Jɛremaya 39:5 - EBƆRƐ BE KAWƆL

⁵ Ama Babilɔn be benapo na daŋ ju bumo nna n ya pɛ ewura Zɛdikaya a mata keplasawule nɛ k mata kade nɛ baa tre Jɛriko na, nɛ mbe benapo kikɛ pesaŋ to n shile ŋ ka mo. Kumo be kaman nɛ b keta mo n yɔ ewura Nebukadneeza kutɔ ashi kade nɛ baa tre Ribla ashi Hamaf be kebonfu to na. Ndoŋ nna nɛ ewura Nebukadneeza ji mo demu ndoŋ nseŋ kaŋɛ fanɛ e ji n tɔr.

Jɛremaya 39:5 Iomraidhean Croise

2 Samuɛl 8:9

Hamaf be kade to be ewura Toi ka nu fanɛ Deevid kɔ m pɔɔ Hadadeza be benapo kikɛ so na,

2 Bewura 17:24

Asiriya be ewurgboŋ na daŋ lara basa ashi Babilɔn nɛ Kuuta nɛ Awa nɛ Hamaf nɛ Sefavaim be nde to nna nseŋ tintiŋ bumo n yɔ Israɛl be efuli so nɛ b ya chena ndoŋ. B daŋ ya sɔ nde nɛ Israɛlebi na be nde nna n chena n ta bumo be kadegboŋ Samɛria n ti so.

2 Bewura 23:33

Ijipt be efuli so be ewura Neeko daŋ pɛ Jehowahaz nna n ya ti ebu ashi Ribla nɛ k mata Hamaf na nseŋ tintiŋ Judaebi nɛ b ka gbiti kilo ŋgboŋ asa nɛ alfa ana nɛ shuwa kilo adesa nɛ ana n sa mo.

2 Bewura 25:6

Kumo be kaman nɛ b keta ewura Zɛdikaya n yɔ ewura Nebukadneeza kutɔ ashi kadegboŋ nɛ baa tre Ribla na nɛ ewura Nebukadneeza ji mo demu ŋ kaŋɛ fanɛ e wora n jija.

2 Kronikɛls 33:11

Amoso Enyɛnpe Ebɔrɛ na daŋ shin nna nɛ Asiriya be benapo be benimuana ya kɔ n sɔ Juda be efuli na, nseŋ pɛ ewura Manase n ta kekɔltobi ŋ kɔl mbe kamuna to nseŋ ta ŋgbɛlɛbi ŋ kre mo n ta mo n yɔ Babilɔn.

Aizaaya 22:3

Menyi be bejuŋkparpoana kikɛ daŋ cha abar nna a shile nɛ b ya pɛ bumo kaplɛkama nɛ b shile n yɔ na, nɛ bumo alɛ maŋ tiŋ ŋ kɔ gbrɛbi kama gba nɛ b suge bumo be amu.

Jɛremaya 21:7

Ama fo nɛ fo benimuana nɛ basa nɛ baaŋ ji efute ashi kena na nɛ akoŋ na nɛ alɔ lubi na to na bre, Babilɔn be ewura Nebukadneeza nɛ men doŋana nɛ baa sha kemɔ menyi na beeŋ pɛ menyi fanɛ anya nɛ ewura Nebukadneeza e ya mɔ menyi. E maaŋ yige menyi be ekoŋwule gba ŋko n wu menyi kuwɔr ŋko n shu menyi so. Ma, Enyɛnpe Ebɔrɛ na e kaŋɛ na.”

Jɛremaya 24:8

Ama asɔrso nɛ e maŋ walɛ keji na malɛ yili nna n sa Juda be ewura Zedekiya nɛ mbe benimuana nɛ basa nɛ b ka kasawule na so nɛ bumo nɛ b shile n yɔ Ijipt be efuli so na nna.

Jɛremaya 38:18

Ama nɛ fo maŋ shuli n sɔ kapɔshi nseŋ tɔr n sa bumo, meeŋ ta kadegboŋ ere m bɔɔ Babilɔnebi na enɔ nɛ b chɔɔ kumo n lɛ, fo alɛ maaŋ nya n shile bumo.”

Jɛremaya 38:23

Kumo be kaman nɛ n naŋ kaŋɛ le: “Baaŋ keta beche nɛ mbia kikɛ n ya sa Babilɔnebi na, nɛ fo gbagba maaŋ nya n shile m mɔlga fo kumu. Babilɔn be ewura beeŋ pɛ fo kenya nseŋ chɔɔ Jerusalɛm n lɛ.”

Jɛremaya 4:12

Afu nɛ Enyɛnpe Ebɔrɛ na beeŋ shin nɛ k chela na beeŋ baa kɔ eleŋ ga, ŋkpal manɛ so mo gbagba be demuji nɛ e kɔ a ba mbe basa so.

Jɛremaya 44:30

Meeŋ ta Ijipt be ewura Hofra m bɔɔ mo doŋana nɛ baa fin mo nɛ b mɔ na enɔ, fanɛ kananɛ n daŋ ta Juda be ewura Zɛdikaya m bɔɔ Babilɔn be ewura Nebukadneeza nɛ e daa la mo doŋ nseŋ daa fin mo nɛ e mɔ na enɔ na.”

Jɛremaya 49:23

Kusɔ nɛ Enyɛnpe Ebɔrɛ na kaŋɛ a laŋɛ Damaskɔs be kaplɛa so nde: “Kagbenejija nɛ kabɔlar daŋ tɔr basa nɛ b daa wɔ ndegboŋ nɛ baa tre Hamaf nɛ Apad na so nna ŋkpal b ka daŋ nu baru lubi so. Kafɔŋ damta daŋ luri bumo to nna fanɛ kananɛ teku be nchu bee ku a ba kaa buu kumo be ekarso so na nna.

Nfabel 1:3

Juda be efuli so be basa ki anya nna, a ji awurfoŋ ashi efuli pɔtɛana so. Efuli pɔtɛana so nɛ b wɔ a maa kɔ kakpa nɛ baaŋ tre bumo gbagba pe. Bedoŋ e kulti bumo n wɔtɔ, nɛ ekpa maŋ wɔtɔ nɛ b bɔla so m mɔlga bumo be amu.

Nfabel 4:20

B daŋ pɛ ewura nɛ Enyɛnpe Ebɔrɛ gbagba lara n sa anyi nɛ an daa fute a yige mo so na nna. Mo e la ewura nɛ an daŋ yirda fanɛ e beeŋ baa kuŋ anyi ashi edoŋ kama nɛ e beeŋ ba kɔ anyi kena kutɔ.

Ezikɛl 23:24

Kumo be kaman nɛ b ta egbaŋɛturko wurbi nɛ agboŋi kikɛ n sulɔ akɔsɔ nɛ benapo damta n shi kelargato be esoso m ba kulti fo n wɔtɔ ŋ kɔ fo kena. Baaŋ keta abɛlso be asɔ kuŋamuso wurbi nɛ agboŋi kikɛ nseŋ buu abɛlso be akpaŋwuro bumo be amu so nna m ba. Ma alɛ beeŋ ta fo m bɔɔ bumo enɔ nɛ b gberge fo kusoe kananɛ bumo be mbraana bee ŋini.

Habakuk 1:7

Bekama bee ŋana bumo nna nɛ bumo be asheŋ malɛ bee keta kufu ga. Bumo gbagba be mbraana nɛ atande nɛ baa bɛ so.

Nɔmbɛs 13:21

Ndoŋ nna nɛ basa na ya yili Zin be keshishɛrsawule nɛ k wɔ kelargato be kaseto be kaba so na n dara kasawule na n ya fo kade nɛ baa tre Rehɔb nɛ k wɔ Lɛbo Hamaf be kepla so na.

Joshuwa 13:5

N ta Gebalebi be efuli nɛ Lebanɔn kikɛ ashi epeŋilarkpa, n yili Baal Gad nɛ k wɔ kebeegboŋ nɛ baa tre Hɛɛmɔn na be kelargato be kaseto hale n ya fo Hamaf.

Joshuwa 4:13

Basa ŋgboŋ adena e daŋ bela ase n dii lɔr na n yɔ kepla nɛ Jɛriko tase so na nɛ b ya kɔ kena ashi Enyɛnpe Ebɔrɛ na be anishito.

Joshuwa 5:10

Kafɛ na to be kufɔl sososo na be kachɛ kuduanasopo na be kaaseso nɛ Israɛlebi na ji kebansonchoŋ be kejigboŋ na ashi bumo be keeyi to ashi Gilgaal nɛ k mata Jɛriko na.

Demujipoana 3:3

Basa pɔtɛ nɛ Enyɛnpe Ebɔrɛ na daŋ shin nɛ b ka kasawule na so na e daa la Filistiebi be ndegboŋ anu nɛ Keenanebi kikɛ nɛ Sidɔnebi nɛ Hivebi nɛ b daa wɔ Lebanɔn be abee nɛ yili kebee nɛ baa tre Baal Hɛɛmɔn na n ya fo kakpa nɛ baa tre Hamat be kɔnɔ to na so na.