Jɛremaya 38:4 - EBƆRƐ BE KAWƆL

⁴ Ndoŋ nna nɛ ewurkpa be ekrachi na yɔ ewura kutɔ n ya kaŋɛ mo le: “Kanyɛn ere daga luwu. Kananɛ e bee malga ere beeŋ tiŋ n shin nɛ esoji na e pɔ aba nsaa maŋ naa kɔ kenyɛn. Kumo kesheŋ koŋwule na nɛ e bee wora ekama nɛ e wɔ kadegboŋ na to na. Mannɛ fanɛ basa na be kechɛto so nɛ e bee wora loŋ, ama e bee tɔrɔ bumo nna na.”

Jɛremaya 38:4 Iomraidhean Croise

1 Bewura 21:20

Ewura Ahab ka wu Elaija nɛ e kaŋɛ le: “Ma doŋ, fo wu ma a?” Nɛ anebi Elaija malɛ kaŋɛ le: “Mm, n wu fo. Fo kebaawɔtɔ to kikɛ fee wora alubi nna a gbiti Enyɛnpe Ebɔrɛ na.

2 Kronikɛls 24:21

Ewura Jɔash daŋ teŋ kelela nɛ Zakareya mo tuto Jehowada daŋ wora mo na so nna nseŋ ti bejuŋkparpo na so nɛ b kre fanɛ b mɔ Zakareya. Ewura na e daŋ sa ekpa nɛ b kpa Zakareya ajembu m mɔ ashi Enyɛnpe Ebɔrɛ be bɔrɛlambu na be kelɔnɛ so. Zakareya ka bee wu nɛ e kaŋɛ le: “Enyɛnpe Ebɔrɛ wu kusɔ nɛ fee wora ere kikɛ. Mo alɛ beeŋ gberge fo kusoe n tal to!”

Ɛzra 4:12

‘Yiramu, anyee sha fo pin fanɛ Juwebi nɛ b shi fo kutɔ m ba anyi kutɔ nfe na yɔ Jerusalɛm nna n ya kaa lɔŋɛ kade lubi nɛ k maŋ kɔ kasonu na a pɔr. B tiŋ n fara a pɔr kumo be egbalana nsaa lɔŋɛ kumo be gbaltɔlaseana gba. K maaŋ chɛr baaŋ pɔr kumo n loge.

Nehemaya 6:9

B daa sha fanɛ b funti anyi nna nɛ an sa maŋ tiŋ n loge kushuŋ na. Nɛ ŋ kule Ebɔrɛ ŋ kaŋɛ le: “Ebɔrɛ sa ma eleŋ naniere!”

Ɛksodɔs 5:4

Nɛ ewura Fɛɛro kaŋɛ: “Mosis nɛ Ɛɛrɔn, manɛ nna nɛ menyee sha kelara basa na ashi bumo be kushuŋ to? Men yige anya na nɛ b baa shuŋ bumo be kushuŋ!

Jɛremaya 11:21

Anatɔf be kade to be basa daa sha kemɔ ma nna, nseŋ fiɛ ma so ŋ kaŋɛ fanɛ n yige kebaabɔ Enyɛnpe Ebɔrɛ na be kubɔya, nɛ mannɛ aloŋ baaŋ mɔ ma.

Jɛremaya 18:23

Ama Enyɛnpe Ebɔrɛ, fo nyi ejina nɛ b to a laŋɛ ma kemɔ be kaplɛa so be asheŋ. Amoso nya agbo n wora bumo nsaa maŋ ta bumo be alubi m paŋ bumo. Shin nɛ b kɔ n tɔr.”

Jɛremaya 26:11

Kumo be kaman, nɛ bɔrɛmatapoana na nɛ anebiana na kaŋɛ bejuŋkparpoana na nɛ basa na kikɛ le: “Kanyɛn ere daga luwu nna ŋkpal e ka malga ŋ gbiti kadegboŋ na nseŋ kaŋɛ fanɛ k beeŋ mur so. Men gbagba nu kusɔ nɛ e kaŋɛ.”

Jɛremaya 29:7

Men baa kule Ebɔrɛ a fin kayurwushi a sa Babilɔn be efuli na nsaa shuŋ ga ashi ndeana na to nɛ asheŋ e baa nite nɛnɛ amo to. Nɛ asheŋ bee nite nɛnɛ ndeana na to, asheŋ beeŋ nyalɛ n sa menyi alɛ gba.

Jɛremaya 38:16

Nɛ Ewura Zɛdikaya nase kɔnɔ ashiri to ŋ kaŋɛ ma le: “M bɔ Ebɔrɛ nɛ e sa anyi ŋkpa ere fanɛ m maaŋ mɔ fo ŋko n ta fo n sa basa nɛ baa fin fo kemɔ na nɛ b mɔ.”

Jɛremaya 38:25

Nɛ ewurkpa be ekrachi na nu fanɛ ma nɛ fo ber kelijima, baaŋ bishi fo kusɔ nɛ an malga. Baaŋ nase kɔnɔ fanɛ nɛ fo kaŋɛ bumo kusɔ kama gba, b maaŋ mɔ fo.

Jɛremaya 43:3

Neriya pibinyɛn, Baruk e susu fo n wɔtɔ anyi, saŋɛ na so Babilɔnebi na beeŋ nya eleŋ anyi so nseŋ mɔ anyi ŋko ŋ keta anyi n yɔ Babilɔn be efuli so.”

Ezikɛl 22:27

Israɛl be benimuana na gba du fanɛ ekuntuŋ nɛ baa pɛ asɔbɔya a kpɛa to a we nna. Baa mɔ basa nna nsaa bɔla ekpa nɛ k maŋ daga so a dii dama.

Eemɔs 7:10

Le be kubɔya nɛ Amaziya nɛ e la Bɛtɛl be bɔrɛmatapo na daŋ ta n sa Jeroboam nɛ e la Israɛl be ewura na. E yɛ: “Eemɔs bee kre menyi ŋkre lubi nna ashi Israɛlebi be kasawule so. Mbe mmalga gba nawule beeŋ tiŋ m mur efuli na kikɛ.”

Luuk 23:2

n ya kaŋɛ mo fanɛ le be alubi nɛ Yesu wora. B yɛ: “An wu fanɛ kanyɛn ere wɔtɔ nna a wul anyi be efuli ere so ebi to nsaa kaŋɛ anyi fanɛ an sa maa ka lampo a sa Romebi be ewurgboŋ Siza nseŋ naa wɔtɔ a tre mo gbagba be kumu Kristo nɛ e la ewura na.”

Ashuŋ Shunso 16:20

Romebi be ekrachigboŋana na kutɔ nɛ b daŋ bar bumo m ba kaŋɛ: “Basa ere la Juwebi nna a wɔ kade ere to a tɔrɔ basa.

Ashuŋ Shunso 17:6

B ka fin Pɔɔl nɛ Sailas ŋ gben nɛ b gberge Jeesɔn nɛ bekurgepo ko n ya sa kade na to be benimuana m ponte ŋ kaŋɛ: “Basa ere na nde kama to nna a baga amo to nseŋ ba anyi alɛ be kade ere to.

Ashuŋ Shunso 24:5

An wu fanɛ kanyɛn ere la esa lubi nɛ kabɔlarwura nna. E wɔtɔ nna a yɔ kaplɛkama n ya kaa ta Juwebi a wɔtɔ kebagato to nseŋ naa la basa nɛ baa tre bumo be amu Nazarinebi be katuŋ na to be enimu.

Ashuŋ Shunso 28:22

Ama kaŋɛ anyi kusɔ nɛ k wɔ fo kumu to, kusɔ nɛ fee fɛ, ŋkpal manɛ so, an nyi basa ka bee malga kaplɛkama a gbiti katuŋ nɛ fo wɔ na to be basa.”