Jɛremaya 37:18 - EBƆRƐ BE KAWƆL

¹⁸ Kumo be kaman nɛ m bishi mo le: “Manɛ be kulubi nɛ n wora n da fo so ŋko fo ekrachi so ŋko basa ere so, nɛ men ta ma n ti ebu?

Jɛremaya 37:18 Iomraidhean Croise

Jɛnesis 31:36

Nɛ Jeekɔb kpal loŋ so n nya agbo n wɔtɔ Leeban nseŋ bishi mo: “Manɛ be kulubi nɛ n wora, nɛ fo kpal kumo so n ju a bɛ ma so?

Aŋasa 17:13

Fo baa ta kulubi a ka kelela be kukɔ, alubi maaŋ lar fo laŋ to kikɛ.

Aŋasa 17:26

Esa nɛ e maŋ wora n jija maŋ daga kasogberge; nɛ esa nɛ e bee wora asheŋ nɛ a niŋi ekpa maŋ daga tɔrɔ.

Jɛremaya 26:19

Ndoŋ nna nɛ benimuana na kraŋ naŋ kaŋɛ ewura Hɛzekaya nɛ e shin nɛ Juda be basa na maŋ mɔ anebi Maika. Ama kusɔ Hɛzekaya daŋ wora e la fanɛ e daŋ maŋkura Enyɛnpe Ebɔrɛ na nna nseŋ kule mo fanɛ e wu mo kuwɔr. Kumo be kaman nɛ Enyɛnpe Ebɔrɛ na chɛrga mbe nfɛra a laŋɛ jɛrbi nɛ e daŋ kaŋɛ fanɛ e beeŋ shin nɛ b ji na be kaplɛa so. An peebi Juda be basa, nɛ an mɔ Jɛremaya, anyeeŋ ji jɛrbi lubi.”

Danɛl 6:22

Ma Ebɔrɛ na shuŋi mbe malaika nna nɛ e ba ti ebuluŋ na be nnɔ nɛ b maŋ tiŋ n tɔrɔ ma. Yiramu! E wora loŋ nna ŋkpal e ka nyi fanɛ m maŋ wora kulubi kikɛ so.”

Baru lela nɛ Jɔn kute na 10:32

Nɛ Yesu bishi bumo le: “Asheŋ lela damta nɛ a shi Etuto na kutɔ nɛ n wora ŋ ŋini menyi. To, nɛ amo be kumo so nɛ menyee kpal a sha nɛ men kpa ma ajembu ere?”

Ashuŋ Shunso 23:1

Nɛ Pɔɔl keni nshɛrwuraana na diimbi nseŋ kaŋɛ: “Ŋ kurgepoana, hale kabre ma kagbene to maa wora ma shikashika Ebɔrɛ be anishito fanɛ m maŋ kɔ kebaawɔtɔ cheembi.”

Ashuŋ Shunso 24:16

Amoso, saŋkama mee wora ania nna nɛ m baa kɔ kagbene koŋwule nɛ k maa wora ma shikashika ashi ma nɛ Ebɔrɛ nɛ nyiŋgbasa be kebaawɔtɔ to.

Ashuŋ Shunso 25:11

Nɛ n daŋ wora kusɔ ko nna n da mbra na so nɛ k daga ma luwu, n daa maaŋ gelge kumo be loŋ. Ama nɛ kashenteŋ maŋ wɔ asheŋ nɛ baa kaŋɛ fanɛ n wora ere to, esa kikɛ maaŋ tiŋ n ta ma m bɔɔ bumo enɔ. Romebi be ewurgboŋ na nɛ mee kule fanɛ e keni ma demu na to.”

Ashuŋ Shunso 25:25

Ama ma alɛ maaŋ tiŋ n wu kusɔ nɛ e wora n daga luwu be kasogberge. Mo alɛ naŋ kule fanɛ n shin nɛ Romebi be ewurgboŋ na gbagba e keni mbe demu na to, amoso, meeŋ shin nɛ b yɛr mo ndoŋ.

Ashuŋ Shunso 25:8

Nɛ Pɔɔl malga le ŋ kuŋ mbe kumu: “M maŋ wora shɛŋ n da Juwebi be mbra na ŋko bɔrɛlambu na ŋko Romebi be ewurgboŋ na so.”

Ashuŋ Shunso 26:31

“Kanyɛn ere maŋ wora kusɔ kama nɛ k daga mbe luwu ŋko kabuti.”

Galeeshaebi 4:16

To, naniere bre ŋ ki men doŋ nna ŋkpal ŋ ka ji menyi kashenteŋ so ŋko?