Jɛremaya 37:7 - EBƆRƐ BE KAWƆL

⁷ ŋ kaŋɛ ewura Zɛdikaya le: “Ijipt be efuli so be benapo bee ba nɛ b ba chɛ menyi to, ama baaŋ bɛta n yɔ epe.

Jɛremaya 37:7 Iomraidhean Croise

2 Bewura 22:18

Ama kusɔ nɛ ma Enyɛnpe Israɛl be Ebɔrɛ na kɔ nɛ ŋ kaŋɛ ewura na bre nde. Mo ere nu kusɔ nɛ b sibɛ n wɔtɔ mbra be kawɔl na to,

2 Bewura 24:7

Babilɔn be ewura daŋ kɔ m pɔɔ Ijipt be ewura Neeko so nna nseŋ sɔ kasawule nɛ k yili Yufreetes be lɔrgboŋ na n ya fo Ijipt be kelargato to be esoso be kaba so na nna, amoso Ijipt be ewura nɛ mbe benapo daa maŋ naŋ lar Ijipt n ya kɔ Juda kena kikɛ.

Aŋasa 21:30

Dimɛdi be kanyiasheŋ kikɛ nɛ asheŋ be kepinto nɛ ŋkre kikɛ maaŋ tiŋ m pɔɔ Enyɛnpe Ebɔrɛ so.

Aizaaya 30:7

Ijipt be kechɛto maŋ la shɛŋ. Amoso nɛ mee tre kumo ‘Kusɔ gbeyeso nɛ k du fanɛ laŋchaŋ a maaŋ tiŋ n wora shɛŋ na.’ ”

Aizaaya 36:6

E bee ta mbe kumu a to Ijipt be efuli nɛ kumo be ewura so nna, ŋko? Nɛ loŋ bre nna, k du fanɛ e ka bee yirgi kedibi buso nɛ k beeŋ tiŋ n da mbe enɔ be epun to m bɔl so nna. Kananɛ Ijipt be ewura, Fɛɛro, du n sa esa kama nɛ e ta mbe kumu n lɛ mo so nna na.

Jɛremaya 2:18

Men ka daŋ yɔ Ijipt nɛ Asiriya be efuliana so n ya nuu elɔrgboŋ nɛ baa tre Nail nɛ Yufreetes be nchu na, manɛ nɛ men daa fɛ fanɛ menyeeŋ nya ashi efuliana na so?

Jɛremaya 2:36

Men paŋ anishinyɔr nseŋ ya kaa shuŋ efuli pɔtɛana so be agbirana. Kananɛ Asiriya be efuli so be agbirana maŋ tiŋ n chɛ menyi to na, aloŋ nɛ Ijipt be efuli be agbirana gba maaŋ tiŋ n chɛ menyi to.

Jɛremaya 2:37

Menyeeŋ ji anishinyɔr nseŋ ta menyi be enɔana n deŋi amu so n shu n lar Ijipt be efuli so fanɛ basa nɛ b kɔ kena n tɔr na. Ŋkpal manɛ so, ma Enyɛnpe Ebɔrɛ na kini basa nɛ men yirda na nna n lɛ. Amoso menyi maaŋ nya kechɛto kikɛ bumo kutɔ.”

Jɛremaya 21:1

Juda be efuli so be ewura, Zɛdikaya daŋ tre Malkiya pibinyɛn nɛ baa tre Pashɔ na nɛ Maseiya pibinyɛn nɛ baa tre Zefanaiya nɛ e la bɔrɛmatapo na nna n shuŋi ma kutɔ fanɛ b ba kaŋɛ ma le:

Jɛremaya 21:2

“Jande Jɛremaya, malga Enyɛnpe Ebɔrɛ na kutɔ n sa anyi, ŋkpal manɛ so, Babilɔn be efuli so be ewura, Nebukadneeza nɛ mbe benapo e ba kulti Jerusalɛm n wɔtɔ a sha kekɔ anyi kena na. Ashere Enyɛnpe Ebɔrɛ na beeŋ wora mbe emamachisheŋ na be kuko n shin nɛ Nebukadneeza e yige anyi nseŋ bɛta n yɔ mbe efuli so.”

Jɛremaya 37:3

Ewura Zɛdikaya daŋ shuŋi Shelemaya pibinyɛn, Jehukal nɛ bɔrɛmatapo Zefanaiya nɛ e la Maaseia pibinyɛn na nna fanɛ b ba kaŋɛ ma fanɛ n yili mbe katelamu to ŋ kule Enyɛnpe, anyi be Ebɔrɛ na n sa mo.

Jɛremaya 37:5

Babilɔn be efuli so be benapo daŋ kre kena nna m ba kulti Jerusalɛm n wɔtɔ, ama b ka nu fanɛ Ijipt be efuli so be benapo teŋ lar bumo be efuli so a ba na nɛ b bɛta bumo be ayamu so.

Jɛremaya 37:6

Kumo be kaman nɛ Enyɛnpe, anyi be Ebɔrɛ na naŋ kaŋɛ ma fanɛ

Nfabel 1:7

Jerusalɛm be basa bee nyiŋi dra na be kebaawɔtɔ lela nɛ b daa kɔ be asheŋ. Jemanɛ nɛ bumo doŋana ba kɔ m pɔɔ bumo so na, esa kikɛ daa maŋ chɛ bumo to. Ŋkpal b ka kɔ n tɔr so, bumo doŋana daŋ mushe nseŋ wora bumo eyur to nna.

Nfabel 4:17

Ade kikɛ be kaman, an daa keni a fin kechɛto ashi efuli pɔtɛ ko kutɔ, ama anyi be tama ki fuloŋ; ŋkpal manɛ so, efuli na maŋ tiŋ n chɛ to m mɔlga anyi.

Ezikɛl 17:17

Fɛɛro nɛ e la Ijipt be ewurgboŋ na nɛ mbe benapo lempo kikɛ maaŋ tiŋ n chɛ Juda be basa to ŋ kɔ jemanɛ nɛ Babilɔn be basa beeŋ ba gbare eshishɛr n deŋi abar so m mata Jerusalɛm be egbal na a fin keluri kade na to ŋ kɔ m mɔ basa na.

Ezikɛl 29:16

Israɛl be basa malɛ maaŋ naŋ ta bumo be amu n to Ijiptebi so a fin kechɛto. Kusɔ nɛ k beeŋ tu Ijipt be basa na beeŋ shin nɛ Israɛlebi na e nyiŋi fanɛ kedaa maŋ daga fanɛ b ta bumo be amu n to Ijipt so nseŋ pin fanɛ ma e la Enyɛnpetale Ebɔrɛ na.”

Ezikɛl 30:22

Amoso, kusɔ nɛ ma, Enyɛnpetale Ebɔrɛ na kaŋɛ nde e la fanɛ: Ijipt be ewura la n doŋ nna nɛ mee sha kemur mo kuraa, saŋɛ na so, e maaŋ naŋ nya eleŋ ŋ koso n wora shɛŋ.