Jɛremaya 38:19 - EBƆRƐ BE KAWƆL

¹⁹ Nɛ ewura Zɛdikaya kaŋɛ ma le: “Anyi gbagba be basa nɛ b shile n ya ti Babilɔnebi na so na nɛ mee ŋana. Ashere Babilɔnebi na beeŋ ta ma n sa bumo nɛ b kɔrfɛ ma.”

Jɛremaya 38:19 Iomraidhean Croise

2 Kronikɛls 30:10

Mbɔ na daŋ yɔ nde nɛ a wɔ Efrayim nɛ Manase be eyiriana na be efuli so kikɛ to nna hale n ta n ya fo Zɛbyulɔn be yiri na be kelargato be esoso be kaba so kikɛ, ama basa daŋ mushe bumo nna nseŋ wora bumo amɔmɔshiasheŋ.

Nehemaya 4:1

Sanballat, nɛ e la Samɛria be efuli so be gomena na, ka nu fanɛ anyi Juwebi na fara a pɔr Jerusalɛm be egbalana na, nɛ e nya agbo nseŋ fara a wora anyi be basa eyurto.

Job be kawɔl 31:34

M maa ŋana kusɔ nɛ basa beeŋ kaŋɛ a laŋɛ ma kaplɛa so, Ma alɛ maŋ naŋ lo ma kɔnɔ ŋko n ta ma kumu ŋ ŋana ma laŋ to ŋkpal ŋ ka bee ŋana kufu fanɛ basa beeŋ keni ma jiga so.

Aŋasa 29:25

Sa maŋ shin nɛ kusɔ nɛ basa bee fɛ a laŋɛ fo kaplɛa so e baa tir fo. Yirda Ebɔrɛ nɛ e baa kuŋ fo.

Aizaaya 57:11

Ade be kaman nɛ Enyɛnpe Ebɔrɛ na bishi le: “Nuso be agbir e shin nɛ kufu pɛ menyi, nɛ men kpal amo so a ku efɛ nseŋ teŋ ma so kuraa loŋ? Ŋkpal ŋ ka wora shruum n chɛr so nɛ men yige kebaabunyaŋ ma ere a?

Jɛremaya 20:7

Enyɛnpe Ebɔrɛ, fo kɔ eleŋ a chɔ ma, fo alɛ pɔɔ ma so nna kashenteŋto. Ama kewora ma fanɛ fo kplaŋ ma so nɛ asheŋ bri ma nna. Ekama bee wora ma eyur to nna a mushe ma karechɛ kikɛ.

Jɛremaya 38:22

Ashi bɔrɛdare na to n wu beche ka lar Juda be ewurkpa a yɔ Babilɔn be ewura be benimuana na kutɔ. Kusɔ nɛ b daa kaŋɛ jemanɛ nɛ b daa yɔ na nde: ‘Ewura mo teri kpakpasoana e fule mo, nɛ e bɛ bumo be kɔnɔ so. Nɛ naniere mbe aya nia edepɔ to, nɛ mo teriana na shile mo.’ ”

Jɛremaya 38:5

Nɛ ewura Zɛdikaya kaŋɛ: “To, kumo ere men wora mo kusɔ kama nɛ menyee sha. M maaŋ tiŋ ŋ kuŋ menyi ekpa.”

Jɛremaya 39:9

Kumo be lalaloge, nɛ Nebuzaradan nɛ e la benapo nɛ baa kuŋ ewura na be enimu na, pɛ basa nɛ b kraa wɔ kadegboŋ na to na nɛ bekama nɛ b daŋ shile n ya buu bumo na ŋ keta bumo kikɛ n yɔ Babilɔn be efuli so fanɛ anya.

Baru lela nɛ Jɔn kute na 12:42

Ŋkeshin nɛ benimu na to gba be bedamta daŋ yirda Yesu, ama ŋkpal Efarisiana so, b daa maa sha kebugi to ŋ kaŋɛ fanɛ b yirda mo ŋkpal b ka daa maa sha fanɛ b ju bumo ashi nshɛrbuana na to be keluri to so.

Demujipoana 16:25

Jemanɛ nɛ kamooji luri bumo to ga na nɛ b boŋ to ŋ kaŋɛ: “Men ya keta Samsɔn m ba nɛ e ba deŋi anyi anishito.” Ndoŋ nna nɛ b ya lara Samsɔn kabuti to m ba. Kumo be kaman nɛ b fara a mushe mo a wora mo eyur to. Eshabɔrɛgboŋ nɛ e daa kɔ lambu nɛ b daa wɔ kumo to a yil na be nferinto nɛ b daŋ ta Samsɔn n yili.

Demujipoana 9:54

Ndoŋ nna nɛ Abimelɛk tre kabrantiɛfɔlbi nɛ e bee keta mbe akɔsɔ na ŋ kaŋɛ mo le: “Pee fo tokobi m mɔ ma nɛ b sa maŋ kaŋ kaŋɛ fanɛ eche e mɔ ma.” Nɛ mbe kayɛrbi na pee tokobi n da mo m mɔ.

1 Samuɛl 15:24

Ndoŋ nna nɛ Sɔɔl kaŋɛ Samuɛl le: “N shuli fanɛ n wora kulubi. Ŋ kini kenu n sa fo nɛ Enyɛnpe Ebɔrɛ kikɛ. Benapo na nɛ n daa ŋana nseŋ nu n sa bumo.

1 Samuɛl 31:4

Nɛ Sɔɔl kaŋɛ enapo nɛ e bee keta mbe akɔsɔ na le: “Ta fo tokobi m mɔ ma! Ŋkpal manɛ so, m maa sha Filistiebi, nnyamase ere ka mɛaŋ ma m mɔ.” Ama enapo na daŋ kini kewora loŋ nna ŋkpal kufu ka daŋ pɛ mo ga so. Ndoŋ nna nɛ Sɔɔl ta mo gbagba be tokobi be kumu ase n yuu kasawule nseŋ tɔr kumo so.