Jɛremaya 39:4 - EBƆRƐ BE KAWƆL

⁴ Ewura Zɛdikaya nɛ mbe esoji ka wu kusɔ nɛ k bee wora na nɛ b wora ania fanɛ baaŋ lar kadegboŋ na to kanyɛso n shile m mɔlga bumo be amu. Ewura be kudɔbi na to nɛ b daŋ bɔla n ya bɔla kabunabi nɛ k daa wɔ kadegboŋ na be egbal anyɔ na be nferinto na to n sɔ ekpa nɛ k bee yɔ Jɔɔdan be Lɔrgboŋ na be ketaŋɛ to be kaba so na a shile a mɔlga bumo be amu.

Jɛremaya 39:4 Iomraidhean Croise

2 Kronikɛls 32:5

Ewura Hɛzekaya daŋ shin nna nɛ b naŋ lɔŋɛ m pɔr kade na be egbal na nseŋ pɔr atempreŋ jeŋgreŋ n yili kumo so nseŋ naŋ pɔr egbal nyɔsopo kedra na be kaman. Ade kikɛ be kaman nɛ e shin nɛ b sulɔ asɔ n ti kemaŋ nɛ k wɔ Jerusalɛm be epeŋilarkpa be kaba so na nseŋ pɔr egbal n yili ndoŋ. E daŋ shin nna nɛ b lɔŋɛ ekpa nɛ abɛlso be asɔkuŋso damta gba.

Aizaaya 22:11

men daŋ pɔr nchu be eyilikpa nna ashi kadegboŋ na to n sɔ nchu nɛ a shi kepa dra na to a ba na n yili. Ama men daŋ maŋ laŋɛ menyi be lakal Ebɔrɛ nɛ e kre ade kikɛ dra dra na kikɛ pɔɛŋ nɛ a bee wora ere bre so.

Aizaaya 22:3

Menyi be bejuŋkparpoana kikɛ daŋ cha abar nna a shile nɛ b ya pɛ bumo kaplɛkama nɛ b shile n yɔ na, nɛ bumo alɛ maŋ tiŋ ŋ kɔ gbrɛbi kama gba nɛ b suge bumo be amu.

Aizaaya 29:2

Ama Ebɔrɛ beeŋ shin nɛ jɛrbi e ba kadegboŋ nɛ baa tre “Ebɔrɛ be bɔrɛsure” na so. Kagbenejija nɛ kushu beeŋ baa wɔ kadegboŋ na to nɛ k ki fanɛ bɔrɛsure nɛ ŋklaŋ gbiti kumo kikɛ na.

Jɛremaya 32:4

Ewura Zɛdikaya maaŋ nya n shile. Baaŋ pɛ mo n ya sa Babilɔn be ewura nɛ mo nɛ mo e wu abar kenishiso nseŋ malga abar kutɔ.

Jɛremaya 32:5

Kumo be kaman nɛ b ta ewura Zɛdikaya n yɔ Babilɔn be efuli so, nɛ e ya kaa wɔ ndoŋ n ya fo fanɛ ŋ ka beeŋ wora mo kusɔ nɛ mee sha n loge. Nɛ e kɔ Babilɔnebi na kena gba, e beeŋ kɔ n tɔr. Ma, Enyɛnpe Ebɔrɛ e kaŋɛ na

Ezikɛl 12:12

Jerusalɛm be ejuŋkparpo na gbagba beeŋ shin nɛ b futi egbal n sa mo kaaseso belebela nɛ e bɔla kumo to n m bɔl n ta mbe adiiku n di keba a yɔ. E beeŋ ta kusɔ m buu mbe anishi so saŋɛ na so e maaŋ wu kasawule nɛ e bee yige a shile na.

Ezikɛl 12:4

Fo kaŋ wora ade kikɛ n loge nɛ fo bɛta n yɔ fo laŋ to. Kaaseso kaŋ fo nɛ fo wora shiriya fanɛ feeŋ yɔ efuli pɔtɛ wɔfɔ.

Levitikɔs 26:17

Ma alɛ beeŋ lar menyi kaman, saŋɛ na so, men doŋana beeŋ pɔɔ menyi so. Basa nɛ b kishi menyi beeŋ ji menyi so kuwura nɛ kufu e pɛ menyi nɛ men baa chicha a shile jemanɛ nɛ ekama maŋ ju a buu menyi so.

Levitikɔs 26:36

Meeŋ shin nɛ kufugboŋ ko e tɔr menyi nɛ men wɔ efuli pɔtɛ nɛ men doŋana nyaŋ menyi nɛ men ya ka wɔ so na. Nɛ afu ber kefantaŋ gba nɛ men nu kumo be egbri menyeeŋ lara keya n shile. Menyeeŋ bir to n shile fanɛ b ka bee ju menyi kena to na n ya tɔr jemanɛ nɛ edoŋ kikɛ maŋ taga menyi to gba.

Eemɔs 2:14

Basa nɛ baa shile ga gba maaŋ tiŋ n shile n sɔ bumo be amu. Belempo beeŋ paŋ bumo be eleŋ nɛ benapo gba e mɔlga bumo be amu ŋ gben.

Ditɛronɔmi 28:25

Ade kikɛ be kaman, Enyɛnpe Ebɔrɛ na beeŋ shin nɛ men doŋana e pɔɔ menyi so. Menyeeŋ mel abar m bɔla kaboŋ koŋwule n ya kɔ bumo, ama menyeeŋ pesaŋ to m bɔla mboŋ damta n shile. Durnya to be basa kikɛ beeŋ nu kusɔ nɛ k wora menyi na be asheŋ nɛ kufu gboŋgboŋi a tɔr bumo so.