrɛdare nɛ ma Danɛl daŋ ku na daŋ chinchiŋ ma ga nɛ ma kagbene jija ma.

Danɛl 7:28

Ma edare na nɛ kumo be kifito kikɛ be ekar nna na. Kufu daŋ pɛ ma ga nna hale nɛ n nyɔr ŋ ki foleebi nseŋ ta kusɔ kama n wɔtɔ ma kagbene to.

Danɛl 8:27

Kesheŋ ere daŋ baŋ shin nna nɛ ŋ gben nseŋ dese n lɔ nchɛ damta. Kumo be kaman nɛ n naŋ bɛta n yɔ kushuŋ nɛ ewura sa ma na to. Bɔrɛdare na daŋ wul ma nfɛra to nna nɛ m maŋ tiŋ m pin kumo to kikɛ.

Eemɔs 3:6

Fo daŋ nu b ka foŋ kena to be kabel kade to nɛ kufu maŋ pɛ basa a? Fo daŋ wu jɛrbi ka ba kade to nɛ Enyɛnpe Ebɔrɛ maŋ nyi kumo be asheŋ a?

Habakuk 3:16

Ŋ ka nu ade kikɛ be asheŋ nɛ kufu pɛ ma; hale nɛ ma kɔnɔ bee chicha. Ma eyur daŋ yuri ma nna nɛ awo dii ma nɛ n fara a fiti a fiti jijiga. Ama meeŋ ji kanyiti n jo kachɛ nɛ Ebɔrɛ beeŋ gberge efuli nɛ k bee kɔ anyi kena na kusoe.

Nɔmbɛs 10:9

Nɛ men doŋana kaŋ baa kaa kɔ menyi kena men gbagba be kasawule so nɛ men foŋ mbel na, ma Enyɛnpe Ebɔrɛ na beeŋ nu nseŋ ba mɔlga menyi.

Romebi 10:1

Ŋ kurgepoana, kusɔ nɛ m baa sha ga nsaa kule kumo be Ebɔrɛ e la fanɛ ma basa Israɛlebi e nya kumɔlga.

1 Kɔrintebi 14:8

Ŋko nɛ fanɛ akarma maŋ laŋ ntempeni kananɛ k daga, nuso nɛ basa bee wora a bela ase a yɔ kena to?

Galeeshaebi 4:19

Ma mbi shasoana, ebesa nɛ k wɔ ma to a sa menyi ere baa du fanɛ eche be kakurge be ebesa nna a wɔ ma to ama n ya wu fanɛ Kristo be kebaawɔtɔ na kikɛ ya luri nna m bɔlɔ menyi to.

Demujipoana 5:21

Lɔr nɛ baa tre Kishɔn na e sulɔ Sisɛra be benapo n yɔ. Kishɔn be lɔr nɛ k wɔtɔ dra dra na kikɛ na e sulɔ bumo n yɔ. Meeŋ ta eleŋ nɛ kenyɛn n yɔ anishito!