Jɛremaya 37:13 - EBƆRƐ BE KAWƆL

¹³ Ama jemanɛ nɛ n ya fo Bɛnjamin be Kabunagboŋ na ase na, nɛ kanyɛn nɛ baa tre Irija nɛ e la Shelemaya pibinyɛn nsaa keni esoji nɛ b daa keni kabunagboŋ na so na pɛ ma nseŋ kuŋ ma ekpa. Kumo be kaman nɛ e kaŋɛ ma le: “Fee sha keshile n ya ti Babilɔnebi na so nna na!”

Jɛremaya 37:13 Iomraidhean Croise

Jɛremaya 18:18

Ndoŋ nna nɛ basa na kaŋɛ abar le: “Men shin nɛ an to jina a laŋɛ kananɛ anyeeŋ nya Jɛremaya m mɔ be kaplɛa so. Bɔrɛmatapoana beeŋ baa wɔtɔ jemanɛ kikɛ a ŋini anyi asheŋ, nɛ benyiashempo e baa ji anyi asoe to nɛ anebiana malɛ e baa bɔ Ebɔrɛ be kubɔya na a sa anyi. Men shin nɛ an nya kulubi ko ŋ ku n deŋi mo. Saŋɛ na so anyeeŋ tiŋ a kini kebaanu kusɔ kama nɛ e bee kaŋɛ.”

Jɛremaya 20:10

Mee nu ekama ka bee kuli a kaŋɛ le: “Kufugboŋ e sɔ kaplɛkama! Amoso men shin nɛ an potii Jɛremaya n sa benimuana na!” N teri kpakpasoana gba bee jo nna nɛ n wora n da so. Kusɔ nɛ baa kaŋɛ e la fanɛ: “Ashere esa beeŋ tiŋ n fule Jɛremaya nɛ e wora n da so nɛ an nya mo m pɛ ŋ ka mo kukɔ.”

Jɛremaya 20:2

nɛ e shin nɛ b pɛ ma m bri nseŋ ta ŋgbɛlɛbi ŋ kre ma n nase ashi bɔrɛlambu na be kabunagboŋ nɛ baa tre Bɛnjamin be Kabunagboŋ na ase.

Jɛremaya 21:9

Esa kama nɛ e wɔ kadegboŋ na to beeŋ wu kena to ŋko akoŋ beeŋ mɔ mo ŋko e beeŋ lɔ n wu. Ama bekama nɛ baaŋ lar n ta bumo be amu n ya bɔɔ Babilɔnebi nɛ b kulti Jerusalɛm n wɔtɔ na enɔ bre beeŋ nya bumo be amu.

Jɛremaya 27:6

E yɛ: “Ma e sa ma kenya, Babilɔn be ewura Nebukadneeza yuku efuliana ere kikɛ so nseŋ shin nɛ kupuŋ to be asɔbɔya kikɛ gba wɔ mbe kaseto.

Jɛremaya 28:14

Enyɛnpetale, Israɛl be Ebɔrɛ, na kaŋɛ fanɛ e beeŋ ta kebɛlso be kubɔ to be kebarga n wɔtɔ efuliana ere kikɛ be basa be abɔ to nɛ b baa shuŋ Babilɔn be ewura Nebukadneeza. E yɛ, e beeŋ shin nɛ ewura Nebukadneeza e ji eleŋ kupuŋ to be asɔbɔya gba so.”

Jɛremaya 36:12

Kumo be kaman nɛ e yɔ ewurkpa be esibɛpo na be ebu to nɛ ewura be benimuana na bee wora nshɛr. Bumo nɛ b daa wora nshɛr na e daa la Elishama nɛ e la ewura be esibɛpo na, nɛ Shemayaya pibinyɛn, Delaiya nɛ Akbɔ pibinyɛn, Ɛlnatan nɛ Shafan pibinyɛn, Gɛmariya nɛ Hananiya pibinyɛn, Zedekaya nɛ benimuana na kikɛ.

Jɛremaya 38:1

Kachako nɛ Shefatiya nɛ Gɛdaliya nɛ Jehukal nɛ Pashɔ nu ŋ ka bee kaŋɛ basa na fanɛ

Jɛremaya 38:4

Ndoŋ nna nɛ ewurkpa be ekrachi na yɔ ewura kutɔ n ya kaŋɛ mo le: “Kanyɛn ere daga luwu. Kananɛ e bee malga ere beeŋ tiŋ n shin nɛ esoji na e pɔ aba nsaa maŋ naa kɔ kenyɛn. Kumo kesheŋ koŋwule na nɛ e bee wora ekama nɛ e wɔ kadegboŋ na to na. Mannɛ fanɛ basa na be kechɛto so nɛ e bee wora loŋ, ama e bee tɔrɔ bumo nna na.”

Jɛremaya 38:7

Ndoŋ nna nɛ Itiopia be efuli so be kanyɛn ko nɛ baa tre mo Ebedmɛlɛk, nɛ e la ndoŋ be ewurkpa be ekrachi to be eko, nu fanɛ b ta ma n wɔtɔ ketirbu na to. Loŋ be jemanɛ na nɛ ewura Zɛdikaya nɛ mbe ewurkpa be ekrachi bee to jina ashi Bɛnjamin be Kabunagboŋ na ase.

Nfabel 4:18

Bedoŋ daa fin anyi nɛ b mɔ ashi kegbembi kama so nna. Amoso an daa maŋ naa tiŋ a nite agbembi so. Anyi be kemur be jemanɛ fo, anyi be nchɛ fo ekar nna na.

Eemɔs 7:10

Le be kubɔya nɛ Amaziya nɛ e la Bɛtɛl be bɔrɛmatapo na daŋ ta n sa Jeroboam nɛ e la Israɛl be ewura na. E yɛ: “Eemɔs bee kre menyi ŋkre lubi nna ashi Israɛlebi be kasawule so. Mbe mmalga gba nawule beeŋ tiŋ m mur efuli na kikɛ.”

Zakareya 14:10

Kasawule nɛ k yili Gɛba n dese n ya fo Rimmɔn a laŋɛ Jerusalɛm be kelargato be kaseto be kaba so na beeŋ ki fanɛ keshishɛrsawule nɛ baa tre Araba na. Ama Jerusalɛm bre beeŋ baa kraa yil kumo be kakpa nseŋ yili kabuna nɛ baa tre Bɛnjamin be Kabunagboŋ na n salga to n ya fo kumo nɛ baa tre Kukɔlɔ to be Kabunagboŋ, be kakpa nɛ kabuna ko daa wɔ na. K kraa beeŋ yili kakpa nɛ baa tre Hananɛl be Ebu jeŋgreŋ na n salga to n ya fo kakpa nɛ baa wora bewura be eyabra na.

Luuk 23:2

n ya kaŋɛ mo fanɛ le be alubi nɛ Yesu wora. B yɛ: “An wu fanɛ kanyɛn ere wɔtɔ nna a wul anyi be efuli ere so ebi to nsaa kaŋɛ anyi fanɛ an sa maa ka lampo a sa Romebi be ewurgboŋ Siza nseŋ naa wɔtɔ a tre mo gbagba be kumu Kristo nɛ e la ewura na.”

Ashuŋ Shunso 24:13

Bumo alɛ maŋ kɔ shɛŋ nɛ b ta ŋ ŋini fo fanɛ asheŋ nɛ baa malga ere la kashenteŋ nna.

Ashuŋ Shunso 6:11

Nɛ b kpal loŋ so n sa basa ko amansherbi nseŋ we n wɔtɔ bumo fanɛ b kaŋɛ le: “An nu e ka bee malga a da Mosis nɛ Ebɔrɛ so.”

2 Kɔrintebi 6:8

Basa bee bunyaŋ anyi nsaa ŋaba anyi, baa tege anyi nsaa chɔrɔ anyi, baa tre anyi befɛpo nɛ anyi alɛ bee ji kashenteŋ.