Jɛremaya 4:13 - EBƆRƐ BE KAWƆL

¹³ Men keni, edoŋ be benapo e naa ba fanɛ awɔlpa na. Bumo be kena to be egbaŋɛturko bee shile nna fanɛ kawuliwuli nɛ bumo be egbaŋɛ malɛ bee shile a chɔ kusore ka bee firgi. To, an wu m mur nna na!

Jɛremaya 4:13 Iomraidhean Croise

2 Samuɛl 1:23

Kemaŋkura nɛ kasha nɛ basa daa kɔ n sa Sɔɔl nɛ Jonatan na daa shi ga. Bumo alɛ be ŋkpa nɛ luwu kikɛ malɛ to, b maŋ yige abar. B daa du manaŋ manaŋ a chɔ kajɔnɔkoso, nsaa kɔ eleŋ malɛ a chɔ ebuluŋ.

Aizaaya 13:5

B shi efuli wɔfɔ wɔfɔ nɛ a wɔ durnya be lalaloge to nna a ba. Enyɛnpe Ebɔrɛ na malɛ e kaa kagbene n ta mbe akɔsɔ a ba nɛ e ba mur Babilɔn be efuli kikɛ.

Aizaaya 19:1

Kubɔya nɛ k wɔtɔ a laŋɛ Ijipt be efuli be kaplɛa so nde. Enyɛnpe Ebɔrɛ na bɔla kuwɔlpa so nna a ba Ijipt be efuli so manaŋ manaŋ. Kufu pɛ Ijipt be agbirana nna nɛ a bee chicha mbe anishito, nɛ kumo be basa malɛ be ŋgbene jija bumo ga nɛ b paŋ kenyɛn.

Aizaaya 3:8

Kashenteŋto, asheŋ maaŋ nyalɛ n sa Jerusalɛmebi! Juda be efuli so malɛ baa mur nna na! Kusɔ kama nɛ baa kaŋɛ ŋko a wora bee gbiti Enyɛnpe Ebɔrɛ na nna. Baa tege Ebɔrɛ ekama be anishito nna.

Aizaaya 5:28

Kumo be kaman, bumo be akpaana du pɛlpɛlbi nna nɛ bumo alɛ wora shiriya a jo nɛ b to bumo be ata. Bumo be egbaŋɛ be alotobi du kpakpa fanɛ awarabi nna, nɛ bumo be kena to be egbaŋɛturko malɛ be aya bee kilgi to manaŋ manaŋ fanɛ kawuliwuli na.

Aizaaya 66:15

Keni, Enyɛnpe Ebɔrɛ na kɔ edɛ nna a ba. E beeŋ ta mbe gbaŋɛturko nɛ k bee kpa edɛ na m bɔla kawuliwuli so m ba. E nya agbo nna ga a ba nɛ e ba ta edɛ ŋ gberge mo doŋana kusoe.

Jɛremaya 10:19

Ndoŋ nna nɛ basa na kaŋɛ le: “Kumo ere anyeeŋ wu asheŋ pasaa! Anyi be awurfoŋ maaŋ loge kikɛ. An daa fɛ fanɛ anyeeŋ tiŋ n ji ebesa nɛ awurfoŋ na be kanyiti nna.

Jɛremaya 4:12

Afu nɛ Enyɛnpe Ebɔrɛ na beeŋ shin nɛ k chela na beeŋ baa kɔ eleŋ ga, ŋkpal manɛ so mo gbagba be demuji nɛ e kɔ a ba mbe basa so.

Jɛremaya 4:31

N nu esa ko ka bee tekeŋto fanɛ eche nɛ kakurge ta na, nseŋ naŋ nu kushu fanɛ eche ka bee kurge mo pibi sososo. Jerusalɛm e daa fute a gben nsaa shu a lɛ mbre a kaŋɛ le: ‘Mee wu nna na! Bedoŋ e naa ba nɛ b ba mɔ ma!.’ ”

Jɛremaya 46:18

Ma, Enyɛnpe Ebɔrɛ na e la ewura. Ma e la Ebɔrɛ nɛ e bee sa ŋkpa na. Kananɛ Tabɔɔ be kebee baa du jeŋgreŋ a chɔ abeeana, nɛ Kaamɛl be kebee malɛ dii awɔlto a chɔ teku na, aloŋ nɛ edoŋ nɛ e beeŋ ba kɔ fo na be eleŋ beeŋ baa chɔ feya.

Jɛremaya 48:40

Enyɛnpe Ebɔrɛ na daŋ nase kɔnɔ nna fanɛ efuli ko beeŋ ba parga kumo be atɛ to m buu Mowab so n fuu kumo fanɛ kusore na.

Jɛremaya 49:22

Bedoŋ na beeŋ ba kɔ Bozra be basa eleŋso fanɛ kusore ka ber atɛ to ŋ gbelge m ba kasawule so eleŋso na. Kachɛ na kaŋ fo, Edɔm be benapo be ŋgbene beeŋ jija bumo ga fanɛ eche nɛ kakurge ta mo na.”

Jɛremaya 6:23

B kɔ bumo be ata nɛ etokobi nna a ba. Bumo alɛ maŋ kɔ kushuso ŋko e wu kuwɔr. Egbaŋɛ nɛ baa dii na be aya bee gbri kasawule so nna fanɛ ketili ka bee kaa teku so na. B wora shiriya nna a ba nɛ b ba kɔ Jerusalɛmebi kena.”

Jɛremaya 9:19

Naniere, le nɛ anyi nɛ an wɔ Zayɔn na bee shu a kaŋɛ: “An mur nna na! An ji nyɔmɔ pasaa! Anyi be nwu kikɛ mur, nɛ a daga fanɛ an lar anyi gbagba be kasawule so.”

Nfabel 4:19

An doŋana na daa du fanɛ kusore ka bee fuu kusɔ na nna. B daa ju a buu anyi so kaplɛkama nna a fin anyi nɛ b pɛ. Abee so nɛ b daa kuŋ anyi a pɛ, ŋko pugi keshishɛrsawule so a jo anyi nɛ an ba purgi bumo nɛ b pɛ.

Ezikɛl 26:10

Mbe egbaŋɛ be keshi ga so amo be kalabɛr beeŋ buu menyi so fanɛ kunyɔlɔ na. Benapo na kaa luri menyi be ndeana to, bumo be egbaŋɛ nɛ egbaŋɛturko wurbi nɛ agboŋi kikɛ be egbri beeŋ shin nɛ menyi be ebuana be egbalana a gbuŋgbuŋ fɔŋfɔŋ saŋɛ nɛ b wɔ men be nde nɛ b bure na to na.

Ezikɛl 38:9

Gɔg nɛ mbe benapo nɛ efuli damtaana nɛ b ti so na beeŋ kre m ba Israɛlebi na so fanɛ bɔrɛfu m ba buu bumo so fanɛ kuwɔlpa.”

Danɛl 11:40

Siriya be efuli so be ewura na be lalaloge be saŋɛ kaŋ taga to, Ijipt be efuli so be ewura na beeŋ ba kɔ mo kena, nɛ mo alɛ e ta egbaŋɛturko nɛ egbaŋɛdiipoana nɛ nchu so be ekuloŋgboŋ damta n tu mo ŋ kɔ kena na. Siriya be ewura beeŋ kɔ n sɔ efuli damtaana fanɛ kananɛ nchu bee bɔlɔ a sɔ kaplɛkama na.

Danɛl 7:4

Kumo nɛ k daŋ juŋkpar n lar na daa du fanɛ buluŋ nna nsaa kɔ atɛ fanɛ kajɔnɔkoso. Ŋ ka bee keni kumo na, nɛ n wu kumo be atɛ ka tia. Nɛ b maŋ kumo so n yili kumo be aya so fanɛ dimɛdi nseŋ ta dimɛdi be nfɛra n wɔtɔ kumo to.

Hoziya 8:1

Enyɛnpe Ebɔrɛ yɛ: “Foŋ kabel! Ŋkpal ma basa ka kini kebɛ kɔnɔkoŋwule be ŋkre nɛ ma nɛ bumo wora na, nɛ ma keŋini so so, bedoŋ chala a gbelge ma kasawule so nna fanɛ njɔnɔkoso na.

Maika 2:4

Kachɛ na kaŋ fo basa beeŋ baa boŋ nshɛ a wora menyi eyurto a kaŋɛ le: ‘Anyi ere mur cheche nna na! Enyɛnpe Ebɔrɛ na suge anyi be kasawule n sa bedebɔrpo.’

Nahum 1:3

Enyɛnpe Ebɔrɛ na kɔ eleŋ ga, mo alɛ maa nya agbo manaŋ manaŋ, ama mo alɛ maa yige bumo nɛ baa wora a de so nɛ baa ta bumo be amu a ji. Bɔrɛfugboŋ nɛ kawuliwuli so nɛ e bee bɔla a wora asheŋ; nɛ bɔrɛwɔlpa malɛ du fanɛ mbe aya to be kalabɛr.

Habakuk 1:8

Bumo be egbaŋɛ bee shile a chɔ ekarmɛ nsaa keta kufu malɛ a chɔ ekuntuŋ nɛ akoŋ kɔ. Bumo be egbaŋɛdiipoana shi mboŋ wɔfɔ nna nɛ bumo be egbaŋɛ bee shile a pulgi kasawule a ba eleŋso fanɛ kusore ka firgi n yuu kusɔ jisoso na.

Zakareya 6:1

Kede be kaman nɛ n naŋ ku bɔrɛdare ko gba n wu egbaŋɛturko ana ko ka shi danyaŋ be abee anyɔ ko be kefɛato a ba.

Matiu 24:30

Saŋɛ na so ma, Nyiŋgbasa Pibinyɛn be tɔɔnɛ beeŋ lar awɔlpa so, nɛ durnya ere to be efuliana kikɛ to ebi e shu. Baaŋ wu ma, Nyiŋgbasa Pibinyɛn nɛ eleŋ nɛ kemaŋkura gboŋ ka wɔ awɔlpa so a ba.

Ditɛronɔmi 28:49

Enyɛnpe Ebɔrɛ na beeŋ shin nɛ efuli pɔtɛ be basa nɛ men maa nu bumo be ŋgbar e shi kufɔ kufɔ ŋ kre kena m ba purgi menyi fanɛ kusore ka ta koshi na.

Kelaraŋŋini 1:7

Men keni mo nɛ awɔlpa kulti a ba na, kenishi kama malɛ beeŋ wu mo n ta bumo nɛ b ta kusɔ n da mo m mɔ na n ti so nɛ kasawule ere so be basa kikɛ e shu ŋkpal mo so. Kumo be loŋ bre maŋ kɔ emɔrɔ. Amɛn.