Jɛremaya 37:9 - EBƆRƐ BE KAWƆL

⁹ Ma, Enyɛnpe Ebɔrɛ na bee kpele menyi kusoe nna fanɛ men sa maa fɛ fanɛ Babilɔnebi na maaŋ naŋ bɛta m ba, ŋkpal manɛ so, baaŋ bɛta m ba.

Jɛremaya 37:9 Iomraidhean Croise

Job be kawɔl 15:31

Nɛ b paŋ nfɛra nseŋ ta bumo be yirda n wɔtɔ asheŋ lubi to bre, kumo ere asheŋ lubi be kakɔka nɛ baaŋ nya.

Jɛremaya 29:8

Ma, Enyɛnpe, Israɛl be Ebɔrɛ na bee kpele menyi kusoe nna fanɛ men sa maŋ shin nɛ anebiana nɛ b wɔ menyi to na ŋko bekama nɛ baa kpal a wu asheŋ na e fule menyi. Men sa maŋ kaa nu a sa bumo.

Obadaya 1:3

Fo, Edɔm be kamoowu e naa fule fo na. Fo Edɔm nɛ fo tase kebee so nɛ fo kowu wɔ kaboŋ jeŋgreŋ na, e naa puchi a kaŋɛ fo kumu fanɛ wanɛ e naaŋ tiŋ m pɔɔ fo so na, ŋko?

Galeeshaebi 6:3

Nɛ ekama nɛ e bee fɛ fanɛ e la esagboŋ ko nna, mo alɛ ŋkaa maa la shɛŋ, bee fule mo gbagba be kumu nna na.

Galeeshaebi 6:7

Men sa maŋ kaŋ fule men be amu. Esa maaŋ tiŋ n wora Ebɔrɛ eyurto. Kusɔ kama nɛ esa baŋ duu, kumo gbagba nɛ e beeŋ ba teŋi kacha ko.

Ɛfesesebi 5:6

Men sa maŋ shin nɛ esa kama e ta mmalga fuloŋ n fule menyi, ŋkpal manɛ so, loŋ be asheŋ so nɛ Ebɔrɛ be demuji be agbo bee ba bumo nɛ b maa nu a sa mo na so.

2 Tɛsalɔnikaebi 2:3

Men sa maŋ kaŋ shin nɛ esa kama e bɔla ekpa kikɛ so n fule menyi, ŋkpal manɛ so, Enyɛnpe be kachɛ na maaŋ ba ama kenyaŋɛto m buu Ebɔrɛ na ba na nɛ alubipo nɛ mbe kelamba la edɛ to be keluri na lar na pɔɛŋ.

Jeems 1:22

Ama men baa la benupo nɛ baa nu a wora nsaa maa nu kamalga na jiga a fule men be amu.