Jɛremaya 38:22 - EBƆRƐ BE KAWƆL

²² Ashi bɔrɛdare na to n wu beche ka lar Juda be ewurkpa a yɔ Babilɔn be ewura be benimuana na kutɔ. Kusɔ nɛ b daa kaŋɛ jemanɛ nɛ b daa yɔ na nde: ‘Ewura mo teri kpakpasoana e fule mo, nɛ e bɛ bumo be kɔnɔ so. Nɛ naniere mbe aya nia edepɔ to, nɛ mo teriana na shile mo.’ ”

Jɛremaya 38:22 Iomraidhean Croise

Job be kawɔl 6:15

Ama menyi nɛ men la n nekpaana ere bee fule ma nna nsaa du fanɛ mbombi nɛ bɔrɛ baŋ yili gbrɛbi kikɛ nɛ e wɔlto na. M maaŋ tiŋ n ta ma egbɛ n lɛ menyi so.

Nshɛ 41:9

Nteri kpakpasoana nɛ n yirda ga, nɛ b daa tu ma a ji gba pal kaman nna n sa ma.

Nshɛ 69:14

Sa maŋ shin nɛ n nia depɔ to. Mɔlga ma ashi bedoŋ nɛ nchu nɛ a bee shin nɛ a mur ma na to.

Nshɛ 69:2

Mee nia depɔ to nna nɛ ma aya maŋ naa mur efar. N fo kakpa chiŋgeliŋ nɛ nchu na bee muni ma so.

Aizaaya 42:17

Bekama nɛ b yirda agbirana, nɛ bumo nɛ baa ta apɔrso fanɛ bumo be ebɔrɛana na, beeŋ ji anishinyɔr nseŋ ŋaba.”

Jɛremaya 13:21

Nɛ basa nɛ fo tama fanɛ b la fo teriana kaŋ ba kɔ m pɔɔ fo so nsaa ji fo so kuwura, manɛ nɛ feeŋ kaŋɛ? Feeŋ baa wɔ ebesa to fanɛ eche nɛ kakurge ta mo na nna.

Jɛremaya 20:10

Mee nu ekama ka bee kuli a kaŋɛ le: “Kufugboŋ e sɔ kaplɛkama! Amoso men shin nɛ an potii Jɛremaya n sa benimuana na!” N teri kpakpasoana gba bee jo nna nɛ n wora n da so. Kusɔ nɛ baa kaŋɛ e la fanɛ: “Ashere esa beeŋ tiŋ n fule Jɛremaya nɛ e wora n da so nɛ an nya mo m pɛ ŋ ka mo kukɔ.”

Jɛremaya 27:14

Men sa maa nu a sa anebiana nɛ baa kaŋɛ menyi fanɛ men sa maŋ yige menyi be amu n sa ewura Nebukadneeza na. Ŋkpal manɛ so, baa fule menyi nna.

Jɛremaya 27:15

Enyɛnpe Ebɔrɛ na gbagba e kaŋɛ fanɛ mo ere maŋ shuŋi bumo menyi kutɔ, amoso efɛ nɛ b kɔ mbe ketre a ku a sa menyi na. Ŋkpal loŋ so e beeŋ ju menyi n lar kasawule na so nɛ b mɔ menyi nɛ anebiana nɛ baa ku efɛ a sa menyi na kikɛ.”

Jɛremaya 38:19

Nɛ ewura Zɛdikaya kaŋɛ ma le: “Anyi gbagba be basa nɛ b shile n ya ti Babilɔnebi na so na nɛ mee ŋana. Ashere Babilɔnebi na beeŋ ta ma n sa bumo nɛ b kɔrfɛ ma.”

Jɛremaya 38:21

Ama Enyɛnpe Ebɔrɛ na teŋ n lara kusɔ nɛ k beeŋ wora ŋ ŋini ma bɔrɛdare to nɛ fo kini kesɔ kapɔshi nna na.

Jɛremaya 41:10

Kumo be kaman, nɛ e pɛ ewura Zɛdikaya be mbichesobi nɛ basa nɛ Nebuzaradan, nɛ e la benapo nɛ baa kuŋ Babilɔn be ewura na be enimu na, daŋ yige n sa Gɛdaliya fanɛ e baa keni so na ŋ keta bumo a yɔ Ammɔn be efuli so ashi Lɔr nɛ baa tre Jɔɔdan na be kaba ndoŋ.”

Jɛremaya 43:6

Bumo alɛ daŋ naŋ keta ma nɛ Baruk nɛ benyɛn nɛ beche nɛ mbia nɛ ewura Zɛdikaya be mbichesobi nɛ Nebuzaradan nɛ e daa la benapo nɛ baa kuŋ Babilɔn be ewura na be enimu na daŋ yige n sa Gɛdaliya fanɛ e baa keni so na gba nna n ti so n yɔ Ijipt be efuli so.

Jɛremaya 46:21

Benapo nɛ e ber paa na gba du fanɛ anabi nɛ a ji n daŋ n wora ŋku nna. Bumo alɛ gba beeŋ kilgi n lara keya n shile; b maaŋ yili n tu bedoŋ na ŋ kɔ, ŋkpal manɛ so, jɛrbi be kachɛ bee ba bumo so nna, nɛ bumo be kasogberge be saŋɛ fo.

Jɛremaya 46:5

Nɛ Enyɛnpe Ebɔrɛ na bishi le: “Manɛ nɛ mee wu ere? Kufugboŋ e tɔr bumo so nɛ b bɛta a shile. Bedoŋ pɔɔ bumo be benapo so nna nɛ b bɛta n ta kufu a shile bumo be eshile kikɛ nsaa maŋ naa gbɛ a keni kaman gba.

Jɛremaya 6:12

Meeŋ gberge Juda be basa kusoe nseŋ ta bumo be nwu nɛ adɔsawule nɛ bumo be beche n sa basa pɔtɛ.

Jɛremaya 8:10

Ŋkpal loŋ so meeŋ ta bumo be adɔsawule n sa basa pɔtɛ nɛ bumo be beche n sa benyɛn pɔtɛ. Menyi to be betirpo nɛ damawuraana kikɛ bee bɔla kapuni be ekpa so nna a fin amansherbi. Anebiana nɛ bɔrɛmatapoana gba bee puni basa nna.

Nfabel 1:13

Enyɛnpe Ebɔrɛ na e shin nɛ ebesa shi esoso m ba luri anyi be eyurana to a chɔɔ fanɛ edɛ na. K du fanɛ e ka sho kejigbelɛ m pɛ anyi nɛ an tɔr kasawule nna. Kumo be kaman nɛ e yige anyi n wɔtɔ ebesa nɛ k maa yige to.

Nfabel 1:2

Kanyɛso kikɛ, kumo to be basa bee shu nna nɛ anishichubi bee pɔ bumo be ŋgbuŋ. Kumo beshapo kikɛ maŋ naa wɔtɔ nɛ b lolo kumo n wushi kumo kagbene. Kumo teriana kikɛ lar kumo kaman nseŋ debɔr kumo, naniere b ki kumo be bedoŋ nna.

Nfabel 5:11

B pur anyi be beche nɛ anyi be mbichesobi Zayɔn be kebee so ashi Jerusalɛm nɛ Juda be efuli so be ndeana to.

Maika 7:5

Sa maŋ kaŋ yirda fo echenashapo ŋko fo teri kikɛ. Baa de kusɔ nɛ fee kaŋɛ fo eche gba so.