Jɛremaya 39:9 - EBƆRƐ BE KAWƆL

⁹ Kumo be lalaloge, nɛ Nebuzaradan nɛ e la benapo nɛ baa kuŋ ewura na be enimu na, pɛ basa nɛ b kraa wɔ kadegboŋ na to na nɛ bekama nɛ b daŋ shile n ya buu bumo na ŋ keta bumo kikɛ n yɔ Babilɔn be efuli so fanɛ anya.

Jɛremaya 39:9 Iomraidhean Croise

Jɛnesis 37:36

Loŋ be saŋɛ malɛ nɛ Ishmaɛlebi nɛ b daŋ tɔ Josɛf na malɛ ta mo n ya fa n sa kanyɛn ko nɛ baa tre Potifa ashi Ijipt be efuli so. Potifa e daa la ewura Fɛɛro be esoji nɛ baa kuŋ mo na be enimu.

2 Bewura 20:18

Baaŋ pɛ fo gbagba be mbinyɛnsobi ko n ya fɛl bumo nɛ b baa shuŋ Babilɔn be ewura be lambu to.”

2 Bewura 25:11

nseŋ keta betirpo nɛ basa nɛ b nyi enɔ to be ashuŋ na nɛ bumo nɛ b daŋ shuli n sa mo nseŋ kraa wɔ Jerusalɛm to na kikɛ n yɔ Babilɔn be efuli so.

2 Bewura 25:20

Kumo be kaman nɛ Nebuzaradan keta bumo n yɔ Babilɔn be ewura kutɔ ashi Ribla,

Aizaaya 5:13

Ŋkpal loŋ so menyi maŋ nyi shɛŋ a laŋɛ mbe kaplɛa so. Amoso men doŋana beeŋ ba pɛ menyi be galeŋga ŋ ki anya katiŋ so n yɔ efuli pɔtɛ so. Akoŋ beeŋ mɔ menyi be bejuŋkparpoana nɛ achukoŋ e mɔ basa damta malɛ.

Jɛremaya 10:18

Enyɛnpe Ebɔrɛ na bee sha kelara menyi kasawule ere so nna na. E beeŋ shin nɛ men doŋana e ta kenishi m pere menyi nseŋ tintiŋ menyi n lar men be kasawule so. Enyɛnpe Ebɔrɛ e kaŋɛ na.”

Jɛremaya 16:13

Ŋkpal loŋ so meeŋ lara menyi ashi kasawule ere so nseŋ kpa menyi n lɛ kasawule nɛ menyi ŋko men nananyɛnana maŋ nyi so, nɛ kapa nɛ kanyɛ men ya kaa shuŋ agbir ndoŋ. Ma alɛ maaŋ wu menyi kuwɔr.’ ”

Jɛremaya 24:8

Ama asɔrso nɛ e maŋ walɛ keji na malɛ yili nna n sa Juda be ewura Zedekiya nɛ mbe benimuana nɛ basa nɛ b ka kasawule na so nɛ bumo nɛ b shile n yɔ Ijipt be efuli so na nna.

Jɛremaya 38:19

Nɛ ewura Zɛdikaya kaŋɛ ma le: “Anyi gbagba be basa nɛ b shile n ya ti Babilɔnebi na so na nɛ mee ŋana. Ashere Babilɔnebi na beeŋ ta ma n sa bumo nɛ b kɔrfɛ ma.”

Jɛremaya 40:1

Nebuzaradan nɛ e la benapo nɛ baa kuŋ Babilɔn be ewura na be enimu na ka sɔ ma n yige ashi Rama na be kaman nɛ Enyɛnpe Ebɔrɛ na malga ma kutɔ. B daŋ chɛ ma ŋgbɛlɛbi nna nseŋ daŋ keta ma nɛ Juda nɛ Jerusalɛm be basa nɛ b pɛ a yɔ Babilɔn be efuli so na nna n yɔ ndoŋ.

Jɛremaya 40:7

Juda be benapo na nɛ bumo be benimuana na be beko bre daŋ maŋ shuli n ta bumo be amu n sa Babilɔnebi na nseŋ daŋ shile n luri kupuŋ to. B daŋ nu fanɛ Babilɔn be ewura ta Gɛdaliya nna ŋ ki gomena n chena kasawule na so nɛ e baa keni kasawule na so be betirpo gbagba nɛ b maŋ keta n yɔ Babilɔn be efuli so na so.

Jɛremaya 52:26

Kumo be kaman nɛ Nebuzaradan keta bumo kikɛ n yɔ Ribla ashi Hamaf be kasawule so nɛ ewura Nebukadneeza shin nɛ b mɔ bumo. Juda be basa maŋ naa wɔ bumo gbagba be efuli so ŋkpal b ka keta bumo n yɔ kenyaya to ashi efuli wɔfɔ so so.

Danɛl 2:14

Ndoŋ nna nɛ Danɛl yɔ ewura na be basa nɛ baa kuŋ mo na be enimu nɛ baa tre Ariɔk na kutɔ. Ariɔk daa yɔ nna nɛ e ya mɔ benyiashempo na nɛ Danɛl ya tu mo nseŋ bɔla kanyiasheŋ nɛ kamubraseso,

Levitikɔs 26:33

Meeŋ bar kena menyi so n shin nɛ men pesaŋ to n yɔ efuli pɔtɛana so. Menyi be kasawule beeŋ dese fuloŋ nɛ menyi be ndegboŋ a ki alambure.

Ditɛronɔmi 4:27

Enyɛnpe Ebɔrɛ na beeŋ tintiŋ menyi n lar kasawule na so nseŋ pesaŋ menyi to n sɔ efuli pɔtɛana so, mboŋ nɛ menyi to be gbrɛbi beeŋ ya ji efute.