Jɛremaya 39:6 - EBƆRƐ BE KAWƆL

⁶ Kumo be kaman nɛ e mɔ ewura Zɛdikaya be mbinyɛnsobi nɛ Juda be benimuana na nɛ e yil a keni.

Jɛremaya 39:6 Iomraidhean Croise

Jɛnesis 21:16

Kumo be kaman nɛ e yɔ anishito fanɛ ayadra alfa asa n ya chena, a fɛ mbe kumu to le: “M maaŋ tiŋ n yili ŋ keni ma kebia nɛ e wu.” E ka tase ndoŋ na nɛ keboltofinfiŋ pɛ mo nɛ mbe anishichubi fara a wurge.

Jɛnesis 44:34

Ŋkpal manɛ so, nɛ kebia na maŋ tu ma n yɔ epe, nuso nɛ meeŋ wora n yɔ n tuto kutɔ? Ayai, jande, sa maŋ shin nɛ n ya wu kagbenejija nɛ k beeŋ ba n tuto so na.”

2 Bewura 22:20

amoso kasogberge nɛ ŋ kɔ a ba Jerusalɛm be basa so na maaŋ ba, ama e wu kagbenewushiso nna pɔɛŋ.” Ndoŋ nna nɛ basa na ta kubɔya na n ya sa ewura Josaya.

2 Bewura 25:7

Ndoŋ nna nɛ Nebukadneeza shin nɛ b mɔ ewura Zɛdikaya be mbinyɛnsobi nɛ e yil a keni. Kumo be kaman nɛ ewura Nebukadneeza shin nɛ b chule ewura Zɛdikaya be anishi nseŋ chɛ mo ŋgbɛlɛbi n ta mo n yɔ Babilɔn be efuli so n ya ti ebu.

2 Kronikɛls 34:28

amoso kasogberge nɛ ŋ kɔ a ba Juda be basa so na maaŋ ba, ama fo wu kagbenewushiso nna pɔɛŋ.” Ndoŋ nna nɛ basa na ta kubɔya na m ba sa ewura Josaya.

Ɛsta 8:6

M maaŋ tiŋ n chena a keni nɛ ma basa e mur.”

Aizaaya 13:16

Basa beeŋ baa yil a keni nɛ bedoŋ a pɛ bumo be mbia n ta bumo ŋ ŋmɛa afalta so m mɔ nseŋ luri bumo be elaŋana to n ta bumo be asɔ eleŋ so nseŋ pur bumo be beche gba n ti so.”

Aizaaya 34:12

Ewura maaŋ naa wɔtɔ a keni Edɔm be efuli na so. Bejuŋkparpoana gba maaŋ naa wɔtɔ a juŋkpar kumo be basa.

Jɛremaya 20:4

Enyɛnpe Ebɔrɛ na gbagba yɛ: ‘Meeŋ shin nɛ fo ta kufu m pɛ fo kumu nɛ fo teriana, nɛ bumo doŋana e ta etokobi m mɔ bumo fo anishito. Meeŋ ta Juda be efuli so be basa kikɛ m bɔɔ Babilɔn be efuli so be ewura enɔ nɛ e ji eleŋ bumo so. E beeŋ mɔ beko nseŋ pɛ beko fanɛ anya n yɔ mbe efuli so.

Jɛremaya 21:7

Ama fo nɛ fo benimuana nɛ basa nɛ baaŋ ji efute ashi kena na nɛ akoŋ na nɛ alɔ lubi na to na bre, Babilɔn be ewura Nebukadneeza nɛ men doŋana nɛ baa sha kemɔ menyi na beeŋ pɛ menyi fanɛ anya nɛ ewura Nebukadneeza e ya mɔ menyi. E maaŋ yige menyi be ekoŋwule gba ŋko n wu menyi kuwɔr ŋko n shu menyi so. Ma, Enyɛnpe Ebɔrɛ na e kaŋɛ na.”

Jɛremaya 34:3

Baaŋ pɛ fo n yɔ ewura Nebukadneeza kutɔ nɛ fo nɛ mo e wu abar kenishiso nseŋ malga abar kutɔ. Kumo be kaman nɛ b yɛr fo Babilɔn be efuli so.

Jɛremaya 38:23

Kumo be kaman nɛ n naŋ kaŋɛ le: “Baaŋ keta beche nɛ mbia kikɛ n ya sa Babilɔnebi na, nɛ fo gbagba maaŋ nya n shile m mɔlga fo kumu. Babilɔn be ewura beeŋ pɛ fo kenya nseŋ chɔɔ Jerusalɛm n lɛ.”

Jɛremaya 52:10

Ribla be kadegboŋ to ndoŋ nɛ ewura Nebukadneeza shin nɛ b mɔ ewura Zɛdikaya be mbinyɛnsobi nɛ Juda be efuli so be benimuana nɛ e yil a keni.

Ezikɛl 23:24

Kumo be kaman nɛ b ta egbaŋɛturko wurbi nɛ agboŋi kikɛ n sulɔ akɔsɔ nɛ benapo damta n shi kelargato be esoso m ba kulti fo n wɔtɔ ŋ kɔ fo kena. Baaŋ keta abɛlso be asɔ kuŋamuso wurbi nɛ agboŋi kikɛ nseŋ buu abɛlso be akpaŋwuro bumo be amu so nna m ba. Ma alɛ beeŋ ta fo m bɔɔ bumo enɔ nɛ b gberge fo kusoe kananɛ bumo be mbraana bee ŋini.

Ezikɛl 24:5

Kubɔlpo lela ga be eblaŋ nɛ awibi e daga fanɛ fo ta n wɔtɔ kadaŋɛ na to. Nseŋ gbar ndibi n wɔtɔ edɛ na to, saŋɛ na so a beeŋ falte nɛ eblaŋ na nɛ awibi na e bel.

Zefanaiya 1:8

Kumo be kaman nɛ Enyɛnpe Ebɔrɛ na naŋ kaŋɛ le: “Loŋ be kachɛ na, meeŋ gberge efuli na be benimuana na nɛ ewura be bibinyɛn nɛ bekama nɛ baa bɛ befɔ be edaŋkaresheŋ so na kikɛ kusoe.”

Ditɛronɔmi 28:34

Awurfoŋ nɛ menyeeŋ ji na beeŋ shin nɛ men be nfɛra a wea to nɛ men baa wora asheŋ fanɛ basa nɛ baa lɔ eboŋ.