Jɛremaya 37:21 - EBƆRƐ BE KAWƆL

²¹ Ndoŋ nna nɛ ewura Zɛdikaya sa ebɔl fanɛ b ya ti ma ewurkpa be bekumpo be kakpa nɛ baa ti basa ebu na. Karechɛ kikɛ b daa sa ma ebodobodo nɛ baa tɔ na be kukoŋwule nna n ya fo fanɛ ebodobodo kikɛ ka loge kadegboŋ na to.

Jɛremaya 37:21 Iomraidhean Croise

2 Bewura 25:3

Ewura Zɛdikaya be kuwurji be kafɛ kudukakosopo to be kufɔl nasopo na be kachɛ kpanusopo na nɛ Jerusalɛm to be akoŋ na wora kishi alegaiso nɛ basa na maŋ naa kɔ ajibi nɛ b ji.

Job be kawɔl 5:20

Ebɔrɛ e naŋ kuŋ fo ashi luwu to jemanɛ kikɛ; akoŋgboŋ nɛ kena be jemanɛ gba, fo maaŋ wu.

Nshɛ 37:19

B maaŋ ji awurfoŋ jɛrbi be saŋɛ. Akoŋ be jemanɛ malɛ, bumo ere beeŋ baa kɔ ajibi yɛlyɛla so.

Nshɛ 37:3

Yirda Enyɛnpe Ebɔrɛ na, nsaa wora alelasheŋ. Saŋɛ na so feeŋ chena kasawule ere so n nya kekuŋ.

Aŋasa 16:7

Esa be asheŋ woraso baa bɔlɔ Enyɛnpe Ebɔrɛ kenishi, E bee shin nna nɛ amodoŋwura nɛ mo doŋana gba bee chena kagbenewushi so.

Aŋasa 21:1

Enyɛnpe Ebɔrɛ e naa ŋini Ewura be kagbene ekpa, fanɛ nchu be kubɔr na.

Aizaaya 33:16

Aloŋ e naaŋ shin nɛ men nya menyi be amu, nsaa du fanɛ basa nɛ b wɔ ebu lempo jeŋgreŋ nɛ k bee kuŋ basa na to. Menyi alɛ beeŋ naa nya a ji nsaa nuu yila yila so jemanɛ kikɛ.

Jɛremaya 20:2

nɛ e shin nɛ b pɛ ma m bri nseŋ ta ŋgbɛlɛbi ŋ kre ma n nase ashi bɔrɛlambu na be kabunagboŋ nɛ baa tre Bɛnjamin be Kabunagboŋ na ase.

Jɛremaya 32:2

Loŋ be jemanɛ na nɛ Babilɔn be benapo kre kena m ba kulti Jerusalɛm n wɔtɔ a fin kekɔ kumo kena, nɛ ma alɛ wɔ kabuti to ashi ewurkpa be bekumpo be kakpa na.

Jɛremaya 32:8

Kumo be kaman nɛ Hanamɛl ba ma kutɔ ashi kakpa nɛ b ti ma ebu na, fanɛ kananɛ Enyɛnpe Ebɔrɛ na kaŋɛ na, m ba kaŋɛ ma fanɛ n tɔ mbe kasawule. Enyɛnpe Ebɔrɛ na ka teŋ ŋ kaŋɛ ma kumo be asheŋ so

Jɛremaya 33:1

Jemanɛ nɛ ma, Jɛremaya, kraa wɔ kabuti to ashi ewurkpa be bekumpo be kakpa na, nɛ Enyɛnpe Ebɔrɛ na naŋ kaŋɛ ma le:

Jɛremaya 38:13

nɛ b gberge ma n lar ketirbu na to. Kumo be kaman nɛ b ta ma n yɔ ewurkpa be bekumpo na be kakpa nɛ baa ti basa na.

Jɛremaya 38:28

Nɛ b yige ma ewurkpa be bekumpo be kakpa na n ya fo kachɛ nɛ b ba kɔ n pɔɔ Jerusalɛm so n sɔ kumo na.

Jɛremaya 38:6

Ndoŋ nna nɛ b chɛ ma efɔl nseŋ pɛ kumo to n ta ma n wɔtɔ ewura pibinyɛn nɛ baa tre Malkiya na be ketirbu nɛ k daa wɔ ewurkpa be kelɔnɛ so na to. Nchu daa maŋ wɔ ketirbu na to ama edepɔ nawule e daa wɔtɔ nɛ n nia amo to.

Jɛremaya 38:9

“Yiramu, kusɔ nɛ basa ere wora ere maŋ walɛ. B ta Jɛremaya n wɔtɔ ketirbu to, kakpa nɛ akoŋ beeŋ mɔ mo, ŋkpal manɛ so, ajibi kikɛ maŋ naa wɔ kadegboŋ na to.”

Nfabel 5:10

Akoŋ shin nɛ anyee lɔ hale a chicha, nɛ anyi be eyurana bel edɛ fanɛ asure to.

Matiu 6:33

Amoso men ta Ebɔrɛ be kuwura na nɛ mbe alelasheŋ be kasha n juŋkpar men be kebaawɔtɔ to nɛ e shin nɛ men nya asɔ na kikɛ n ti so.

Ashuŋ Shunso 12:5

Amoso nɛ b daŋ shin nɛ Pita daŋ kraa wɔ kabuti to na. Ama jemanɛ na so nɛ asɔriebi na malɛ wɔ kabɔrɛkule kpakpaso to a sa Pita.

Ashuŋ Shunso 24:27

B wɔtɔ loŋ nɛ nfɛ anyɔ ba choŋ nɛ Pɔkias Fɛstes ba sɔ mo so a la gomena. Ŋkpal kenya ketre Juwebi na kutɔ so, Filiks daŋ yige Pɔɔl kabuti na to nna nseŋ yɔ.

Ashuŋ Shunso 28:16

An ka ba Rom nɛ Romebi be abane be benimuana na shin nɛ Pɔɔl gbagba wɔtɔ a keni mbe kumu so nseŋ shin nɛ b lara enapo nɛ e baa de Pɔɔl so.

Ashuŋ Shunso 28:30

Pɔɔl be nfɛ anyɔ nɛ e sɔ esa ko be ebu a wɔtɔ a ka ebu na wura. Ndoŋ nɛ e daa wɔ a sɔ basa kama nɛ b daa ba m ba kaa chɔrɔ mo.

Ɛfesesebi 4:1

Ma Pɔɔl nɛ n wɔ kabuti to ŋkpal Enyɛnpe so na e naa leŋ menyi to a kaŋɛ menyi fanɛ men baa kɔ kebaawɔtɔ nɛ k maa ji ketre nɛ Ebɔrɛ tre menyi na emɔrɔ.

Ɛfesesebi 6:20

Baru lela na malɛ be katelamuyilipo e la ma nɛ n wɔ kabuti to na. Men baa kule Ebɔrɛ a sa ma nɛ m baa tiŋ a kɔ kenyɛn a bɔ baru lela na a sa basa fanɛ kananɛ k daga fanɛ m baa wora.

2 Timoti 1:8

Amoso, sa maŋ shin nɛ keji an Nyɛnpe na be shɛda be asheŋ ŋko ma nɛ n wɔ kabuti to ŋkpal mo so ere be asheŋ e baa wora fo anishinyɔr kikɛ. Ama fo alɛ gba e baa bɔla eleŋ nɛ Ebɔrɛ sa fo na so a shuli a ji awurfoŋ ŋkpal baru lela na so.

2 Timoti 2:9

Baru lela na malɛ so nɛ mee ji awurfoŋ ere hale a wɔ ŋgbuliŋ to fanɛ esa nɛ e wora kulubi ko na. Ama esa malɛ kikɛ maaŋ tiŋ n wɔtɔ Ebɔrɛ be kamalga bre kegbuleŋ.