Jɛremaya 38:20 - EBƆRƐ BE KAWƆL

²⁰ Ndoŋ nna nɛ ŋ kaŋɛ mo le: “B maaŋ ta fo n sa bumo. Mee kule fo nna nɛ fo wora Enyɛnpe Ebɔrɛ na kasonu, saŋɛ na so asheŋ beeŋ nite nɛnɛ nɛ fo alɛ e nya fo ŋkpa.

Jɛremaya 38:20 Iomraidhean Croise

Jɛnesis 12:13

Amoso, an ka yɔ ndoŋ fo kaŋɛ bumo fanɛ fo la n sipoche nna, saŋɛ na so baaŋ kpal fo so n yige ma nseŋ keni ma so nɛnɛ.”

Jɛnesis 19:20

Fo wu kadebi nɛ k wɔ ndoŋ ere a? Kumo e taga to. Shin nɛ an yɔ ndoŋ n ya nya kumɔlga.”

2 Kronikɛls 20:20

Ŋklade kachipurdidi saŋɛ so nɛ ekama lar a yɔ keshishɛrsawule nɛ k mata Tekua na, nɛ ewura Jehoshafat niŋi to ŋ kaŋɛ jimaŋ na le: “Menyi Juda nɛ Jerusalɛm ebi! Men ta men be yirda n deŋi Enyɛnpe nɛ e la menyi be Ebɔrɛ na so nsaa yili to kpakpa. Men yirda kusɔ nɛ mbe anebiana na kaŋɛ menyi na saŋɛ na so asheŋ beeŋ nyalɛ n sa menyi.”

Aŋasa 4:4

n tuto daa ŋini ma asheŋ nna a kaŋɛ ma le: “Baa nyiŋi asɔ nɛ mee kaŋɛ na, nsaa maa teŋ amo so. Baa bɛ asɔ nɛ mee kaŋɛ fo na so nseŋ nya ŋkpa tenteŋ.

Aŋasa 7:2

Baa wora asɔ nɛ ŋ kaŋɛ na nseŋ ji efute tenteŋ; Baa de so, nsaa bɛ ma keŋini na so fanɛ kananɛ esa bee kuŋ kusɔ nɛ e bee sha ga na.

Aizaaya 55:3

Ma basa, men nu n sa ma nseŋ ba ma kutɔ. Men ba ma kutɔ nseŋ nya ŋkpa! Ma nɛ menyi beeŋ kre kɔnɔkoŋwule be ŋkre nɛ k wɔtɔ mbaanaayɔ, saŋɛ na so meeŋ sa menyi enɛfa nɛ n nase amo be kɔnɔ n sa Ewura Deevid na.

Jɛremaya 11:4

K la kɔnɔkoŋwule be ŋkre nɛ ma nɛ bumo nanaana wora nna jemanɛ nɛ n daŋ lara bumo ashi Ijipt be efuli so nɛ k daa du fanɛ edɛ wuloŋwuloŋ n sa bumo nɛ b daŋ ji awurfoŋ ga kumo to na nna. N daŋ yili kumo nna n sa bumo fanɛ b baa wora asheŋ nɛ ŋ kaŋɛ kenishipereso na, saŋɛ na so, baaŋ baa la ma basa nɛ ma alɛ e baa la bumo be Ebɔrɛ.

Jɛremaya 11:8

Ama b maŋ wora ma kasonu. Kusɔ nɛ b wora e la fanɛ, bumo be ekama kraa wɔ bumo be kagbene kpakpaso to nna a wora asheŋ lubi. N daŋ kaŋɛ bumo kenishipereso nna fanɛ b baa bɛ kɔnɔkoŋwule be ŋkre na so, ama b kini kebɛ kumo so. Amoso nɛ n shin nɛ kasogberge nɛ e wɔ kumo to na ba bumo so na.”

Jɛremaya 26:13

A daga fanɛ men chɛrga menyi be kebaawɔtɔ nɛ asheŋ woraso nseŋ wora Enyɛnpe, menyi be Ebɔrɛ na kasonu. Nɛ men wora loŋ, e beeŋ chɛrga mbe nfɛra a laŋɛ kemur nɛ e kaŋɛ fanɛ e beeŋ bar menyi so na.

Jɛremaya 38:21

Ama Enyɛnpe Ebɔrɛ na teŋ n lara kusɔ nɛ k beeŋ wora ŋ ŋini ma bɔrɛdare to nɛ fo kini kesɔ kapɔshi nna na.

Jɛremaya 7:23

N daŋ kaŋɛ bumo nna fanɛ b baa wora ma kasonu, saŋɛ na so meeŋ baa la bumo be Ebɔrɛ nɛ bumo alɛ e baa la ma basa. N daŋ kaŋɛ bumo nna fanɛ b baa wɔ kebaawɔtɔ nɛ n yili n sa bumo na to, saŋɛ na so asheŋ beeŋ baa nite nɛnɛ a sa bumo.

Danɛl 4:27

Amoso Yiramu, nu n sa ma kasotoji ere. Yige alubi be kebaawora nsaa wora alela nɛ asheŋ niŋiso. Baa wu betirpo kuwɔr. Loŋ nɛ fo kanyɛ beeŋ baa ti so saŋkama.”

Eemɔs 5:4

Le nɛ Enyɛnpe Ebɔrɛ kra kaŋɛ Israɛl be basa: “Israɛlebi, men bɛta m ba ŋ kutɔ saŋɛ na so menyeeŋ nya ŋkpa.

Eemɔs 5:6

Men bɛta n yɔ Enyɛnpe Ebɔrɛ na kutɔ nseŋ nya ŋkpa. Men baa maŋ ba mo kutɔ, e beeŋ ta edɛ m mur menyi. Menyi Bɛtɛl be basa e naaŋ chɔɔ. Esa kama malɛ maaŋ tiŋ m mɔlga menyi kikɛ.

Ashuŋ Shunso 26:29

Nɛ Pɔɔl kaŋɛ: “Nɛ fo ki Kristo be ebɛsopo epul ere to ŋko kachako so gba, kusɔ nɛ mee kule Ebɔrɛ e la fanɛ e shin nɛ fo nɛ bumo nɛ b yil nfe kabre a nu kamalga ere e ba ki kananɛ n du ere. Kusɔ nɛ m maa kule nɛ men nya e la kananɛ n wɔ ŋgbɛlɛbi to ere.”

2 Kɔrintebi 5:11

Ŋkpal anyi alɛ ka nyi kusɔ nɛ baa tre Ebɔrɛ be kaŋana na so, anyee wora ania nna ga a chɛ basa to nɛ b pin kusɔ nɛ k wɔtɔ. Ebɔrɛ e nyi kananɛ an du nɛnɛ nɛ ma alɛ bee tama fanɛ loŋ nɛ menyi alɛ gba nyi anyi ashi men be ŋgbene to.

2 Kɔrintebi 5:20

Amoso, anyi e la Ebɔrɛ be katelamushuŋipoana a du fanɛ basa nɛ Ebɔrɛ bee bɔla bumo so a kule menyi nsaa fiɛ menyi so. Amoso, anyee ta Kristo be ketre nna a kule menyi ga fanɛ: Men shin nɛ menyi nɛ Ebɔrɛ e naaŋ nyalɛ.

2 Kɔrintebi 6:1

Naniere anyi nɛ Ebɔrɛ ka bee shuŋ ere, anyee kule nsaa fiɛ menyi so nna fanɛ men sa maa sɔ Ebɔrɛ be kuwɔr be kakɛ na kenyanyaŋɛso.

Jeems 1:22

Ama men baa la benupo nɛ baa nu a wora nsaa maa nu kamalga na jiga a fule men be amu.