Jɛremaya 38:17 - EBƆRƐ BE KAWƆL

¹⁷ Ndoŋ nna nɛ ŋ kaŋɛ ewura Zɛdikaya kusɔ nɛ Enyɛnpetale, Israɛl be Ebɔrɛ na kaŋɛ. E yɛ: “Nɛ fanɛ fo shuli n ta fo kumu n ya bɔɔ Babilɔn be ewura be benimuana na enɔ, feeŋ ji ŋkpa nɛ b maaŋ naŋ chɔɔ kadegboŋ ere n lɛ. Fo nɛ fo kanaŋ kikɛ beeŋ nya menyi be amu.

Jɛremaya 38:17 Iomraidhean Croise

Jɛnesis 12:13

Amoso, an ka yɔ ndoŋ fo kaŋɛ bumo fanɛ fo la n sipoche nna, saŋɛ na so baaŋ kpal fo so n yige ma nseŋ keni ma so nɛnɛ.”

2 Bewura 24:12

nɛ ewura Jehowachin nɛ mo nio nɛ mbe mbinyɛnsobiana nɛ mbe ekrachiana nɛ ewurkpa be benimuana na kikɛ tuba n ta bumo be amu n sa Babilɔnebi na. Nebukadneeza be kuwurji be kafɛ burwasopo to nɛ e pɛ ewura Jehowachin n ya ti ebu,

2 Bewura 25:27

Kufɔl kuduanyɔsopo be nchɛ adunyɔ nɛ ashunu to be kafɛ nɛ Evilmɛrodak ji Babilɔn be kuwura na b daŋ wu Juda be ewura Jehowachin nɛ b daŋ ti ebu nfɛ adesa nɛ ashunu kikɛ na kuwɔr nna nseŋ shin nɛ b lara mo kabuti to.

1 Kronikɛls 17:24

Saŋɛ na so fo ketre beeŋ dii nɛ ekama e baa kaŋɛ le: ‘Enyɛnpetale na e la Israɛl be Ebɔrɛ.’ Feeŋ yili ma kuwurji mbaanaayɔ.

Ɛzra 9:4

Kagbenejija na to nɛ n chena loŋ hale n ya fo jemanɛ nɛ baa lara kaaseso be sarga na. Ndoŋ nna nɛ basa nɛ kufu kɔ bumo ŋkpal kusɔ nɛ Israɛl be Ebɔrɛ kaŋɛ a laŋɛ alubi be kaplɛa so na ba shɛr ŋ kulti ma.

Job be kawɔl 23:13

Ebɔrɛ maa chɛrga, esa kikɛ malɛ maaŋ tiŋ ŋ kɔ mo ŋko ŋ kuŋ mo ekpa nɛ e sa maŋ wora mbe kepar.

Nshɛ 80:14

O Enyɛnpetale Ebɔrɛ, naŋ bɛta m ba anyi kutɔ! Shi ebɔrɛso n to kenishi ŋ keni anyi nseŋ ba mɔlga fo basa!

Nshɛ 80:7

O Enyɛnpetale Ebɔrɛ, naŋ mushe n wɔtɔ anyi, nɛ an naŋ nya kumɔlga.

Jɛremaya 27:12

Ŋ ka bɔ kubɔya na n sa efuliana nɛ a mata Juda be efuli so na be katelamu yilipoana na be kaman, nɛ n yɔ Juda be ewura Zɛdikaya kutɔ n ya kaŋɛ mo le: “Nɛ fanɛ fo nɛ Juda be basa bee sha kebaawɔ ŋkpa to, kumo ere a daga fanɛ men baa wora ewura Nebukadneeza nɛ Babilɔn be efuli so be basa kasonu.

Jɛremaya 27:17

Men sa maa nu a sa bumo! Men shuli so n sa Babilɔn be ewura nsaa kɔ ŋkpa a wɔtɔ. A maŋ daga kadegboŋ ere ka ki kade bure a dese fuloŋ.

Jɛremaya 27:8

Kubɔ to be kebarga nɛ Jɛremaya ta n deŋi mbe kubɔ so na yili n sa eleŋgboŋ nɛ ewura Nebukadneeza kɔ na nna. Amoso efuli kama ŋko kuwurgboŋ kama so be basa kaŋ kini keshuli fanɛ e ji bumo so kuwura, meeŋ ta kena ŋko akoŋgboŋ ŋko alɔ ŋ gberge loŋ be efuli na so be basa kusoe n ya fo saŋɛ nɛ ewura Nebukadneeza ka beeŋ mur bumo cheche.

Jɛremaya 38:2

Enyɛnpe Ebɔrɛ na yɛ: “Kena ŋko akoŋ ŋko kulɔ beeŋ mɔ esa kama nɛ e kraa wɔ Jerusalɛm to. Ama bekama nɛ baŋ lar n ya ta bumo be amu m bɔɔ Babilɔnebi na enɔ bre maaŋ wu. Abaanaaworasheŋ bumo ere beeŋ ji efute.”

Jɛremaya 40:9

Ndoŋ nna nɛ Gɛdaliya kaŋɛ bumo le: “Ma e kaŋɛ menyi na fanɛ a maŋ daga fanɛ men tɔr kapɔŋ n sa Babilɔnebi na. Menyeeŋ tiŋ n chena nfe nsaa shuŋ Babilɔn be ewura nɛ asheŋ e nite nɛnɛ n sa menyi.

Jɛremaya 44:7

To, ma, Enyɛnpetale, Israɛl be Ebɔrɛ na bee bishi nna fanɛ manɛ so nɛ menyee wora menyi gbagba be amu le be kulubi ere? Menyee sha fanɛ benyɛn nɛ beche nɛ mbia wurbi nɛ mbi popɔrbi kikɛ e mur nna nɛ menyi be esa kama maaŋ naŋ ka a wɔtɔ a?

Ezikɛl 8:4

Ndoŋ nɛ ŋ wu Israɛl be Ebɔrɛ na be kemaŋkura fanɛ kumo nɛ n daŋ wu jemanɛ nɛ n daa wɔ Lɔr nɛ baa tre Kɛba na ase na.

Eemɔs 5:27

Amoso meeŋ shin nɛ men doŋana e pɛ menyi nseŋ tintiŋ menyi n yɔ kadegboŋ nɛ baa tre Damaskɔs na hale m baŋ kumo so n yɔ efuli wɔfɔ kenyaya to.” Enyɛnpe Ebɔrɛ nɛ mbe ketre la Enyɛnpetale Ebɔrɛ na e malga na.