Jɛremaya 38:27 - EBƆRƐ BE KAWƆL

²⁷ Kumo be kaman nɛ ekrachi na ba bishi ma, nɛ ŋ kaŋɛ bumo kusɔ nɛ ewura na kaŋɛ na gbagba chap. B daa maŋ naŋ tiŋ nɛ b wora shɛŋ, ŋkpal manɛ so, esa kama daa maŋ nu anyi be kelijima na.

Jɛremaya 38:27 Iomraidhean Croise

2 Bewura 6:19

Ndoŋ nna nɛ Elaisha yɔ bumo kutɔ n ya kaŋɛ bumo: “Men fo ekpa nna, ŋkpal manɛ so manɛ kade nɛ menyee fin na nde. Men bɛ ma so nɛ n ya ŋini menyi esa nɛ menyee fin na.” Nseŋ keta bumo n yɔ Samɛria be kade to.

Jɛremaya 38:25

Nɛ ewurkpa be ekrachi na nu fanɛ ma nɛ fo ber kelijima, baaŋ bishi fo kusɔ nɛ an malga. Baaŋ nase kɔnɔ fanɛ nɛ fo kaŋɛ bumo kusɔ kama gba, b maaŋ mɔ fo.

Jɛremaya 38:26

Nɛ k kaŋ ba loŋ fo ere kaŋɛ bumo fanɛ fo baa kule ma nna fanɛ n sa maŋ naŋ yɛr fo kabuti to nɛ fo ya wu ndoŋ.”

Jɛremaya 38:28

Nɛ b yige ma ewurkpa be bekumpo be kakpa na n ya fo kachɛ nɛ b ba kɔ n pɔɔ Jerusalɛm so n sɔ kumo na.

Ashuŋ Shunso 23:6

Pɔɔl ka wu fanɛ basa na be beko la Esadusiana nna nɛ beko malɛ la Efarisiana nɛ e malga awɔrso n sa nshɛrwuraana na ŋ kaŋɛ: “Ŋ kurgepoana, Farisinyɛn e kurge ma nɛ ma alɛ naa la Farisi. Baa ji ma demu nfe ere nna, ŋkpal ŋ ka kɔ tama kpakpaso fanɛ bumo nɛ b wu na ka beeŋ tiŋi luwu to so.”