Jɛremaya 38:6 - EBƆRƐ BE KAWƆL

⁶ Ndoŋ nna nɛ b chɛ ma efɔl nseŋ pɛ kumo to n ta ma n wɔtɔ ewura pibinyɛn nɛ baa tre Malkiya na be ketirbu nɛ k daa wɔ ewurkpa be kelɔnɛ so na to. Nchu daa maŋ wɔ ketirbu na to ama edepɔ nawule e daa wɔtɔ nɛ n nia amo to.

Jɛremaya 38:6 Iomraidhean Croise

Jɛnesis 37:24

nseŋ ta mo n lɛ ketirbu nɛ k maŋ kɔ nchu to.

Nshɛ 109:5

Kulubi nɛ baa ta a ka ma kelela be kukɔ, nsaa ta yurkishi a tal ma kasha to.

Nshɛ 40:2

K du fanɛ n daŋ tɔr kemaŋ chiŋgeliŋ nɛ depɔ bɔlɔ kumo to nna, nɛ e gberge ma n lara ashi kumo to. Nseŋ ta ma n yili kefalta so; kakpa nɛ m maaŋ naŋ nia.

Nshɛ 69:2

Mee nia depɔ to nna nɛ ma aya maŋ naa mur efar. N fo kakpa chiŋgeliŋ nɛ nchu na bee muni ma so.

Jɛremaya 32:2

Loŋ be jemanɛ na nɛ Babilɔn be benapo kre kena m ba kulti Jerusalɛm n wɔtɔ a fin kekɔ kumo kena, nɛ ma alɛ wɔ kabuti to ashi ewurkpa be bekumpo be kakpa na.

Jɛremaya 36:26

Kumo be kaman nɛ e ponte mo pibinyɛn, Jeramiil nɛ Azriɛl pibinyɛn, Seraiya nɛ Abdiil pibinyɛn Selemaiya so fanɛ b ya pɛ ma, anebi Jɛremaya nɛ ma esibɛpo, Baruk. Ama Enyɛnpe Ebɔrɛ na daŋ ta anyi nna ŋ ŋana.

Jɛremaya 37:16

Kasawule to be ebubi ko to nɛ b daŋ ta ma n wɔtɔ nɛ n daŋ chɛr ndoŋ ga.

Jɛremaya 37:21

Ndoŋ nna nɛ ewura Zɛdikaya sa ebɔl fanɛ b ya ti ma ewurkpa be bekumpo be kakpa nɛ baa ti basa ebu na. Karechɛ kikɛ b daa sa ma ebodobodo nɛ baa tɔ na be kukoŋwule nna n ya fo fanɛ ebodobodo kikɛ ka loge kadegboŋ na to.

Jɛremaya 38:13

nɛ b gberge ma n lar ketirbu na to. Kumo be kaman nɛ b ta ma n yɔ ewurkpa be bekumpo na be kakpa nɛ baa ti basa na.

Jɛremaya 38:22

Ashi bɔrɛdare na to n wu beche ka lar Juda be ewurkpa a yɔ Babilɔn be ewura be benimuana na kutɔ. Kusɔ nɛ b daa kaŋɛ jemanɛ nɛ b daa yɔ na nde: ‘Ewura mo teri kpakpasoana e fule mo, nɛ e bɛ bumo be kɔnɔ so. Nɛ naniere mbe aya nia edepɔ to, nɛ mo teriana na shile mo.’ ”

Danɛl 6:16

Amoso ewura na daŋ ponte ŋ kaŋɛ fanɛ b ya pɛ Danɛl nna n ya lɛ ebuluŋ be kemaŋ to, nɛ b wora loŋ. Ama le nɛ ewura na daŋ kaŋɛ Danɛl: “Fo Ebɔrɛ nɛ fee shuŋ kashenteŋto na beeŋ mɔlga fo.”

Zakareya 9:11

Enyɛnpe Ebɔrɛ na yɛ: “Ŋkpal ma nɛ menyi be kɔnɔkoŋwule be ŋkre nɛ b ta esarga be ŋklaŋ m mɔ kumo so na so, meeŋ lara menyi be basa ashi kenyaya nɛ k du fanɛ kemaŋ chiŋgeliŋ nɛ k maŋ kɔ nchu na to.

Ashuŋ Shunso 16:24

Kabutikenipo na ka nu loŋ nɛ e ta bumo n wɔtɔ lalaloge be ebu na to nseŋ kre bumo be ayaana m mata ŋgbuliŋ gbɛgbɛso ko.

Hibruwebi 10:36

A daga fanɛ men baa kɔ kanyiti a kɔ to n tiŋ n wora Ebɔrɛ be aparsheŋ n nya kusɔ nɛ Ebɔrɛ nase kɔnɔ fanɛ e beeŋ sa na.