Jɛremaya 4:15 - EBƆRƐ BE KAWƆL

¹⁵ Mbɔ shi Dan be kadegboŋ to nɛ Efrayim be abeesawule nɛ e wɔ kelargato be esoso be kaba so a ber baru lubi be kebomboŋ a ba.

Jɛremaya 4:15 Iomraidhean Croise

Aizaaya 52:7

K la mamachi be kesheŋ nna fanɛ esa ka beeŋ wu kabɔ ka ta kagbenewushi be baru n shi abee so a gbelge to a ba nɛ e ba sa basa. Kekɔmpɔɔso be kebomboŋ nɛ e bee ber a sa Jerusalɛm to ebi a kaŋɛ le: “Menyi be Ebɔrɛ e la Ewura!”

Jɛremaya 10:22

Men nu nfe! Baru ko bee ba! Kebagato gboŋ ko wɔ efuli ko nɛ k wɔ kelargato be esoso be kaba so a ba. Efuli na be benapo beeŋ shin nɛ Juda be efuli so be ndegboŋ e ki keshishɛrsawule nɛ ejiŋkaamu e baa wɔ kumo so.”

Jɛremaya 6:1

Bɛnjamin be yiri to be basa, men shile m mɔlga menyi be amu. Men ŋana n lar Jerusalɛm be kadegboŋ na to. Men shin nɛ b foŋ kabel ashi kade nɛ baa tre Tekua na to nseŋ puga tɔɔnɛ be edɛ ashi kakpa nɛ baa tre Bɛf Hakkerɛm na nɛ e baa sa basa kubɔya. Ŋkpal manɛ so, jɛrbi gboŋgboŋi nɛ kemur beeŋ shi kelargato be esoso m ba menyi so.

Jɛremaya 8:16

An doŋana tea wɔ Dan be kadegboŋ nɛ k wɔ anyi be efuli be gbaŋ nɛ k wɔ a laŋɛ kelargato be esoso be kaba so na to a ba. Anyi alɛ tea nu bumo be egbaŋɛ be efute gba. Bumo be egbaŋɛ baŋ shu, kasawule na kikɛ bee gbuŋgbuŋ to nna. An doŋana na bee ba nɛ b ba mur anyi nɛ kasawule na nɛ kusɔ kama nɛ k wɔ kumo so nɛ anyi be kadegboŋ na nɛ basa nɛ b wɔ kumo to kikɛ na nna.”

Joshuwa 17:15

Nɛ Joshuwa kaŋɛ le: “Nɛ Efrayim be kebee so be kasawule na du fimbi n sa menyi ŋkpal men ka shi so, kumo ere men ya lɔŋɛ kupo nɛ k wɔ Pɛrizebi nɛ Refaebi be kasawule so na n chena.”

Joshuwa 20:7

Amoso nde nɛ b lara ashi Jɔɔdan be lɔr na be epeŋitɔrkpa e daa la Kadɛsh nɛ k wɔ Galili ashi Naftali be abee be efuli so na nɛ Shɛkɛm nɛ kumo alɛ wɔ Efrayim be abee be efuli so na, nɛ Hibrɔn nɛ k wɔ Juda be abee be efuli so na.

Demujipoana 18:29

nseŋ chɛrga kumo be ketre Layish na nseŋ ta bumo nananyɛn nɛ e daa la Jeekɔb pibinyɛn na be ketre, Dan, n nase kumo.

Demujipoana 20:1

Israɛl be basa nɛ b shi Dan be kasawule nɛ k dese kelargato be esoso be kaba so n ya fo Bɛshiba be kasawule nɛ k wɔ kelargato be kaseto be kaba so na, n ta bumo nɛ b shi Giliad be kasawule nɛ k wɔ Jɔɔdan be lɔr na be epeŋilarkpa be kaba so na kikɛ n ti so ka nu kesheŋ na nɛ b lar fanɛ esa koŋwule m ba shɛr Enyɛnpe Ebɔrɛ na be anishito ashi Mizpa.