Jɛremaya 37:5 - EBƆRƐ BE KAWƆL

⁵ Babilɔn be efuli so be benapo daŋ kre kena nna m ba kulti Jerusalɛm n wɔtɔ, ama b ka nu fanɛ Ijipt be efuli so be benapo teŋ lar bumo be efuli so a ba na nɛ b bɛta bumo be ayamu so.

Jɛremaya 37:5 Iomraidhean Croise

2 Bewura 24:7

Babilɔn be ewura daŋ kɔ m pɔɔ Ijipt be ewura Neeko so nna nseŋ sɔ kasawule nɛ k yili Yufreetes be lɔrgboŋ na n ya fo Ijipt be kelargato to be esoso be kaba so na nna, amoso Ijipt be ewura nɛ mbe benapo daa maŋ naŋ lar Ijipt n ya kɔ Juda kena kikɛ.

Jɛremaya 34:21

Ma alɛ beeŋ ta Juda be ewura Zɛdikaya nɛ mbe benimuana m bɔɔ Babilɔn be ewura nɛ mbe benapo nɛ b maŋ naa kɔ menyi kena na enɔ nɛ b mɔ.

Jɛremaya 37:11

Babilɔn be benapo na daŋ shi Jerusalɛm m bɛta bumo be ayamu so nna ŋkpal Ijiptebi na ka daa ba so.

Jɛremaya 37:6

Kumo be kaman nɛ Enyɛnpe, anyi be Ebɔrɛ na naŋ kaŋɛ ma fanɛ

Jɛremaya 37:7

ŋ kaŋɛ ewura Zɛdikaya le: “Ijipt be efuli so be benapo bee ba nɛ b ba chɛ menyi to, ama baaŋ bɛta n yɔ epe.

Ezikɛl 17:15

Ama ewura popɔr nɛ Babilɔn be ewurgboŋ lara na pal kaman n sa mo nseŋ shuŋi mbɔ Ijipt be efuli so a fin egbaŋɛ nɛ benapo damta. Fo tama fanɛ ewura ere beeŋ ji n lar kusɔ nɛ e bee wora ere to a? E maaŋ tiŋ n lar kɔnɔkoŋwule be ŋkre na kaman nsaa maŋ nya kumo be kasogberge!”

Ezikɛl 17:17

Fɛɛro nɛ e la Ijipt be ewurgboŋ na nɛ mbe benapo lempo kikɛ maaŋ tiŋ n chɛ Juda be basa to ŋ kɔ jemanɛ nɛ Babilɔn be basa beeŋ ba gbare eshishɛr n deŋi abar so m mata Jerusalɛm be egbal na a fin keluri kade na to ŋ kɔ m mɔ basa na.