Jɛremaya 38:13 - EBƆRƐ BE KAWƆL

¹³ nɛ b gberge ma n lar ketirbu na to. Kumo be kaman nɛ b ta ma n yɔ ewurkpa be bekumpo na be kakpa nɛ baa ti basa na.

Jɛremaya 38:13 Iomraidhean Croise

Jɛnesis 37:28

Amoso Ishmaɛlebi be eyawujipoana na ka ba fo kakpa nɛ Josɛf mo daana na wɔ na nɛ b lara Josɛf ketirbu na to n fa mo egbiti be ndarbi adunyɔ n sa Ishmaɛlebi na nɛ b ta mo n yɔ Ijipt be efuli so. Kumo be saŋɛ so nɛ Ruben bre maŋ wɔ bumo kutɔ.

1 Bewura 22:27

n ya kaŋɛ bumo fanɛ b ti mo ebu n sa maŋ kaŋ sa mo ajibi kikɛ ama bodobodo nɛ nchu nawule hale nɛ n ya shi kena na to m bɛta m ba nɛ alenfia pɔɛŋ.”

Nehemaya 3:25

Uzaya pibinyɛn Palal e lɔŋɛ m pɔr egbal nɛ b gbɛ na n ya fo ewurkpa be ebu jeŋgreŋ nɛ k mata bekumpo be kelɔnɛ ase na. Parosh pibinyɛn Pɛdaya malɛ e lɔŋɛ m pɔr kaba nɛ k bɛ so na.

Aŋasa 29:10

Emɔpo maa sha basa nɛ baa wora asheŋ nɛ a niŋi be asheŋ. Saŋkama e bee fin bumo nɛ e mɔ nna.

Jɛremaya 26:16

Ndoŋ nna nɛ bejuŋkparpoana na nɛ basa na kikɛ kaŋɛ bɔrɛmatapoana na nɛ anebiana na le: “Enyɛnpe, anyi be Ebɔrɛ na be ketre to nɛ kanyɛn ere malga n sa anyi, amoso e maŋ daga luwu.”

Jɛremaya 32:2

Loŋ be jemanɛ na nɛ Babilɔn be benapo kre kena m ba kulti Jerusalɛm n wɔtɔ a fin kekɔ kumo kena, nɛ ma alɛ wɔ kabuti to ashi ewurkpa be bekumpo be kakpa na.

Jɛremaya 37:21

Ndoŋ nna nɛ ewura Zɛdikaya sa ebɔl fanɛ b ya ti ma ewurkpa be bekumpo be kakpa nɛ baa ti basa ebu na. Karechɛ kikɛ b daa sa ma ebodobodo nɛ baa tɔ na be kukoŋwule nna n ya fo fanɛ ebodobodo kikɛ ka loge kadegboŋ na to.

Jɛremaya 38:12

Kumo be kaman nɛ e kaŋɛ ma fanɛ n ta achɛbi na n ta ma aba to, saŋɛ na so efɔl na maaŋ doro ma. Ndoŋ nna nɛ n wora loŋ,

Jɛremaya 38:28

Nɛ b yige ma ewurkpa be bekumpo be kakpa na n ya fo kachɛ nɛ b ba kɔ n pɔɔ Jerusalɛm so n sɔ kumo na.

Jɛremaya 38:6

Ndoŋ nna nɛ b chɛ ma efɔl nseŋ pɛ kumo to n ta ma n wɔtɔ ewura pibinyɛn nɛ baa tre Malkiya na be ketirbu nɛ k daa wɔ ewurkpa be kelɔnɛ so na to. Nchu daa maŋ wɔ ketirbu na to ama edepɔ nawule e daa wɔtɔ nɛ n nia amo to.

Nfabel 3:58

Kumo be keman nɛ fo ba sɔ ma n yige nseŋ mɔlga ma efute nɛ n ji ŋkpa.

Ashuŋ Shunso 23:35

nɛ e kaŋɛ: “Basa nɛ baa wu fo kulubi na kaŋ ba, meeŋ keni fo demu na to.” Kumo be kaman nɛ e shin nɛ benapo na ta Pɔɔl n yɔ kowu nɛ Hɛrɔd daŋ pɔr na to n ya kaa keni mo so.

Ashuŋ Shunso 24:27

B wɔtɔ loŋ nɛ nfɛ anyɔ ba choŋ nɛ Pɔkias Fɛstes ba sɔ mo so a la gomena. Ŋkpal kenya ketre Juwebi na kutɔ so, Filiks daŋ yige Pɔɔl kabuti na to nna nseŋ yɔ.

Ashuŋ Shunso 28:16

An ka ba Rom nɛ Romebi be abane be benimuana na shin nɛ Pɔɔl gbagba wɔtɔ a keni mbe kumu so nseŋ shin nɛ b lara enapo nɛ e baa de Pɔɔl so.

Ashuŋ Shunso 28:30

Pɔɔl be nfɛ anyɔ nɛ e sɔ esa ko be ebu a wɔtɔ a ka ebu na wura. Ndoŋ nɛ e daa wɔ a sɔ basa kama nɛ b daa ba m ba kaa chɔrɔ mo.