Jɛremaya 38:18 - EBƆRƐ BE KAWƆL

¹⁸ Ama nɛ fo maŋ shuli n sɔ kapɔshi nseŋ tɔr n sa bumo, meeŋ ta kadegboŋ ere m bɔɔ Babilɔnebi na enɔ nɛ b chɔɔ kumo n lɛ, fo alɛ maaŋ nya n shile bumo.”

Jɛremaya 38:18 Iomraidhean Croise

2 Bewura 24:12

nɛ ewura Jehowachin nɛ mo nio nɛ mbe mbinyɛnsobiana nɛ mbe ekrachiana nɛ ewurkpa be benimuana na kikɛ tuba n ta bumo be amu n sa Babilɔnebi na. Nebukadneeza be kuwurji be kafɛ burwasopo to nɛ e pɛ ewura Jehowachin n ya ti ebu,

Jɛremaya 21:10

N teŋ wora ma nfɛra fanɛ meeŋ mur kadegboŋ na. Meeŋ sa Babilɔn be ewura ekpa nɛ e chɔɔ kumo m mur. Ma, Enyɛnpe Ebɔrɛ e kaŋɛ na.”

Jɛremaya 27:8

Kubɔ to be kebarga nɛ Jɛremaya ta n deŋi mbe kubɔ so na yili n sa eleŋgboŋ nɛ ewura Nebukadneeza kɔ na nna. Amoso efuli kama ŋko kuwurgboŋ kama so be basa kaŋ kini keshuli fanɛ e ji bumo so kuwura, meeŋ ta kena ŋko akoŋgboŋ ŋko alɔ ŋ gberge loŋ be efuli na so be basa kusoe n ya fo saŋɛ nɛ ewura Nebukadneeza ka beeŋ mur bumo cheche.

Jɛremaya 37:8

Saŋɛ na so Babilɔnebi na beeŋ naŋ bɛta m ba kɔ m pɔɔ Jerusalɛm so nseŋ chɔɔ kumo n lɛ.

Jɛremaya 38:23

Kumo be kaman nɛ n naŋ kaŋɛ le: “Baaŋ keta beche nɛ mbia kikɛ n ya sa Babilɔnebi na, nɛ fo gbagba maaŋ nya n shile m mɔlga fo kumu. Babilɔn be ewura beeŋ pɛ fo kenya nseŋ chɔɔ Jerusalɛm n lɛ.”

Jɛremaya 38:3

Ma alɛ daa naa kaŋɛ bumo fanɛ Enyɛnpe Ebɔrɛ na kaŋɛ fanɛ e beeŋ shin nɛ Babilɔn be benapo e kɔ n sɔ kadegboŋ na nna.

Jɛremaya 39:8

Pɔɛŋ nɛ le ere kikɛ wora na nɛ Babilɔnebi na teŋ nya edɛ n wɔtɔ Jerusalɛm to be ewurkpa nɛ basa na be nwu kikɛ to a chɔɔ nsaa da amo be egbalana a lɛ.

Ezikɛl 12:13

Ma, Enyɛnpe Ebɔrɛ na beeŋ to kashewu m pɛ mo jemanɛ nɛ e bee lar Jerusalɛm to a shile na nseŋ yɛr mo kadegboŋ nɛ baa tre Babilɔn na to, ama e maaŋ wu kadegboŋ na kenishiso hale nɛ e ya wu ndoŋ.

Ezikɛl 17:15

Ama ewura popɔr nɛ Babilɔn be ewurgboŋ lara na pal kaman n sa mo nseŋ shuŋi mbɔ Ijipt be efuli so a fin egbaŋɛ nɛ benapo damta. Fo tama fanɛ ewura ere beeŋ ji n lar kusɔ nɛ e bee wora ere to a? E maaŋ tiŋ n lar kɔnɔkoŋwule be ŋkre na kaman nsaa maŋ nya kumo be kasogberge!”