Jɛremaya 4:11 - EBƆRƐ BE KAWƆL

¹¹ Jemanɛ ko bee ba nɛ Jerusalɛm to be basa e nu fanɛ afu tushiso ko bee shi keshishɛrsawule so a ber a ba bumo so. K maaŋ baa la afu nɛ k bee chela a ber amimi a lɛ na nna.

Jɛremaya 4:11 Iomraidhean Croise

Nshɛ 11:6

E beeŋ ta ajanwulɛ tushiso nɛ edɛ wuloŋwuloŋ n lɛ basa lubi so nseŋ ta kawuliwuli tushiso ŋ gberge bumo kusoe.

Aizaaya 22:4

Men yige ma nɛ n shu ga ŋkpal ma basa nɛ b wu na so. Men sa maŋ wora ania fanɛ menyeeŋ lɔlɔ ma.

Aizaaya 27:8

Kasogberge nɛ Enyɛnpe Ebɔrɛ na sa mbe basa e la fanɛ e shin nna nɛ bumo doŋana kɔ m pɔɔ bumo so nseŋ pɛ bumo n yɔ efuli pɔtɛ so n ya ki anya. Bumo bedoŋana na daa du fanɛ epeŋilarkpa be afu tushiso nna m ba ber bumo n yɔ kufɔ kufɔ.

Aizaaya 41:16

Kumo be kaman nɛ men ta amo n lɛ afu to nɛ afu na e sulɔ amo n ya lɛ. Afugboŋ beeŋ pesaŋ amo to n sɔ kaplɛkama. Saŋɛ na so menyi be ŋgbene beeŋ fuli menyi ŋkpal ŋ ka la men be Ebɔrɛ so. Kede be kaman nɛ men kpaŋ ma nɛ n la Israɛl be Ebɔrɛ cheembi na.

Aizaaya 64:6

Anyi kikɛ wora alubi ŋ ku so. Hale anyi be asheŋ lela gba du fanɛ achɛbi krenso ashi fo kutɔ nna. Anyi be alubi so, an du fanɛ afantaŋ wɔlso nɛ afu ber amo n ya lɛ nna.

Jɛremaya 13:24

Enyɛnpe Ebɔrɛ na beeŋ shin nɛ fo basa e pesaŋ to n sɔ kaplɛkama fanɛ kananɛ afu bee sulɔ amimi a yɔ kaplɛkama na.

Jɛremaya 14:17

Kumo be kaman nɛ Enyɛnpe Ebɔrɛ na kaŋɛ ma kenishipereso fanɛ n ya kaŋɛ basa na kebɔltofinfin nɛ k wɔ ma to be asheŋ. Ndoŋ nna nɛ n ya kaŋɛ bumo le: “Kapa nɛ kanyɛ, ma anishi maa paŋ anishichubi ŋkpal ma basa be awurfoŋ damta nɛ baa ji na so.

Jɛremaya 23:19

B la basa lubi nna, amoso ma agbo du fanɛ afugboŋ nɛ k bee ber ga a ba kumu kpakpasowuraana so nna.

Jɛremaya 4:12

Afu nɛ Enyɛnpe Ebɔrɛ na beeŋ shin nɛ k chela na beeŋ baa kɔ eleŋ ga, ŋkpal manɛ so mo gbagba be demuji nɛ e kɔ a ba mbe basa so.

Jɛremaya 8:19

Ma basa bee shu ashi efuli pɔtɛana so nna. Fo kaŋ kusoe, feeŋ nu b ka bee shu a kaŋɛ le: “Enyɛnpe Ebɔrɛ na maŋ naa wɔ Zayɔn be kebee nɛ k wɔ Jerusalɛm to na nna a? E maŋ naa la kumo be ewura nna a?” Nɛ Enyɛnpe Ebɔrɛ, nɛ e la bumo be ewura na kaŋɛ le: “Manɛ nna nɛ menyee shuŋ agbir; a jɔŋɛ asɔ nɛ e maŋ kɔ tɔnɔ ase a bunyaŋ amo, a shin nɛ ma kagbene bee kaa?

Jɛremaya 9:1

N daa yɛlga fanɛ ma kumu beeŋ baa la ketirbu nɛ ma anishi malɛ e baa la kubuye a bul anishichubi, saŋɛ na so meeŋ baa shu kapa nɛ kanyɛ a sa ma basa nɛ b mɔ na.

Jɛremaya 9:7

Ŋkpal loŋ so nɛ Enyɛnpetale Ebɔrɛ na kaŋɛ le; “Ma basa teŋ wora alubi n da ma so. Manɛ nɛ meeŋ wora bumo nɛ mannɛ kelɔŋɛ bumo so fanɛ kananɛ baa lɔŋɛ kebɛlso so na?

Nfabel 2:11

M baŋ shu nna m pere anishi hale nɛ ma epun to bee besa. Ma basa ka mur na shin nɛ ma kagbene jija ma hale nɛ m bɛlɛ. Mbi wurbi nɛ mbi popɔrbi kikɛ kreŋ a dese agbembi so ŋkpal esa kikɛ ka maŋ wɔtɔ nɛ e keni bumo so ashi kadegboŋ na to so.

Nfabel 3:48

Mee shu anishichubi damta nna, ŋkpal ma basa ka mur so.

Nfabel 4:10

Kemurgboŋ nɛ k daŋ ba ma basa so na daŋ shin nɛ beche nɛ baa sha bumo be mbia ga gbagba daŋɛ bumo be mbia nɛ b wu nna n we ŋkpal akoŋ so.

Nfabel 4:3

Ejiŋkamu gba bee nyipo bumo be bibi wurbi, ama ma basa bre ki fanɛ keshishɛrsawule so be mbuibi nɛ baa shile a ka bumo be bibi a wora bumo be mbiwurbi na kumu kpakpaso nna.

Nfabel 4:6

Ma basa be kasogberge chɔ basa nɛ b daa wɔ kadegboŋ nɛ baa tre Sodɔm, nɛ Ebɔrɛ daŋ mur kumo epul to dra dra na peya.

Ezikɛl 17:10

Kefeelebi na kɔ eleŋ nɛ alenfia nɛnɛ, ama nɛ fanɛ epeŋilarkpa be afu ber kumo so, k maaŋ chɛr nɛ k bolo.”

Ezikɛl 19:12

Ama agbo so nɛ n tia kumo n lɛ kasawule. Afu nɛ a shi epeŋilarkpa daŋ shin nɛ k bolo nɛ kumo be asɔrso gbaŋgbaŋ n tɔr; nɛ kumo be ayabi lempo na wɔl nɛ edɛ ji amo.

Hoziya 13:15

Hale nɛ b dii dama a chɔ bumo kurgepoana gba, meeŋ shin nɛ afu tushiso e shi keshishɛrsawule na be epeŋilarkpa be kaba so m ba shin nɛ bumo be mbombi nɛ atirbu e wɔl to. Kumo be kaman nɛ afu na e jija bumo be asɔ lela nɛ b kɔ na.

Hoziya 13:3

Amoso bumo kikɛ beeŋ foe fanɛ kachipurso be kenyɔlɔ na ŋko kananɛ bunyaŋ bee tɔr nsaa kpata to kachipurdidi na. Baaŋ baa du fanɛ b ka bee chela asɔ kugooro so nɛ afu ta amo be amimi a yɔ ŋko kananɛ edishi bee bɔla tokuro to a lar kowu na nna.

Hoziya 4:19

Kawuliwuli beeŋ ta bumo n choŋ nɛ anishinyɔr e pɛ bumo ŋkpal b ka bee lara esarga a sa agbir so.

Habakuk 1:11

Kumo be kaman nɛ b choŋ fanɛ afu na. Bumo be eleŋ du fanɛ kegbir be eleŋ nna n sa bumo nɛ baa bunyaŋ kumo.”

Habakuk 1:6

Meeŋ shin nɛ Babilɔnebi nɛ b la ŋgbene kpakpasowuraana a maa ŋana shɛŋ nsaa maŋ kɔ kechena n wushi kikɛ na e ji eleŋ. Baa lar nna a ba nɛ b ba kɔ durnya be kasawule kama so be basa kena.

Matiu 3:12

E du fanɛ esa nɛ e kɔ kawie chela asɔ to nna a chela asɔ to. E beeŋ chela mbe ayu to n ta amo be alela n wɔtɔ mbe kapuro to nseŋ ta amimi na n wɔtɔ edɛ nɛ a maa duŋ to.”

Luuk 3:17

E du fanɛ esa nɛ e kɔ kawie chela asɔ to nna a chela asɔ to. E beeŋ chela mbe ayu to n ta amo be alela n wɔtɔ mbe kapuro to nseŋ ta amimi na n wɔtɔ edɛ nɛ a maa duŋ to.”